+ In nomine Domini. Vicesimo quarto anno principatus domni nostri Gisulfi gloriosi principis, mense septembri quarta indictione. Ante me Petrum iudicem Rolegrima filia quondam Potonis comitis, que fuerat uxor quondam Ederradi comitis, coniuncta est cum Landolfo filio quondam Roffrit comitis, et sicut ipsi Rolegrime congruum fuit, sua voluntate, per convenientiam, per hanc cartulam donabit ipsi Landolfo integram terram suam cum arboribus fructiferis, quam ei habere pertinet foris hanc Salernitanam civitatem in loco Cerbaricia, quam dixerunt esse per fines et mensuras iusto passu hominis mensuratas: a parte septemtrionis est finis sicut medius limes et sepes discernit et intro ipsam terram prope ipsam finem recte mensurati passus viginti quattuor; a parte occidentis est finis media sepes et intro ipsam terram recte prope eam mensurati passus septuaginta sex et medius; a parte meridiei similiter finis media sepes et prope eam intro ipsam terram mensurati passus viginti octo; a parte orientis aliquantum finis via et dimittit eam et recte vadit in ipsa parte septemtrionis per mediam sepem, et intro ipsam terram prope ipsam sepem recte mensurati passus septuaginta et medius usque priorem finem; cum omnibus que intro ipsam terram sunt cunctisque suis pertinentiis et cum vice de ipsa via. ea ratione ut integra suprascripta donatione qualiter prelegitur sit semper in potestate ipsius Landolfi et heredum eius et liceat illum et eius heredes de ea facere quod voluerint. et propter confirmationem huius donationis ipsa Rolegrima suscepit ab ipso Landolfo launegilt secundum Langobardorum regum edictum pelliciam lineam unam in omni deliberatione sicut inter eos convenit. et per convenientiam ipsa Rolegrima guadiam ipsi Landolfo dedit et fideiussorem ei posuit Guaiferium filium quondam Iohannis comitis filii Maionis, et per ipsam guadiam ipsa Rolegrima obligavit se et suos heredes semper defendere ipsi Landolfo et illius heredibus integrum illud quod ei sicut suprascriptum est donabit ab omnibus hominibus. quod si ipsa Rolegrima et suos heredes suprascriptum donationem sicut suprascriptum est ipsi Landolfo et illius heredibus minime defendere potuerint, tunc, sicut in prescripto Langobardorum regum edicto de dono et subscepto launegilt continetur, ita ipsa Rolegrima et suos heredes ipsi Landolfo et illius heredibus adimpleant. et ipsa Rolegrima prebuit ei licentiam ut, quando ipse Landolfus et suos heredes voluerint, potestatem habeant illud per se defendere qualiter voluerint cum omnibus monuminibus et rationibus quas de eo ostenderint, et si sicut superius scriptum est ipsa Rolegrima et suos heredes ipsi Landolfo et illius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Landolfo et illius heredibus quinquaginta auri solidos constantinatos et sicut superius scriptum est adimplere. tantum amodo et dum ipsa Rolegrima vixerit integra suprascripta terra per suprascriptas fines et mensuras usufruendi nomine teneat, ut omne fruges et fructus et quicquit de ea dum vixerit tollere et habere potuerit, totum illud ipsa Rolegrima sibi habeat et faciat de eo quod voluerit. suprascripta fecit ipsa Rolegrima cum voluntate Aldemarii clerici filii quondam Landemarii comitis et Maraldi filii quondam Landolfi comitis mundoalt sui. Et taliter tibi Iohanni notario qui interfuisti scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 17-18, Estratto da ALIM