+ In nomine domini quintodecimo anno principatus domni nostri iohanni et decimo anno principatus domni guaimari eius filio gloriosi principibus, mense iunius undecima indictione. Ideo que ego mulier nomine theodenanda filia quondam leoni qui dicitur circulu, et modo sum uxore ursi filii iohanni atrianensi, una mecum adesse ipse ursu viro meus, clarefacio, quoniam a parte ipsius leoni genitori meo, et a parte de genetrice mea nobis est pertinentes habere rebus in locum fonti finibus salernitane; et congruum est nobis iamdicti vir et uxor tota et inclita supradicta rebus, qualiter, sicut diximus, ab ipsi genitor et genetrice nostra, et socerum et socera nostra, nobis est pertinentes habere in ipso locum fonti, illut venundaremus iohanni filio mauroni comiti amalfitano. et ideo nos iamdicti vir et uxor, sicut nobis congruum est, nostre voluntatis iusta legem et consuetudo nostre romanorum per largietatem et absolutionem supradicti domni principes, quem nobis dandum direxerunt per adenolfus comes et iudex, ante ipsum iudex per anc cartulam venumdedimus atque ad semper habendum confirmavimus tibi iamdicti iohanni tota et inclita supradicta rebus, que, sicut diximus, nobis est pertinentes habere in ipso locum fonti per tota fines et pertinentiam de ipso locum fonti, ubique exinde in ipso locum inventus dederit et nobis est pertinentes abere in montibus quam et in planis, unde nullam nobis vel cuiquam hominibus, aut in quavis partibus exinde restitit aut dicimus remanere sortionem; set totum et inclitum omnia infra se habentibus et suis pertinentiis. cum viis et aquis. et cum monimen ex ipsa rebus pertinentem, qualiter, sicut diximus, ab ipsi genitor et genetrice, socrux et socera nostra, nobis est pertinentes habere, funditus illut tibi iamdicti iohanni venumdedimus: simulque et venumdedimus vobis bicem et pertinentiam quod habemus in ecclesia sancti felici, qui in ipso locum constructa est, ut omni tempore tu et tuos heredes in ipsa ecclesia bicem et pertinentiam habeatis, sicuti nos ibidem abere debuimus, et annualiter censum inde dare debeatis, sicuti nos inde dare et persolbere deveremus, ad securiter et firmiter amodo et semper tota et inclita supradicta nostra vindictionem una cum bice de bia qui pergit ad ipso platamone, tu nominatus iohannes quam et tuos heredes illut habendum, possidendum, dominandum, omnia exinde faciendum quod volueritis, absque omni nostra vel de nostris heredibus contrarietate vel requisitionem. et pro confirmandam et stabiliscendam anc nostra vindictionem a presentis recepimus a te iamdictus iohannes emtorem nostrum statutum pretium. i sunt auri tari boni quadraginta, sicut inter nos combenit in omnis deliberationem. de qua nos supradicti vir et uxor obligamus nos et nostris heredibus amodo et semper antistandum et defensandum tibi tuique heredibus inclita supradicta nostra, vindictionem da omnes homines omnique partibus. si autem, sicut dictum est, taliter illut vobis non defensaberimus, et aliquit, de quomodo superius legitur, quesierimus remobere aut contrare, et quodcumque causationis vobis exinde preposuerimus, tunc primum omnium questio et causatio nostra et de nostris heredibus adversus vos et vestris heredibus modis omnibus sit inde tacita et bacua, et duplo supradicto pretium componere obligamus nos et nostris heredibus tibi tuique heredibus. et quod aput vos fuerit remelioratum et factum edificium, sub estimationem pretii illut vobis restituamus; de colludio autem legibus vobis iuremus per dei misteria. preter, quando per vos ipsis volueritis inde esse autorem et defensorem, bice nostra licentiam et potestatem habeatis in omnibus inde causare et finem facere, qualiter volueritis, cum quale monimem et rationem inde habueritis; nam, quando nos inde quesieritis habere autorem et defensorem, nos autem et nostris heredibus illut vobis defensemus et omnia vobis adimpleamus per illo hordine et rationem, sicut superius legitur.

Source Fulltext: Codex Diplomaticus Cavensis, vol. 3, 81-82, Estratto da ALIM