Wir Joachim, kurfiirst etc., Bekennen —, dass wir aufF flcisig ansuchen Ludloff von Bissmarcks hedwigcn, seiner ehelichen hausfraue, zu widersteurung Ires einbrengens dreifig stuck gelds, halb gelt vnd halb kom, Jerlicher Zinss, pecht vnd Rent In seinen gewisten gutern, von vns rurende, vnd darzu die halbe wonung seines anteils Im Sloss Borchstal zu rechten lcip- gedinge gnediglich geliehen haben vnd leihen Ir solche dreilig stucke, halb gelt vnd halb korn, Jerlicher Zinss, pecht vnd Rent sampt der wonung, wie obsteet, In Crafft vnd macht dits Briues Also, so fie des gnantten Ires ehelichen mans tod erlebt, das fie alsdan dieselben Jerlichen Zinss vnd pecht In seinen gewisten guttern sampt der wonung, wie vorberurt, Zu rechtem leypgedinge haben, befitzen, geniessen vnd gebrauchen mag vnd sol die Zeit Ires lebens, vor des gnanten Ires ehelichen mannes erben vnd sunst meniglich vngehindert, wie leipgedings recht vnd gewonheit ist. Vnd gebcn Ir des einen einweiser vnsern lieben getreuen Claus Bissmarcken zu Borchstal. Wo fich aber begebe, das obgenants Ludloffs von Bissmarck erben nach scinem tode seine eheliche haussfrauwe von solchem leipgcding ablosen wollen, Sollen fie Ir sechs hundert gulden An muntz bar vberreichen vnd geben, doch vnbegcben die wonung Im Sloss Borchstal, wie vorberurt. Vnd wan solche bezalung der sechshundert gulden an Muntz gescheen, dan vnd nicht ehr sol fie die dreisig stuck Jerlicher Rente vnd pecht abtreten, alles getreulich vnd vngeuerlich. Zu vrkunt etc., Am Dinstag nach Corporis Cristi, anno etc. XXX.

3iu« betn (Sljnrm. Se$n«*Sot>ialbud)e XXXIV u. XXXVIII, 43.