+ In nomine domini tertiodecimo anno principatus domni nostri iohanni, et septimo anno domni guaimari filio eius gloriosi principibus, mense nobember nona indictione. Ideo que ego mulier nomine daufa que fuit uxor landoni clerici filii leoni, clarefacio, quoniam mihi est pertinentem abere quartam partem in omne rebus et causa que fuit predicti landoni clerici qui fuit viro meus, per meum scriptum morgincap mihi emissum secundum legem et consuetudinem langobardorum a predicto lando clerico viro meus alio die nostre copulationis, et congruum est mihi iamdicte daufe inclita ipsa mea quarta de rebus stabile, quod ego legibus tollere deveo de rebus que fuit predicti viri mei, eam donare aloare filia mea que est uxore magenandi generi meo. et, ud pleniter illut perficere possamus, ante presentia leoni iudici feci exinde notitia falconi germanus meus et iohanni filiastro meus filio predicti landoni clerici, in quorum mundium me subiacere palamfacio: illi talia audientes consentientes mihi inde fuerunt talia perficiendum. Et Ideo ego iamdicta daufa, sicut mihi congruum est mea bolumtatem, per anc cartulam ante ipsum iudes et supscripti idoneis ominibus per consensum et bolumtatem predicti falconi et iohanni unanimiter parique consensum donabi adque ad semper abendum confirmavi vobis iamdictis aloare et magenandi inclita ipsa quarta mea de omnis rebus stabile, quod ego legibus tollere et abere deveo per ipsum meum morgincap de rebus que fuit predicti viri meo, dam de rebus illa de locum nuceria, quam et per alia singula loca, ubique exinde inventus dederit, inclita ipsa mea quarta de iamdicta rebus stavile vobis iamdicte filie mee et predicto magenandi viri tui donavi cum omnia intro se abentibus et suis pertinentiis et cum vice de vie et andita sua, ad securiter firmiter amodo et semper vos iamdicti viri et uxori et vestris eredibus illut avendum, possidendum, dominandum, omnia exinde faciendum quod volueritis. Unde pro confirmandam et staviliscendam supradicta nostra donationem, a presentis iusta legem launegilt a bos inde recepi camiso unum in omnis deliverationem, sicut inter nos combenit. de qua per bona combenientia ego supradicta daufa una cum predicto iohanne filiastro meus guadia vobis iamdictis aloare et magenandi dedimus et mediatorem vobis posuimus iohannes filius leoni; et per ipsa guadia obligavimus nos et nostris eredibus amodo et semper antistandum et defensandum vobis vestrisque eredibus inclita supradicta nostra donationem da omnis omines omnique partibus. et si taliter illut vobis defensare non potuerimus, tunc, sicut in lex langobardorum de donum et lunegilt continent, ita nos et nostris eredibus adimpleamus et persolbamus vobis vestrisque eredibus iustitia. et si taliter omnia suprascripta vobis non adimpleverimus et aliquit, de quod superius legitur, removere aut contrare quesierimus, aut si quodcumque causationes inde vobis preposuerimus, componere obligavimus nos supradicti daufa et iohannes et nostris heredibus vobis vestrisque eredibus triginta auri solidos constantinos, et omnia suprascripta vobis adimpleamus, et questio et causatio nostra sit exinde tacita et bacua. et, quando vos vel vestris eredibus de supradicta nostra donationem per bos ipsis bolueritis esse auctores, potestate abeatis vice nostra in omnibus inde causare et finem facere, qualiter volueritis, cum quale monimen et rationem inde avere potueritis; nam, quando nos inde auctores quesieritis abere, nos autem et nostris eredibus omnia vobis adimpleamus, sicut superius legitur: tantum amodo et diebus vite meaque daufe, supradicta quarta mea ad mea illut reservabi potestatem ad frudium nomine, et post meumque daufe obitum, ipsa mea quarta perveniat ad potestate vestra et de vestris eredibus, ad faciendum quod volueritis, sicut supra legitur. et taliter te maraldus notarius scribere rogabimus. actum nuceria. + ego qui supra leo + ego petrus clericus et notarius me subscripsi

Source Fulltext: Codex Diplomaticus Cavensis, vol. 3, 43-45, Estratto da ALIM