+ In nomine domini tertio anno principatus domni nostri iohanni et domni guidoni eius filio gloriosi principibus, mense ianuarius quartadecima indictione. Memoratorium factu a nobis iaquintus filius mascini et mari et iaquintus germani filii quondam domnandi, qui sumus thio et nepotes, eo quod ante ydoneis hominibus saba presbiter et abbas et cosma presbiter, qui fuerunt natibi ex genere grecorum, dederunt in ecclesia bocabulum sancti iohanni pertinentes nobis, quem dedicatum abemus in rebus nostra de locum beteri ulter et coniunctum ad flubio qui dicitur boneia, idest omelia gregoriale unam, codices de quadtuor evvangelia una, interpetationem evvangelii unum, liber comiti tres, antefanario uno, et uno alium codicem, et actum apostolorum, saoramentario unum, totum scriptos manibus ex genere grecorum, calices duo, patenas unam, turibulo costantinopolitanum, planeta serica una, planeta linea una, dalmatica unam, orario serico uno, orario lineo uno, sendone serica una, et alia sendone serica alba, et una sendone linea, cortina unam, cone inpetanate decem, candele costantinopolitane decem cum catenelle, candelario uno, bobi pario uno, capre quindecim, porcelli octo, caldaria una, caldarola piczula una, catena una; totum istut trasactibe illis dederunt in eadem ecclesia omni tempore ipsa ecclesia illut abendum, et omnia pars de ipsa ecclesia exinde faciendum quod voluerit, et semper illis totum illut in ipsa ecclesia antistare et defensare da omnis omines omnique partibus. et nos pro taliter supradicti iaquintus et mari et iaquintus tradidimus illorum inclita ipsa ecclesia cum bineam et pomis et cetrario et rebus campense de eodem loco pertinentem de eadem ecclesia, et casa et organea exinde et codices et pannos et omni ordinem, quantum in eadem ecclesiam abet, et omnia, quod superius modo illis ibidem dederunt, ad illorum retradidimus potestatem in oc ordinem, ut amodo et diebus vite sue inclitum illut sue potestatis tenere, et ibidem residere et abitare, et dominium suum ibidem facere, qualiter eorum placuerit iuxta rationem, et totum illut regere sicut meruerit, et in ipsa ecclesia die noctuque officiare, sicut decet sacerdos grecos villanus, et tota ipsa rebus laborare et operare et cultare, sicut locus ipse meruerit, ut tota ipsa rebus proficiant et non dispereant, et omnis frugens et vinum exinde et sepulturam et offertas et botationem, quam ibidem introierit, totum in illorum sint potestates faciendum que voluerit absque nostra contrarietatem. preter, si causam ecclesiasticam vel vobes aut baccas in ipsa ecclesia introierit, semper sit ibidem ad abendum et regendum illut, sicut et ipso aliut tantum pro censum de ipsa ecclesia per omnis annum dare nobis nostrisque heredibus unum pario de obblate et unum cereum, et per omnis annum iuxta rationem ipso cetrarum colligerem et medietatem illos nobis dare, et omnia quantum ad die obiti sui abuerit, due sortis exinde deant in ipsa ecclesia, faciendum exinde pars ipsius ecclesie omnia quod voluerit, et de ipsa tertiam pars liceret illis facere omnia quod voluerit, et inclita ipsa ecclesia cum omnia que, ut supra dictum est, ad nostra et de nostris heredibus rebertas potestatem. unde in eo ordine guadia nobis dederunt et mediatores nobis posuerunt se ipsis; et per eamdem guadia obligaberunt se, ut si aliquit, de quomodo superius legitur, quesierit remobere aut contrare et talia nobis non adimpleberit, tunc per ipsa guadia componere obligaberunt se nobis nostrisque heredibus, vel cui unc brebem vice nostra in manu paruerit, viginti auri solidos costantinos et omnia suprascripta nobis adimplerent. et unc brebem scripsit ego romoaldus notarius. + ego teudericus me subscripsi + ego petrus + ego romualt + ego wiso

Source Fulltext: Codex Diplomaticus Cavensis, vol. 2, 233-234, Estratto da ALIM