am 27. 3anuar 1466 ju @oIbin gef^Ioffenen grtcben in ©egentoart beg Jturffirficn unb ber

2Reo?(enbura,ifdben ^erjdge ju S.)3Iau, am 9. %vmi 1467.

Wy Wernerus, van gades gnaden Biffchopp tho Zwerin, Bekennen vor alien luden, die diffen breeff zeen edder horen lesen, dat huten ame date defies breues vp deme kerckhoue der parkercken to Plauwe vnses Zwerinl'chen stichtes die Irlucbtede Hochgeborne ffurste vnde here, here ffrederick, Marckgraue to Brandenborch, Koreffurste, des hilligen Romischen rikes Ertzcamerer, to Stettyn, Pomern, der Caffuben vnde Wende Hertoge, Borggraue to Norenberghe vnde ffurste to Rugen, vnse bisunderen leue here, an ieghenwardicheit vnser vnde der Irluchteden Hochgeboren, Erwerdigen, wojgebaren, Eddelen, Gestrengen vnde Erbaren ffursten, Grauen, heren, Ridderen vnde mannen, dee vnden an hyr nagescreuen stan, het gheteget vnde apenbar lesen laten enen Pergamenten breeff, de myt veren anghehangeden Inghesegelen der Irluchteden, hochgeboren fursten vnde heren des genanten heren ffrederkes, korfursten, des hilligen Romeschen Rikes Ertzcamerers vnde heren Albrechts, broderen, Marggrauen to Brandenborch, to Stettyn, Pame- ren, der Caffuben vnde Wende Hertogen etc., vnde heren Ericks vnde herren Wartzslaff, broderen, tho Stettyn, Pameren, der Caffuben vnde Wenden Hertoghen vnde ffursten to Rugen, densuluen breff wy dar in dem myddel in vnsen handen gheseen vnde gheholden hebben, dat hee an pergamente, scrifften vnde Ingesegelen vnuoroldet, vnforsleten, vngedelghet vnde vnuorbroken gantz vnde allenthaluen vnuordacht was, dee van worde to worden hyrna steyt gescreuen: Wy van gades gnaden ffrederick, koreffurste, des hilligen Romeschen Rikes Ertzcamerer vnde Al- brecht, brodere, Marggrauen to Brandenborgh, tho Stettyn, Pameren, der Caffuben vnde Wende hertogen vnde Borchgrauen to Norenberch, vnde wy Erick vnde Wartiszlass, brodere, tho Stettyn, Pameren, der Caffuben vnde Wende hertoghen vnde ffursten to Rugen etc., Bekennen apenbare myt diffem breue vor vns, vnse eruen vnde nakamen iegen allermennichlich, dat wy vns hiiten hyr torn Sol dine gudliken vnde fruntliken myt eynander vorenet vnde in mathe hyr na gescreuen volget vordraghen hebben. Tho deme ersten, dat Prelaten, heren, Manne vnde Stede vnser hertoghdumme vnd lande Stettyn, Pomeren, Caffuben, Wenden etc., vns Marggrauen ffre

