betbe ©tdbte, am 24. (September 1334.

Wy lint ni.iii, alt vnde nye von Berlyn vnde von Colne, bekennen des open bare in dessen bryue, dat wy met eynen gemeynen rade des obereyn getragen sint, dat wy von Jare tu Jare gentzliken balden willen Alike stucken vnde dyne, also hirna in dessen bryue gescreuen lint: Tu den irsten male, so wil wy dat, dat en geyn vrouwe nochte Juncvrouwe von mouwenspangen oder von gesmyde me tragen en sal, wen eyn halue marc gewegen mach, vnde von fynen parlen en solen sy nicht me tragen, wen dy eyner haluer marc werdich synt. Ok en sal en geyne vrouwe nochte Juncvrouwe tragen goltstripede duke nochte gulden rysen. En geyne Juncvrouwe ok me tragen en sol wen eynen crantz beneden einer marc. Mer so wil wy dat, dat en geyne vrouwe nochte Juncvrouwe czabel oder borden tragen solen vp ir cleyder oder vp ir menttel. Ok so wil wy, dat eyn izleke, it sy vrouwe oder man, by gesworen eyden tu jren hochtyden nych me von borgere went tu virtich Schotelen setten scholen tu jren disge vnde teyn schotelen tu den

29*

228

drosten vnde dry Schotelen tu den speleluden. Der Spelelude sal man sefle begauen vnde nycht me, vnde vyf gerychte sal man geuen tn der hochtyt vnde twe lude tu der Schotelen setter) vnde nycht me. So wil wy ok, dat wen die Juncvrouwe tu manne wert gegeuen, oder eyn vrouwe sicE voranderet, wat man en geuet, des gunne wy wol, vnde dat scholen sy behalden, vnde scho- len niemant nicht weder geuen. Mer wen eyn vrouwe von eynen Kynde tu der kercken geyt, dy en sal von vrouwen nycht me bydden, wen tu dren schotelen, vnde ir sal ok nymant nicht geuen. Aver so wil wy, dat nymant nach der lesten clocken tauernen sal, nochte byr scenkenj war man dat bevindet, dar sal man den wert met den gesten panden. Nach der lesten clocken ok nymant vp der straten dantzsen sal, it sy vrouwe oder man. Ok en sal nymant hoger oder mer bozcen oder dobbelen, went vp vis schillinge. Tu dem lesten, so wyl wy dat, jz dat ymant buten vnl'en steden vrouwe oder Juncvrouwe neme, brechte dy vrouwe oder Juncvrouwe groz ge- smyde in vnsen steden, dat scholen sy tragen eyne mane tyt, dat iz vir weken vnde nych me. Vnde wy dar breken desse statuten, dy solen geuen den Ratmannen teyn marc, vnde wy dar vor byddet, dy sal ok so vele geuen. Actum et Datum Sabbato infra octauam pace; nostrarum ciui- tatum sub iigillis. Anno Domini M° CCC° tricelimo quarto.

5Jh$ bem Originate im 83crl. ©tobt < Striis 9le. 17. £>a« Saturn erfla'tt gibicin filr gen.au ricfyrig xmi ceramics, bag ber ©cnntag Da pacem (ber 18. nad) ipfingfien) gemeint set.