+ In nomine domini anno Vicesimo primo principatus domni paldolfi gloriosus princeps et tertio anno principatus domni landolfi eximii principi, mense agusto septima indictione. Memoratorium factum a me andrea genero domeneke monache, eo quod ante presentia siconolfi comitis palatii causabit cum ursu et cum genco germani filii ciciri, qui et castelmanno vocabat, dicendum, ut malo ordine et sine rationem tulisset frugium de ipsam rebus mea de loco valneo et de loco caprilia, quod una cartula mea continet, quod presens ostendit et relecta est ante supradictum comitem palatii; que continebat, quomodo superius dictus castelmanno, qui et cicero vocatur filius ursi, donaberat michi quartam partem de ipsam rebus suas de iamdicto loco caprilia et de balneo, seo et de ipse case de intus civitatem abellini, quam et de ipsis mobilibus cum quartam partem de ipsas moniminas, que de ipsis rebus et casis sunt pertinentes adque continentes; et ipsis rebus ec sunt: curtis, ortalis, bineis et vinealis, castanieta, escleta, cerreta, monti, plano, cultum adque incultum, omnia et in omnibus ubicumque de rebus et casis adque mobilibus suis inbentum fuerit, inclitam quartam michi exinde donaberat, et aliis quibus in eadem cartula continet: scripta ipsa cartula per gaidone subdiacono adque notario in anno septimo decimo principatus domni landolfi gloriosus princeps et anno tertiodecimo principatus domni paldolfi filii eius de mense iulius per indictione quartadecima, et ibidem erat testi ildeprandus et maio et sasso. set dum causabit ego cum ipsi prenominati dicendo, ut malo ordine et sine rationem tulisset frugium de ipsa portionem meam de ipsam rebus et illos michi contrasset; quero enim exinde ab eo responsum audire et legibus exinde cum eo finem facere. supradictus comes palatii interrogabit eum quis exinde dicere; ille autem dicebat, ut non esset beritas. Quod audito supradictus iudicem, iudicabit adque per suum iudicium inter nos guadiare fecit, ut secundum legem iuraret michi ad sancta dei evvangelia et dicere, ut malo ordine et sine rationem frugium de ipsam portionem meam de ipsis rebus non tulisset nec illos michi contrasset, de taliter michi iurandum, mediatorem michi posuit bisanteo genero rodelgrimi, et ego mediatorem ei posuit. ego gaiderissi subdiaconus adque notarius oc brebe scripsit ex iussionem supradicti comitis palatii.

Source Fulltext: Codex Diplomaticus Cavensis, vol. 2, 20-20, Estratto da ALIM