Wir Joachim etc., Churfurst etc., Bekennen vnd thun kunt etc., Alsdann kurtz hievor vnser libe getrewen, die geraeinen Sneidergesellen Beider vnser stete Berlin vnd Co 11 en aus fonder guter andacht Im Prediger-Closter, alhir zu Coin gelegen, neben ihrer Bruderschafft, die sy vorhin darinne gehabt, bei den wirdigen vnsern lieben andechtigen Priori vnd gantzen Convent, ein Fruemeffen vnd darzu vier begengknus des Jars, zu Ewigen Zeiten zu halten, gestifft vnd ge- ordent, laut gedachts Priors vnd Convents verschreibung daruber aussgangen vnd vns darauff die- mutiglich ersucht, Inen solich Ir Stifftung als der Landsfurst gnediglich zu confirmiren zu bestellen vnd auch vnsern willen vnd volbort dartzu zu geben, des haben wir angesehen Ir gut andacht, Wolmeynung vnd zimlich bete vnd Inen zu Verraerung solicher gotlichen dinste, dartzu wir vns als Christlicher Churfurst schuldig erkennen vnd des auch begerliche Zuneigung vnd lieb dartzu tragen, dieselben ewig stifftung aus furstlicher uberkeit confirmirt, bestetigt vnd vnsen Willen vnd Volbort dartzu gegeben vnd Confirmiren vnd besteten also solich stifftung, wie obsteet, Geben auch vnsern Willen vnd volbort dartzu, In Crafft vnd macht dits Briefs, sollen vnd wollen fy sovil an vns hynfur darbey gnedigelich schutzen vnd handthaben, getrewlich vnd vngeverlich. Datum etc. am dinstag nach Martini Im 18. Jare.

3Ju8 bent Orig. be« $3crliner @tabt»Hri$i»e« 9?o. 296.