88

dericke, koreffursten, vnde Marggraue Albrechte, vnsen eruen vnde uakoraen, Marggrauen to Brandenborch, vnde vns genanten hertogen Erick vnde hertogben Wartszlaff vnde vnsen eruen rechte erffhuldinghe dhon vnde zo vake vnde dicke des noth is vornygen scbolen. Wy er- genanten bertogh Erick vnde hertogb Wartzslaff hebben de suluen hertoghdume vnde lande vorgenandt myt alien vnsen Regalien, herlicheiden, gherecbticheiden, tynsen, renthen vnde tobeho ryngen, geistliken vnde werliken, von deme ergenanten vnseme heren Swager, Marggrauen ffrir dericke van Brandenborgh, alse enem korfursten vnde Ertzcamerer des hilghen Romeschen Rykes tbo lene entfangen: Ock wy vnde vnle eruen van deme suluen Marggrauen ffredericke, synen eruen vnde nakamen, de eyn koreffurste vnde Ertzecamerer des hilligen Romeschen Rykes syn, zo dicke vnde vake des noth ys, to lene entfan vnde dar von also lebns ghewonbeit is dhon scholen. Vnde wy genanten ffrederick, Marggraue to Brandenborgh, hebben alse een koreffurste vnde Ertzecamerer des hilghen Romeschen Rykes der ergenanten hertoghdumme vnde lande myt alien eren Regalien, herlicheiden vnde tobehoryngen den vorgenanten vnsen ohmen vnde Swegeren, hertoghe Ericken vnde hertogen Wartzl'Iaffe vnde eren eruen to lene ghe- leghen van macht weghen, de wy vnde vnse korffurstendum van Romischen Keyseren vnde Konin- gen hebben. Wy, vnle eruen vnde nokomende Marggrauen, de korefursten vnde Ertzcamerer des hilligen Romischen Rikes syn, scholen vnde willen den ergenanten hertogen Ericke vnde Wartz- laff vnde eren eruen de ghenanten hertoghdumme vnde lande myt eren Regalien, herlicheiden vnde tobehoryngen, zo vake vnde so dicke des noth ys, to lehne willicblick gerne lighen vmme sus, ane gifft vnde ghaue; Doch Ichal sulke lyginge vnde entfanginge vns ergenanten Marggrauen, vnsen eruen vnde nakamen alleweghe an vnser erffhuldynge, de wy an densuluen landen hebben, ane schade syn. Wurde ock vnse here, de keyser, de genanten hertogh Erick vnde hertogh Wartzslaff edder ere eruen van al sulker leen entfangynge bodeydinghen, darane wille wy see sulke ansprake in deme rechten also recht is vorantworden vnde nothlos holden. Wat ouer tynl'e vnde Renthe in den landen synt, de scholen wy genanten hertogh Erick vnde hertogh Wartz- laff vnde vnse eruen mytsampt vnsen Regalien, herlicheiden vnde Rechticheiden beholden vnde scholen ock alle gheistlike vnde wertlike lene in den suluen hertochdumen vnde landen von der genanten vnser heren Sweger vnde ohmen der Marggrauen vnde van vnser twyger hersschopp we ghen, macht hebben tho lighende vnde van vnser beyder partt vnde hersschopp weghen allewege eede vnde lens plicht darvpp nemen van den, de fee pleghe zyn tho dhonde, vnde wat dar van vellet, schall vns genanten hertoghe Erick vnde hertoghe Wartzslaff vnde vnsen eruen allene blyuen, vor de genanten vnse heren vnde Swegere, de Marggrauen, vnde ere eruen vngehyndert. Ock scholen vnde willen wy ergenanten Marggrauen, vnse eruen vnde nakamen de genanten her- tochdumme vnde lande ghetruweliken helpen beschutten, bel'chermen vnde vordeydinghen na vn seme besten vormoghe. Wy ergenanten ffursten vnde heren, vnse eruen vnde nakomen scbolen vnde willen ock alle prelaten, heren, manne vnde Stede ock eder mennichlich dersuluen vnser lande vnde hersschopp Inwonere, gheistlike vnde wertlike, arme vnd ryke, by gnaden vnde rechte vnde olden heikomen vnde ghewonheiden lathen, en ock alle ere breue, priuilegia vnde ghewon- heyde holden, bestedighen vnde vornygen, se ock myt vnplicbt vnghewanliken nicht bosweren noch bosweren laten, sunder ze boschutten, boureden, boschermen vnd vordeydinghen, in mathen wy en plicbtich vnde schuldigh synt na vnseme besten vormoghe ghetruweliken ane alle gheserde. Vnde yfft wy genanten herthoghen de vpgenante vnse heren vnde Swegere, de Marggrauen, ere eruen edder nakamen, edder de eren vmme hulpe vnde Rad vorderen edder besoken lethen, de

