Wir Joachim, von gots gnaden Marggraue zu Brandemburg etc., Bekennen, das wir vff vleissig vnderthenig Bet vnserem lieben getrewen hansen von knobelstorff, zu key wonhaftig, vnd derhalben gehalten vertrag seinen tochtern, so er iczund hat vnd kunfftiglich ge wynnen wirt, alle vnd igliche gutter, die er mit Margareten, heinrichen trachen seligen tochter, seiner eelichen hawsfrawen, bekomen vnd von vns vnd vnser herschafft zu lehen tregt, zu knechtlehen die zeit Ir aller leben semptlich gnediglich geliehen haben vnd leihen des gedachten hansen knobelstoff tochtern, die er iczundt hat vnd kunfftiglich gewynnen wirt, semptlichen soliche lehengutter, die er von vns zu lehen tregt wie obstet, die zeit Irer leben zu knechtlehen, In vnd mit krafft dits Briues, mit solichem Bescheid, so hans von knobelstorff kein menlich leibslehenserben hinter sich veriest. Wo er aber menlich leibslehenserben vorkommet, so soil diese leyhung des knechtlehens ganez nichts, fonder kraftlos sein. Wirt er aber kein menlich leibslehens erben hinder sich verlassen, alsdann sollen dieselben sein tochter, die er yczundt hat vnd kunfftiglich gewynnen wirt, semptlichen soliche sein lehengutter nach seinem versterben die zeit Irer leben zu knechtlehen haben, genissen vnd geprauchen, vor meniglich vngehindert, doch vns vnd vnser herr- schafft daruon zu thun vnd dienen lassen, wie solichen lehen Recht vnd gewonheit ist. Zu urkunt mit vnserm anhangenden Insigell befigelt vnd Geben zu kolen an der sprew, am dinstag nach Galli, Anno XIIII.

ftaeb bent Sfarmarf. ?ebn8*(So»>ial6itdje XXX, 158.