Oejtdtigt bett SSeftfc iljrer. Seljnguter, tterftmdjt, fte roegett erltttenen 93ranbfcbabeng ju begutifttgen

unb tljnen ben „9Reuen «§of" $u uberetgnen, am 22. September 1348.

Wye Woldemar, von der Gnade Goddis tu Brandenburch, tu Lul'iz, tu Landes- berg Markgreue vnde des hilghen Rumeschen rykes ouerste Kemerer, bekennen openbar vnde be- tugen in desseme briue, dat we dorch Got vnd dorch bede vnser lieuen friind Greuen Albrechtes von Anehalt, Hertoghen Rudolfs von Sassen des jiingern vnde durch ander vnser frttnt vnd Rhatgeuen willen vnde durch vnser getruwen burger bede willen gemeyne beider Stede Berlyn vnd Colne afgeleget hebben pennynge, dy man plag tu geuene in vnser Mole tu dem Berlyne van dem Wischepele vier penninge, vnde wat man von entlingen Schepeln hat gegeuen bouen der rechten Matte, dat late we leddig vnd loos in deffeme brieue. Vortmer wille we vnsen lieuen burgern tu Berlyne vnde tu Colne liegen alle die Leen, gheistlik vnd wertlik, die we von rechte liegen schollen. Were ok, dat vnser vorgenante burgere ennig sin Gud in vnseme houe mit rechte wunne, den schole we vnde willen genzliken by deme rechte behalden. Ok scholle we vnd vnse Man nymande vorwysen mit lime Leene, alse eyne bose Wohnheit is. Vortmer schole we vnde willen umme den schaden, den vnse vorbesprokene burger von brande genommen hebben, dun nach Rate vnser Ratgeuen vnde vnser lieuen Ratmanne beider Stede Berlyn vnd Colne, also dat fie vnsen Gnaden tu dankene scholen hebben. Vortmer wille wi vnsen lieuen burgern van alden Ber lyn den nygen Hoff eygenen, wenne lie den mitGunst vnde mit willen irwerwen von den, die en nu inne hebben. Tu einer bekentnisse differ vorbeschreuen stucke, se hebbe we diffen brieu vnsen vorgenanten burgern von Berlyn vnd Colne gegeuen, besegelt mit vnseme Ingesegele, na Goddes bort dritteyn hundert jar, in dem acht vnd virtegesten jare, in sunte Mauritius daghe.

® er (fen, SSerm. abbanbnmgen I, 206..

235