89

lande tho vordeydinghende der berflehopp vnde den landen to gude to daghen edder susz, wor dat behoff vnde noth were; So scbolen vnde willen wy en vnde den eren so vake des not is, reddelike nothdroff gheuen bynnen den landen. Wurden wy gbenanten Marggrauen, vnse eruen edder na- kamen de ergenanten hertoghen edder ere eruen tho denste, hulpe vnde Rade vorderen, vns myt der lantschopp to volgende; So scholen vnde willen wy en vnde den de fee mytbrynghen ock re- delike nothdroff geuen vnde vor schaden 1'tan. Ock willen wy beyder syd kener Rouerighe edder plachgerye In dem vpgenanten vnsen landen nycht ghestaden vnde buthen landes den vnsen ock nycht 1'taden tho dhunde, sunder truweliken dar vor syn, dat vrede in den landen vnde nemant vorwaldighet noch vorvnrechtet werde, Desgheliken wy suluen bynnen edder buten landes ock nicht dhon willen, vnde scholen vnde willen wy, vnse eruen vnde nakamen den kopman an der seghelatzigen nicht hynderen noch erren, sunder den vredeliken seghelen vnde syne hantterynge alleweghe dryuen vnde hebben lathen tho watere vnde tho lande, Den ock nicht bosweren ock anderen des tho dhonde nycht bestaden, anders wen van older recht gheweset is. Wy, vnse eruen vnde nakamen scholen vnde willen ock de stichte vnde Clostere vnde gadeshuse in den genanten landen vngewoneliken nicht beswaren, en ock nicht susz ouerlast dhon edder dhon laten myt le- gheren edder anderen saken, dardorch se vornychtiget vnde tho vorderue mochten komen, sunder ze ock truweliken boschutten, boschermen vnde bovreden. Ock yfft emand van den ergenanten vnsen landen wedder recht vnghehorsam syn wolde, So scholen vnde willen wy eynander truweli ken helpen, dat sulke vnghehorsamen ghehorsam maket vnde ghestraffet werden. Och 1'chal vnder vns kene partyge hynder der ander kene huldynge van nemande vorderen edder nemen, ane des anderen wille vnde vulbord. Wy vpgenanten Marggrauen, vnse eruen vnde nakamen, Marggrauen tho Brandenborgh, vnde wy ghenanten hertoghen Erick vnde Wartzslaff vnde vole eruen scholen vns ock des Tytels vnde der wapene van den landen Stettyn, Pameren, Caffuben, Wenden beyder 1yd bruken vnde i'cryuen. Alle deffe vorgescreuen stucke, puncte vnde articule vnde eyn yslick in sunderheit, alse see stan, reden vnde louen wy vpgenante fursten vnde heien vor vns, vnse eruen vnde nakamen by vnsen sorstliken truwen vnde werden an eedes stad vnforbraken gantz, stede, vast vnde vullenkameliken tho holdende, sunder yenigerleye Invyndinghe, hulprede vnde bose gheuerde, Vnde hebben des to ener waren ewighen orkunde vnde ghedechtnifle wy ge nanten Marggraue f'frederick vnde Marggraue Albrecht vor vns, vnse eruen vnde nakamen, Marggrauen tho Brandenborch, vnse yl'liker syn Inghesegele vnde wy vpgenanten hertogh Erick vnde hertogh Wartzslaff ock vnse Inghesegele vor vns vnde vnse eruen witliken an deffen breff hethen henghen. Hyr by, an vnde ouer synt gheweset de Erwerdigen, wolgheboren, Edde- len, werdigen, Gestrengen, Erbaren vnde Ersamen vnse Rede vnde leuen ghetruwen here ffrede- rick tho lubus, Canceller, her Diderick tho Brandenborgh, Biflchoppe, Godtfrid, Graue vnde here tho hollach, Albrecht, Graue van Molyngen vnde here tho Barby, Albrecht vnde ladewich, Grauen van Euersten vnde heren tho Nouwgharden, her Johan, Abbeth tho Colbatz, here liborius van Slyuen, meister sunte Johannis orden, Bothe van Ile- borch, here to Sunnenwalde, Nickel Slick van lasan, here tor wyszenkerke, her Jas- par van Gunteraberghe, kumptor torn wyldenbroke, Jurghe van Waldinvels, Kamer- meister, Dynnyges van der Often, Nickel Poll, Busse von Aluensleue, Rittere, Lu- deke vnde Hennygh von Arnym, Nicolaus Dametze; Canceller, Otto van der Mar- witze, Czuls van Dewetze, Bernd Borcke, Joachim van Blankenborgh, ffrede- rick van Griffenberghe, Clawesz Kolre, Jartzslaff Barnekow, Clawes Borke,

