Ik Hasse von Bredow, ridder, Houetmann der marke to Brandenborch, Entbide den ersamen wisen Borgermeistern vnd Radmannen der Stede Berlin vnd Coin mynen fruntliken dinst. Ersamen besundern guden frunde, sodan Sess schock geldes ierliker tinse vnd rente, als ik vnd myne rechte lehenseruen von den werdigen vnd Erbaren hern Baltasar von Slyben, meistern Siinte Johanns orden in der marke, mynen gnedigen liuen hern, vnd von denseluen orden tu eygen- dum to Tempelhoue vnnd sunderliken in den dorpern Marggendorp vnnd marggenfelde tu lehne gehat hebben, verlate ik upp iuwe vnd der gnanten iuwer Stede behuff met aller gerech- tigkeit vnde gnaden, als ik diesuluen Sese schogk geldes to lehne gehat hebbe, in crafft desses briues. Vnd weret, dat iw hiran nicht geniigede, Also wil ik forder, wann ik thum Berlin adder up den ord landes kome, dieseluen sess schok geldes iarliker tinse vnd rente vor mynen hern den meister odder wor yw dat hebben willen vnd sik behort, met hande vnd munde vor my vnd myne eruen vorgnant upp iuwe behuff forder gerne vorlaten. To orkuude hebbe ik vor my vnd myne lehnseruen myn ingefegel nedden an deflen mynen brieff laten drucken. Geuen to Tangermunde, Am dinlendage sunt Gregoriuss dage, Anno etc. XXX septimo.

S3ert. @tabt<arc$ito 9fo. 192.

9tiebel'8 Cod. dipt. Brand., ©lUtylementbanb. 36

282