Wir Johanns etc. bekennen offenlich mit disem Briue vor vns, vnser Erben vnd Nach- komen Marggrauen zu Brandemburg vnd sunst vor allermennigclich, dy jn sehen, horen oder leszen. Alsdann vnser liebe getrewn, die Badere aus vnsern Stetten Berlin vnd Coin, vns fur- bracht haben ein Bestettigungsbriue von weyland Marggraue Friderichs, Curfursten seliger vnd loblicher Gedechtnus, vnsern Vettern, vber etlich Artickel vnd Gesetzte, so sie mit yren Gesellen fur

347

ein Willkur aufgenohmen vnd gevolbort, darvber gegeben vnd ausgangen, des datum stett zuColn, am Freytag zum osterheiligen Tagen, jm LXII. Jam der myndern Zall, vnd vns mit diemuttiger Bette angefallen, jnen solich Satzung vnd Wilkur, als der Landesfurst auch gnedigelich geruchten zu bestettigen vnd zu confirmirn, das wir darauf solich Artickel yrer Wilkur vnd Satzung, wy die von Wort zu Wort lautend nach Inhalt des gnanten vnsers Vettern Briue hirmit bestettigt vnd con- firmirt haben, bestettigen vnd confirmiren aus furstlicher Obrickeit solich all vnd ein ygclichen Ar tickel jnsunderheyt jn allermassen, ob die von Wort zu Worten hirjn ausgedruckt wern, jn vnd mit Crafft dits Briues. Zur Urkunt etc. vnd geben jm sechsvndachtzigesten Jaren. 3lu« etnem £el)n«»<So$>iaI&n<$e.