+ In nomine domini anno quadragesimo principatus domni nostri gisolfi gloriosi principis, mense octuber prima indictione. memoratorium factu a nobis adelgari qui domnandus vocatur, et gaidenardus qui iaquintus vocatur, germani filii mascini, eo quod ante ipsum genitor noster et ante subscripti nobilibus per largietate et absolutione ipsius genitori nostro coniuncti sumus ad vona combenientia cum arechisi qui riso vocatur, et iaquintus castaldus germani filii quondam iohanni, propter intentionem quod inter nos habuimus de rebus de locum beteri ista et illa parte flubio boneia iuxta litore maris, et in quo nos germani ecclesia vocabulum sancti iohanni constructa habemus et aliquantum binea facta. illut ulter ipso flubio as finis habet: a parte orientis, sicut decurrit ipso flubio, de suptus fine litore maris, de alia parte sicut ascendit per pede de monte qui dicitur troccle, qui est fine ipsorum germani risi et iaquinti et mea domnandi, de super fine pede de monte qui dicitur fabale, qui est fine ipsorum germani, sicut badit usque ipso flubio. illut ista parte ipso flubio abet finis, de una parte ipso flubio, de suptus fine litore maris, ab oriente sicut fuit ipsa cibita de beteri et coniungente in bia nucerina et per ipsa bia coniungente ad ipso flubio. per iste finis querebad ipsi germani totum suum facere per monimina sua; una continentem, qualiter filii gutti donaverad ipsorum germani res de ipso locum beteri et aliunde; alia continentem, qualiter cicerus filius sindoni donaverad ipsorum germani res de ipso locum et aliunde; alia continentem de filii et nepoti teupi et de nepote guisenolfi, quomodo donaverad ipsorum germani rebus de ipso locum et aliunde, et nos germani querebamus nostrum illut facere per nostris rationibus, qualiter heredes roderissi, qui fuit abio noster, donaberad nobis predicta rebus. et dum de ex eadem rebus per iste finis plurime inter nos orta est intentiones, antequam per lex illut inter nos finire, sicut dictum est, perbenimus inde ad combenientia, ut ipsi germani et illorum heredes res ipsa per iste finis tollere et habere medietatem, et nos et nostris heredibus medietatem; ita tamen nos nostrisque heredibus tollamus et habeamus ipsa ecclesia et predicta vinea, et ipsi germani et illorum heredes tollad et habeant ubi voluerint, aliut tantum per mensuria de ipso vacibum, et totum ipso aliut per iste finis dibidamus inter nos iuxta ratione per medium equaliter; ipsi germani et illorum heredes tollant et habeant eos medietatem, et nos et nostris heredibus medietatem, et illis suisque heredibus defensarent nobis nostrisque heredibus inclita medietatem rebus ipsa infra ipse finis et ipsa ecclesia et predicta vinea a partibus uxori sue et da toti suprascripti hominibus, que ipsa supradicta illorum monimina continunt, da que illis eos paraverunt, et da uxoribus illorum et da illis hominibus et partibus, cui per ipsi germani vel per ipsis suprascripti aliis hominibus, da que illis eos paraverunt, quomodocumque datum vel hobligatum paruerit, et qui pro illorum partibus quodcumque causationes nobis nostrisque heredibus inde preposuerint, et nos germani et nostris heredibus defensemus ipsorum risi et iaquinti et ad illorum heredes medietate rebus ipsa infra ipse finis, et, ut superius dictum est, quantum pro ipsa vinea et pro ipsa ecclesia tollere et habere debet a partibus uxoribus nostris et da heredes ipsius roderisi abio nostro, que ipsa nostra monimina continet, et da illis hominibus et partibus, cui per nos vel per illis datum vel obligatum paruerit, et qui pro nostris partibus vel pro partibus de heredes ipsius roderisi, da que nos illos paratum habemus, quodcumque causationes ipsorum germani et ad illorum heredes exinde preposuerint. de alii vero hominibus et partibus, si exinde contentio fuerit exurte, nobis vel ad nostris heredibus et illorum vel ad illorum heredes, pariter adque comuniter utraque partes coniungamus nos cum quanta monimen et rationem inde habere potuerimus, et uniter adque communiter exinde causemus absque omni colludio usque ad veram et diffinitam legem; et si per legem inde perditum fuerit sine colludio de quantum inde remanserit, tantum ipso inter nos habeamus et dibidamus, sicut superius legitur; et de quantum per legem sine colludio inde perditum fuerit, soluti inter nos inde maneamus. et ut omnia suprascripta inter nos nostrisque heredibus omni tempore firmiter permanendum et omnia inter nos adimplendum, per vona combenientia utraque parte guadiabimus inter nos exinde, et ipsi riso et iaquintus mediator nobis posuit iaquintus castaldus filius quondam totoni, et nos posuimus mediator petrus notarius filius andree; et per ipsa guadia obligaverunt se ipsi germani et suis heredibus et nos et nostris heredibus adimplendum inter nos omnia, ut superius legitur; et quale pars talia adimplere noluerit, vel omnia suprascripta non adimpleverit et quesierit aliquit exinde removere aut contrare, componere illa pars, qui talia axerit ad illa pars, que firmiter ibi permanere voluerit, centum solidos costantinos, et omnia suprascripta inter nos firme et stavilis permanead et omnia, ut superius dictum est, inter nos adimpleamus per imbitis; set tamen omni tempore, sicut supradictum est, pares et equales inde siamus. et ego superius petrus notarius interfui et hunc brebem scripsi. + ego petrus + ego qui supra arechisi + ego grimoald + ego qui supra iaquintus + ego lando + ego romoaldus me subscripsi + ego iohannes notarius me subscripsi

Source Fulltext: Codex Diplomaticus Cavensis, vol. 2, 72-74, Estratto da ALIM