am 23. 3unt 1535.

Wy vlrik vnnd Geuert von Jagow, gebroder, Arndt van Jagowes seliger sone, Erffgeseten tho Gartze, Bekennen vnde betugen apenbar vor vnss vnde vnse rechte eruen myt dussen vnsen apen breue vor allesweme on Sehen edder horen Iesen, dat wy myt wolbedachten mode vnde guder eyndracht Rechte vnde redeliken vor vns vnde vnse rechte eruen hebben vor- kofft vnde vorkopen ock gegenwardigen In crafft vnde macht duffes vnses apen breues tho eynem rechten erfFliken ewigen erffkope den vorGchtigen mennen Berndt gysen vnde achim le pp in, wanhafftigen tho holthusen, Usebe vnde lanen, orer twiger husfrowen, orer aller rechte eruen, Sodan plan landes, Alsse wy van hans hesselstorpen gekofft hebben, genomet dat auerlandt, bolegen Im gerichte tho Crugen, entcegen der kercken Neges by arndt bockholdes lande, myt aller nuth vnde tobehoringe, • also myt aller holtinge, watheren, wischen vnde weiden, Tho gelike dele tho orer twiger haue tho gebrukende vnde des to genetende, alse se meist konnen vnde mogen, Vnde ore beste darmyt tho donde vnde tho latende, geliek anderen oren eygen erffguderen, Vnss vnde vnsen eruen darvan meth alle nichtes tho geuende, vnd wy willen darvan vnde auer ock nichtess mher boscheiden, den alleyne dat gerichte hogest vnde sidest. Hirvor hebben de genanten Berndt gysen vnde achim leppin, sambtliken bynnen Sehusen, vp eynen Szumen vnss er- schreuen van Jagow to gartze — ores eygen geldes vnde gudes wol tho dancke botalet vnde boredet Negenteyn marck stendalscher werunge, die wy vortan hans hesselstorpen vor solck gudt gegeuen vnde auergelanget. Vnde wy erschreuen Vlrik vnd Gewert van Jagow, ge broder, willen vnde vnse rechte eruen schollen den genanten Berndt gysen vnde achim lep pin, Use ben vnd lunen, orer twiger husfrowen, orer alle rechte eruen vnde all oren nakamp- lingen, bositteren orer haue vnd gebrukeren des genanten landes vnde ock sunderliken duffes kopes Rechte gewhare wesen vor alle ansprake geistliches vnd wertlikes gerichtes vor alle deienne, de vor recht kamen, recht geuen vnde nhemen willen —. Vnde wy genante van Jagow mit vnsen rechten eruen Schollen vnde willen ock sulck gut vordhenen, vnde die genante menne, ore frowen, kindere vnde Nakamelingen des gudeshaluen frygen, vordedingen, boschutten vnde boschermen ge like anderen vnsen guderen vnde mennen, wan on des not wert synde. Vnde se schollen vns noch vnsen eruen In tokamenden tiden nenerleye wis yennige pechte noch tynse effte plegen darvon nichtes vorgeuen, So sie vor dat gudt erstes kopes ore gelt vthleden vnde geuen hebben. Vnd vp dat alle dusse vorschreuen artikel, punkta vnd stucke In eyn sambt vnde eyn yslick besunderen van vns erschreuen van Jagow vnde von vnsen rechten eruen Stede vnde vafte In guden truwen

432

gelouen, Sander Jennigerleye Ingefall, hulperede effte geferde, wol schollen geholden werden; Desses toOrkundt, merer vorwaringe vnd starkeren gelowen hebben wy ergemelte Ulrik vnde Gewert van Jagow, gebroder, vnse angeboren Ingesegele vor vns, vnse rechte eruen witliken vnd myt guder eyndracht an duffen vnsen apenen breff heiten hangen, Die gegeuen vnd gescreuen is Nach Christi vnses hern geborth Dufent viff hundert, Im viff vnde druttigesten Jare, am auende Johannis Baptiste tho mydden Sommer.

9la<$ einer »om $errn Rafter 8arts* in ©ee^aujen mitget^eiftert «6f$rtft.