am 20. October 1425.

Wir Friderich, von gots gnaden Marggiaf zu Brandemburg—, bekennen offentlichen myt diesem brief vor vns, alle vnse erben vnd nachkomen, Als wir von besundern gnaden vnd ge- treuwer dinste wegen, so vnser lieber getriiwer Gebhard von Aluensleue vns vnd vnser her- schafte ofte williglichen getan hat vnd hinfiir wol geton mag vnd sol, in dem anfal dieser hiernach geschriebener giitere, zinse, renthe vnd gulte, die dan von vns zu lehn riiren, die dan her Con rad Milterd von Stendal inne hat, geliehen haben. Vnd als nu derselbe Gebhard mit dem vorgenanten herren Conrad Milterde wege troffen hat vnde uberkommen ist, das er dieselben gutere, renthe, zinse, gulte der Ebtissin, Conuente vnd dem Closter zu Niendorp ufgeben, ihn de'williglichen geben vnd verlassen hat, doch das wir demseluen Clostere dieselben gutere, zinse, renthe vnd gulte eygen sullen, darumb dan dieselbe Ebtissin vnd Conuent des obgenanten Closters Niendorp dem obgenanten Gebhard von Aluensleuen das dors Winckelsteten mit allem rechte vnd eygendhum vnd aller seiner zugehorungh zu kaufen geben vnd verlassen hat. Vnd wan nun der genante Gebhard von Aluensleuen fur vns kommen ist vnd vns fleyfsigliken gebeten hat, das wir dieselben hirnach geschrieben gutere, zinse, renthe vnd gulte, so fie dan von vns zu lehen riiren, dem obgenanten Closter eygen wollen, des wolle er vnd sein Erben das obgenante dorff Winkelstete mit aller zugehorung widerumb von vns vnd vnser herschaft zu lehn emphahen, neraen vnd haben, alsdan manlehn recht ist. Also haben wir angesehen des genanten Gebhards von Aluensleuen fleissige, willige vnd getreue dienste, vnd haben dieselbe hernach geschrieben

gutere, mit namen: zu Tangermunder I Wispel roghen iiber den Boberengken acker , item

zu Gohre — —, item zu Dalem , item zu grossen Suechten , item zu Belkou

— —, item zu der Wittenhage der obgenanten Ebtissin, Conuent vnd dam Closter zu

Neuendorfs recht vnd redlichen geeygent vnd eygen ihm die in craft dies briefs, alsdan eygen- thumbs vnd eygner gudere recht ist, also dass fie die mit alien zugehorunghen fiirbas ewiglichen innen haben, besezen, entsezen, der genyssen vnd geprauchen sullen vnd mugen, als ander ir eygen gutere vnd eygenthuuie, von vnsern erben vnd sunst allermenniglichen vngehindert, doch eynem ichlichen an seynem lehen unschedlichen, one alles geuerde. Zu vrkunde geben wir diesen brief mit vnsern anhangenden Ingesigel vorfigelt, der geben ist zu R ha tenon, am Sonnabend nach S. Gallen tag, nach Christi vnsers herren geburte virtzehen hundert jare vnd darnach im funs vnd zwanzigsten Jare.

Sit8 Oerden'S Dip], vet. M. II, 107.

363