+ Primo anno principatus domni Mansonis imperialis patricii et domni Iohannis eius filii gloriosi principis, mense Octobri undecima indictione. Amatus Episcopus Salernitanae sedis declarans habere quasdam possessiones in loco Fonti ubi de Fleschetula dicitur, quae inter alios fines habent montem Falerzum in finibus Cetariae, et quasdam alias in finibus Nuceriae sive vacua, sive arbusta, sive castaneta, e quibus omnibus nil aut parum annuatim recipiens, eas commutat et concedit nobilissimo viro Arechisio Comiti pro decem libris argenteis, consentiente capitulo, et eodem pretio declarat se usurum, ut possit aliquantum laborare ad atrium Sancti Mathei nostri Episcopii. Ademario iudice, et Ioanno advocatore Episcopii haec convenientia firmata est. . . . et taliter scribere rogabimus te ademari, notarius. hactum salerno. + ego qui supra amatus episcopus. + ego dauferius archidiaconus + ego petrus . . . + ego petrus clericus + ego qui supra madelfreda + ego desigius + ego . . . + ego qui supra ioannes iudex

Source Fulltext: Codex Diplomaticus Cavensis, vol. 2, 175-176, Estratto da ALIM