abget^ctlt ifi, am 15. 9?otoember 1364.

Wir Karl, von Gots gnaden Romischer Keiser, zu alien tzeiten merer desReichs vnd Kunig zu Beheim, Bekennen offenlich an diesen briefe vnd tun kunt alien luten, dy yn lehen odir horen lesen, daz fur vnser keiserliche wirdekeit komen ist der Etil Heirich von Kotbuz, vnser lieber getruwer, vnd hat vns gesaget, daz er vnd der Etil Johann, sein bruder von Kotbuz, vnser lieber getruwer, ir guter, die sie von vns, als von eyme Kunige zu Beheim vnd von der Cronen des Kunigreichs zu Beheim zu Lehen habin, geteilt han, vnd hat vns der egenante Heinrich de- mutlich gebeten, daz wir yme guunen vnd gnade tun wollen also, were iz, daz Jo han, sin erge- nannte Bruder, one ehliche Lehenserben verfure, daz dan sin gut, daz er von vns, als von eyme Kunige zu Beheym, zu Lehen hat, an denselben Heinrich vnd an syne Lehens-Erben verfallen sullen. Des haben wir angesehen ganze, stete truwe, die wir allezeit an deme ergenanten Hen- rich vnd an synen Altfordern Herren zu Kotbuz befunden haben vnd die wir auch an dem- selben Hen rich stedeclich mit ganzen flizze befunden, vnd han darumb mit wolbedachten mute, mit rechter wisse vnd von vnser kuniglichen macht zu Beheim dem vorgenanten Hen rich gnade getan vnd tun yme die mit craft diz briues. Were iz, daz der egenante Johann, Henrichs Bruder, ane ehliche Lehens-Erben verfure oder hette er soliche Erben, die auch stiirben one ehliche Lehens-Erben, daz dan des egenanten Johanns guet, daz er also von vns, als von eyme Kunige zu Beheim vnd yon der Cronen des Kunigreichs zu Beheim zu Lehen hatte, an den egenanten Henrich vnd an syne eliche Lehens-Erben verfallen siille, also daz dan derselbe Hen rich vnd syne Lehens-Erben daz guet, daz also an sie verfellet, furbaz von vns, als von eynen Kunige zu Beheim, vnsern Erben vnd Nachkomen Kunigen vnd von der Cronen des Kunigreichs zu Beheim

41

zu rechten Manlehen halden vnd haben sullen in aller wyse, alz der egenante Johann vnd syne Lehens-Erben daden, vnd als solichs Lehens recht vnd gewonheit ist, ane alle argelist vnd geuerde. Mit vrkund diz brieues versigelt mit vnser kaiserlichen Majestad Ingesigel, Geben zu Gobyn, nach Criste gebort druzenhundert Jar, darnach in dem vier vnd sechczigsten Jare, am nehesten fritage nach sant Martins tag, vnser Reiche in dem nunczenden vnd des Keiserthums in dem zehenden Jare.

Wad) einer <&op\t ber 3»adiimstbatf4>en <3$ufl>ibliotljef. (aus bent Umfdilag flefet:

Per dominum de Koldicz Prepositus Westlar. Bud. unb in dorso J oh. de As char'fun burg.)