+ In nomine domini undecimo anno principatus domni nostri iohanni et sexto anno domni guaimari filio eius gloriosi principibus, mense martio, septima indictione. ydeo que ego iaquintus filius quondam machenolfi de locum floccanu clarefacio, quoniam communiter abeo cum grimoaldus cognato meus filius garofali omnis rebus que fuit predicti machenolfi genitori meo: ego qui supra iaquintus debeo inde tollere medietatem, et ipse grimoaldus cognato meus debet inde abere ipsa alia medietate, sicut nostra continunt scripta, et ut congruum est nobis adunare in unum tota sortionem ipsam ... cognato meus de una pecia de terra cum arbustis vitatis de locum tostaceo suptus ipso mercatum non multum longius a flubio saltera, ubi molinum edificatum abet landoarius comes, et sublaxarem ego eidem grimoaldi tota sortione mea de una pecia de terra cum arbustis vitatis in eodem locum tostaceo. et ideo, de sicut nobis congruum est, bona enim mea bolumtate ante presentia leoni iudici et subscripti testes per anc cartulam commutationis ordine vicariabit et tradidit tibi nominati grimoaldi cognato meus tota sortione mea de una pecia de terra quot usque modo commune abuimus in dicto locum tostaceo; que abet finis et mensurie ipsa pecia: a pars orientis fine monasterio sancti laurentii, sunt inde passi triginta octo: a pars septemtrionalis fine domnica, sunt inde passi septem et medium: a pars occidentis fine ursi filius madi qui est thio et barbanem meum, abet inde passos similiter triginta octo: a pars meridie fine madi et petri germani filii petri et maienandi filius cennami, sunt inde passi ... ad iusto passum omini mensuratum. ec bero clausum, qualiter superius finis posite sunt et mensuria ipsa percurrit, medietatem exinde fuit mihi pertinentem, et ipsa medietatem fuit sortionem ipsius grimoaldi cognato meus; unde ipsa sortione mea, quod est medietatem de nominato clausum, in integrum illos vicariabi et tradidit tibi qui supra grimoaldi, unde nec mihi qui supra iaquinti, nec quarta uxori mee, nec cuilibet ominibus nihil restitit nec dicimus remanere sortionem. et pro confirmandam et stabiliscendam anc mea vicariationem a presentis recepi a te qui supra grimoaldus cognato meus per alia cartula, quem aput nos firmam emisistis, tota et inclita sortione tua, quod est medietate de nominata pecia de locum tostaceo propinquo ipso molinu ipsius landoari comiti. qui abet finis et mensurie ipsa pecia de terra cum arbusto, unde mihi ipsa sortione tua im bicariam tradidistis: a pars orientis fine sancti dabi, sunt inde latitudo passi decem et octo: a pars septemtrionalis fine de eredes madelfrit de locum tostaceo: a pars occidentis fine ursi qui est thio et barbanem nostrum, et de consortibus nostris, abet inde passos decem et septem: a pars meridie fine gaiderisse ... et de filii domnandi: in omni loco est terra ipsa longitudo passi quadraginta tres totum at iusto passum omini mensuratum. de ista vero pecia per supradicte finis et mensurie inclita ipsa medietate, que fuit sortionem tua qui supra grimoaldi, a te illos im bicariam recepi propter ipsa mea vicariationem in omnem deliberationem, sicut inter nobis combenit. finitaque vero nostra vicariationem ea rationem, predicta mea bicariationem, ut superius legitur, a nunc die omni tempore tu qui supra grimoalde quam et vestris filiis et eredes in omnibus securiter et firmiter eos abere et possidere baleatis, et faciatis exinde omnia quot bolueritis. ex qua promidto ego qui supra iohaquintus, et per bona combenientia guadia tibi qui supra grimoaldi dedit et mediatorem tibi posuit me ipsum tali rationem predicta mea bicariationem, ut superius legitur, ab omnis omines et partibus seu a parte uxori mee illos vobis vestrisque eredibus antistare et defensare promidtimus. si autem, sicut dictum est, illos vobis vestrisque eredibus antistare et defensare noluerimus ... aut non potuerimus im predicta rationem, vel aliquit exinde remobere aut retornare quesierimus, ideo per supradicto guadia siamus obligati nos nostrisque eredibus at componendum tibi tuique eredibus decem auri solidos constantinos, et semper omni tempore anc nostra vicariationem in supradicte ordine firme permaneat. et te petrus clericus et notarius scribere rogabimus. actum nuceria. + ego qui supra leo

Source Fulltext: Codex Diplomaticus Cavensis, vol. 3, 13-14, Estratto da ALIM