+ In nomine Domini. Vicesimo quarto anno principatus domni nostri Gisulfi gloriosi principis, mense nobembri quarta indictione. Dum essem ego Rottelgrimus comes et iudex et alii in domo, qua Iohannes comes filius quondam Iohannis comitis, qui fuit filius Lamberti comitis, infirmus iacebat, et ipse Iohannes quid de rebus suis post suum ovitum fieret pro anima sua iudicasset et disposuisset, in eadem presentia, sicut ei congruum fuit, sua voluntate, per hanc cartulam, pro hamore omnipotentis Dei ac pro eius animæ salute dedit etiam in ecclesia Beatorum apostolorum et euvangelistarum Mathei et Iohannis, quæ constructa est intra hanc civitatem super porta quæ Rotensis dicitur, et ipsa ecclesia cum omnibus rebus ipsi ecclesiæ pertinentibus michi pertinet, integram terram suam cum abellaneto quæ est foris hac civitate in loco Priato, quam Iohannes qui Saltatore dicitur ad laborandum retinet et a parte orientis valloni coniuncta est, cum omnibus quæ intra eam sunt cunctisque eius pertinentiis et cum vice de via sua, qualiter eidem Iohanni pertinebat et cum moniminibus ex ea continentibus. ea ratione ut semper sit in potestate partium ipsius ecclesiæ et liceat partibus ipsius ecclesiæ de eo facere quod voluerint; et per convenientiam ipse Iohannes obligavit se et suos heredes semper defendere partibus suprascriptæ ecclesiæ integrum illud quod in eadem ecclesia sicut suprascriptum est dedit ab omnibus hominibus. ea ratione ut, cum partes ipsius ecclesiæ voluerint, potestatem habeant illud per se defendere qualiter voluerint cum omnibus moniminibus et rationibus quas de eo ostenderint. et si sicut superius scriptum est ipse Iohannes et eius heredes partibus ipsius ecclesiæ non adimpleverint et suprascripta vel ex eis quicquam removere aut contradicere presumpserint, per convenientiam obligavit se et suos heredes componere partibus suprascriptæ ecclesiæ quinquaginta auri solidos constantinatos et sicut superius scriptum est adimplere. Et taliter me iubente Grimoaldus notarius scripsit. S. + Ego Iohannes presbiter et abbas. + Ego Ademari comes. + Ego qui super Rottelgrimus comes et iudex. S.

Source Fulltext: Codex Diplomaticus Cavensis, vol. 09, 21-22, Estratto da ALIM