SRicbel's Cod. dipl. Brand., ©u^lententbanb. 12

90

Hans van Bogk, Ludeloff vnde Bernd vnde Werner van der Schulenborgh, ffrede- rick van Aluensleue, Hasse van Bredow, Jnrghen van Wedel, Jacop van Palent- sche, vagbet tho Schiuelben, Hansz van Sleuen, Caspar van vchtenhagen, Rades seu- debaden der Stede olden Stettyn: Diderick Grabow, Bartram, Pawel Borgermeiftere, Peter Ba- renholt vnde Joachim Mollentyn, Raddmanne, van Nygen Stargharde: Thomas Parchym, Bor germeiftere, Lucas frenkel, Raddman, van nyen Trepptow: Hanfz Apteshaghen, Borgermeister, van Griphenberghe: Arnd van der Often, Kemerer, Greuendorpp, Borgermeiftere tome Sol- dyne, Berlyn, Borgermeiftere to Konyngesberghe, Rodyngher, Borgermeiftere tho Arns- walde vnde Reymar labbim, Burgermeistere to Schyuelben, myt velen meer loffwerdigen. Geuen vnde icreuen tome Soldine, ame dingxftedage na Sunte ffabiani daghe, na gades gebord verteynhundert, darna in deme Sos vnde sostigeftem Jare. Hyrby, an vnd ouerer synt gheweset dee Irluchteden, Hochgeboren, Erwerdigen, wolgebaren, Edelen, Gestrengen vnde Erbaren here hinrick de vadere vnde here Albrecht, here Johan, here Magnus, syne Sone, Hertogen tho Mekelnborgh, ffursten tho Wenden etc. vnde Greuen to Swerin, here Johan, hertoghe to Sassen, Engeren vnde westphalen, here Wedego, Biffchopp tho Hauelberghe, Hans, Graue van Lyndow vnde here to Reppin, Albrecht, Graue tu Miilingen vnde here to Bar- bey, Ernst, Graue vnde here tho mansfeltt, Busse Gans, here tho Puthlist, Diderick van Quitzsow, Hinrick van Bulow, Syuerd van Ortzen, Bernd van Plessen, Lu- teke Multzsan, Hinrick Hane, Clawes van Oldenborgh, here Arnd Mesen, Scholasti- cus to Zwerin, Er Johan Vosz, Domhere to Butzsow, Godschalck Bugk, Borgermeiftere to Rozstoke, Dederick Wylde, Borgermeiftere tor Wiszmar, Hinrik Barnekow, Borghermeister to Butzsou, vnde vele andere meher louenwerdighe. Bouen alsodane vnse flitige vorhorent des vor- bescreuen breues vnde der Inghesegele, de wy an eren Caracteren vnde wapen vnde vmmescrifften clarlich lesen vnde erkanden, dat see rechtferdich vnde der vorgenanten veer ffursten vnde heren weren; So hebben vns doch de Gestrengen vnde vesten Busse van Aluensleue, Ridder vnde ouermarschalck.etc. vnde Arnd van Luderitze In der vorgenanten yeghenwardicheit by eren truwen vnde eren an eides ftaet, Deme fee war des noth is volghe dhon willen, ghesecht, dat zo- dane veer Ingesegele warhafftich der genanten veer ffursten vnde heren weren vnde synt, der zee lick pleghen tho bruken. Des alles tho forder bekantniffe vnde merer lekerheit hebben wy vpge- nanter Wernerus, Biffchopp tho Swerin, vnse Ingesegele an deflen breff laten hangen, de geuen vnde screuen is tho Plauwe, Ime lande to wenden gheleghen, ame mondage nest na Bo- nifaeii, nach gades bord veerteynhundert vnde ame Souen vnde sestigestem Jaren.

Ad mandatum prelibati Reuerendi patris domini Werneri, Episcopi Zwerinenlis, Johannes Broderman, Notarius propria manu subscripsit. 9t<tc$ bent Original beS Jtanffurtcr @tabtarcf)i»e8 Varia 74.

91