+ In nomine domini tricesimo quinto anno principatus domni nostri paldolfi principis et primo anno principatus eius salerni, et quarto anno principatus domni paldolfi principis filio eius, mense augustus sexta indictione. declaro ego lupenus amalfitanus filius quondam mauroni comitis, quum, quando leone amalfitano filii sergi qui dicitur de rini ad navigandum babilonia perrexit per firmam scriptionem cambit mihi anna uxor eius et sergius amalfitanus consobrino frater eius filius sergi pro pars ipsius leoni una cum petro thio suo terre et vineis et vacuum et silba uno teniente in locum hubi ad fonti dicitur finibus salernitane propinquo ecclesias sancti felicis. similiter et ego cambiavi ipsorum per aliam scriptionem nominati anne uxore supradicti leoni et ipsius sergii pro ipsius leoni partibus, quando ad navigandum eram, et ipsius petri thio eius alie terris et vineis et vacuum et silba uno teniente in eodem loco funti propinquo ipsa ecclesia sancti felicis: cumque tali commutatio de supradictis rebus inter nos facta est et utrisque partibus scriptionibus ex ipsis rebus firmarent, et ipse Leo ex ipsa navigatione revertentes et talia ei nuntiata fuissent, una cum eum et cum ipsis supradictis anna et sergio et petro super ipsis rebus perreximus; et dum ille providentes diligentissime per finis in finis bonam et utilem ei comparuit in omnibus ipsa vicaria, quem nos cum ipsa uxore eius et cum iamdicto sergio consobrino suo et cum ipso petrus de ipsis rebus fecimus: cumque ei placuissent, ut ipsa commutatio de ipsis rebus stabile inter nos manerent, statim ipse leo fecit nobis firmam securitatem de ipsis rebus, ut omni tempore nobiscum inde manead per omni hordine, sicut ipsa nostra carta commutationis continet, que scripta est per ursus scriba amalfitanorum in quo plures amalfitanos manu propria scripti sunt: et ille similiter petiit a nobis, ut nos securitatem ei mittamus de inclita sua sortionem de omnibus ipsis rebus, quod ipsorum anne et predicto sergio et petro per firma carta tradidimus que scripta est per ipsum ursus et per plures amalfitanos roborata. et ideo ego superius dictus lupenus intus salernitanam civitatem per hanc videlicet scriptionem confirmo tivi prephati leoni inclita tua sortione de ex ipsa rebus, quod nos commutationis hordine dedimus supradictis anna et sergio et petro per ille finis, sicut ipsa scriptio continet quod illis de ipsa rebus firmatam abent, ut amodo et semper vos vestrisque heredibus omni tempore inclita tua sortione de ipsis rebus securo nomine abeatis et possideatis, et omnia inde faciatis quod volueritis absque omni nostra nostrorumque heredibus contrarietate vel requisitione. de qua hobligo me qui supra lupenus et meis heredibus, ut si aliquando tempore inclita vestra portione de ipsis rebus per ipse finis, sicut ipsa scriptio commutationis continet, quod ipsorum anne et sergio et petri emisimus, aliquit vobis inde tollere aut contrare presumserimus, vel alique causationes vobis inde preposuerimus per quacumque modum, ante omnia questio et causatio nostra modis omnibus sint inde tacita et vacua et ad compositione siamus nos nostrisque heredibus hobligati ad componendum vobis vestrisque heredibus ducentos auri solidos constantinos, et omni tempore vos vestrisque heredibus inclita vestra sortione de supradictis rebus, quod per ipsa carta vicariationis ipsorum petri et anne et sergio tradidimus, securo nomine habere et possidere valeatis, et tivi totoni notario scribere rogavimus. aptum salerno. + ego petrus notarius me subscripsi + ego sikembardo

Source Fulltext: Codex Diplomaticus Cavensis, vol. 2, 115-116, Estratto da ALIM