am 30. Dftobet 1450.

Wir Friederich, von Gots gnaden Marggraf zu Brandenburg, des heiligen Romischen Reichs Ertzcamerer vnd Burggraf zu Nuremberg, Bekennen offentlich mit diesem brieffe vor vns, vnser erben vnd Nachkommen vnd sunft vor allermenlich, die jn sehen, horen oder lesen, das wir angesehen vnd erkant haben, getrewe vnd willige dienste, die vns vnd vnser herschafft vnser lie ben getrewen Nickel Glutzer vnd Nickel Roetzsch offte vnd dick gethan, noch teglichen

302

thun vnd hinfurder mehr wol thun konnen, sollen vnd mogen. Darurnb vnd auch von besunder gunst vnd gnaden wegen haben wir In vnd Iren menlichen Leibslehens Erben diese hirenach ge- schribne gutter, jerliche Zinse vnd Rente zu rechten manlehn vorlihen: Nemlichen im dorffe zu Berckholz vff Paul Lemmecken hoff vnd huffen einen wispel roggen, einen wispel haffern vnd zwelff groschen; vfF Hans Hertzeberges hoff vnd huffen einen wispel roggen, funffzehn schessel haffern, zwelff scheffel gersten vnd sechs groschen; vff des Schmides hoff vnd einer huffe sechs scheffel roggen; vff Ranens hoff vnd huffen zwei wispel hafern, zwei scheffel roggen vnd drie gro schen; vf Rosendals hoff vnd huffen achtzehn scheffel roggen vnd einen winspel haffern; vs Ma thias Langen hoff vnd huffen einen winspel roggen; vff Hans Gotzken hoff vnd huffen sechzen scheffel hafern vnd virdehalben groschen; vff Vischers hoff vnd.huffen einen winspel roggen, einen winspel haffern vnd zwelff scheffel gersten; vnd vff Lukas Williken hoff vnd huffen Neun scheffel hafern. Vnd wir vorleihen dem gnanten Nickel Glutzer vnd Nickel Roetzsch die vorge- schrieben guther, jerliche Zinse vnd Rente zu einem rechten manlehen, jn crafft vnd macht ditz brifs, also, dass lie vnd jre menliche leibslehens erben, die hinfurder mehr von vns vnd der Marg- graueschafft zu Brandenburg zu rechteni Manlehn haben, nehmen vnd entpfahen, vns auch davon balden vnd dienen sollen, als Mannlehns recht vnd gewonheit ist. Vnd wir verleihen jnen daran alles das, was wir jnen daran von rechts vnd gewonheit wegen vorliehen sollen vnd mogen, doch vns, vnsern erben vnd nachkomen an vnsern vnd fust einen jglichen an seinen rechten vnschedc- lich. Zu Vrkundt mit vnserm anhangenden Ingefigel versigelt vnd geben zum Berlin, am frei- tage nach der heiligen Apostel Sanct Simon vnd Juden tage, nach gottis gebort vierzehnhundert vnd darnach im funffczigsten Jare.

Hu« einem (Solarium tin ©evltner @tabt»?(rc$itt<.