+ In nomine Domini. Vicesimo sexto anno principatus domni nostri Gisulfi gioriosi principis, mense iunio quinta indictione. Ante me Petrum iudicem Vivus vicecomes filius quondam Petri per convenientiam ad tenendum et lavorandum tradidit Petro filio quondam Albini de loco Mitiliano ubi Paravisum dicitur integram terram cum silba et vacuo, quam ipsi Vivo habere pertinet foris hanc Salernitanam civitatem in plaio montis Falerzi ubi proprio Planta de Ursu vocatur, que est per fines et mensuras iusto passu hominis mensuratas: a parte meridiei finis via que ducit inter hanc et alias res quas ipse Vivus sibi dixit pertinere, et per ipsam viam mensurati passus centum octoginta quattuor; a parte quasi septemtrionis est finis alia res ipsius Vivi, sicut media valle discernit, et passus centum viginti septem, et revolvit et ascendit in eadem parte septemtrionis iuxta alias res ipsius Vivi passus quinquaginta sex usque mediam serram; a parte orientis finis ipsius Vivi, sicut media ipsa serra et toru discernunt, et passus centum quattuordecim usque medium vallonem, et a medio ipso vallone ascendit in eadem parte meridiei iuxta finem ipius Vivi. passus viginti octo, et ab inde vadit in parte meridiei secus viam que ducit inter hanc et alias res ipsius Vivi passus triginta usque priorem finem. ea ratione ut amodo et usque completos decem annos ipse Petrus et suos heredes integram suprascriptam traditionem cum vice de ipsis viis teneant et dominant, foveas et omnes suas utilitates ibidem faciant qualiter voluerint iusta ratione, et intro ipsam traditionem resideant et abitent in tegurium quod nunc ibidem est et redita que deinceps ibidem sunt facturi, et presenti anno ubi meruerit intro ipsam traditionem studient et plantent et propaginent [et surgant] vineam de bono vitineo et eam quando meruerit infra ipsis annis vineam ipsam omni anno propaginent, scalcient, potent, inpalent, ligent, zappent et studient bona sicut meruerit, et ubi meruerit in eadem traditione arbores et vi[te]s de bono vitineo plantent et propaginent et surgant et arbustum faciant, et omni anno quando meruerit ipsum arbustum scalcient, propaginent, potent et hoperent bonum sicut decet de super et de supter. et in reliquo de ipsa traditione plantent et insitent zenzalas et granaccias et robiolas et surgant et studient sicut meruerit, et ubi meruerit intro eadem traditione poma plantent et studient et surgant sicut locus ipse meruerit; in reliquo vero quod de ipsa traditione remanserit, quod non est aptum in eo vinea vel arbustum aut insitetum vel poma plantare, faciant et abeant silba bona sicut meruerit, de qua etiam ipse Petrus et suos heredes potestatem habeant palos pro ipsa vinea et lignamina pro suis utilitatibus faciendis abscidere quarta et quomodo voluerint iusta ratione. et tota ipsa traditione amodo et usque completos ipsos annos ipse Petrus et suos heredes per circoitum unde meruerit claudant et vigilent et custodiant et clausam et salbam illam habeant, et omni anno amodo et usque completos ipsos annos ipse Petrus et suos heredes per tempus de aree et de vindemie faciant scire ipsum Vivum et eius heredes ut illuc pergant vel missum dirigant, et de omni victo quod ibidem fecerint ipse Petrus et suos heredes dent eis ibidem ad area terraticum secundum consuetudinem ipsius loci, et a quo vinum de ipsa vinea et de suprascripto arbusto facere potuerint tota ipsa vinea et iamdictum arbustum omni anno suo tempore usque ipsos annos completos coram eis rationaviliter vindemient et ibique ad palmentum ut decet precurent, et de omni vino quod per annum exinde exierit dent eis ibidem ad palmentum et de tota poma que per annum ibidem habuerint integram medietatem, et alteram medietatem ex ipso vino et de iamdicta poma sibi habeant; et ipsa medietas, que per annum de ipso vino ipsi Vivo et eius heredibus vel ipsi misso evenerit, ipse Petrus et suos heredes reponant illud ibidem in organeo a vino quod eis adsignaverint, que per eos fiat bonum conciatum et studiatum, et salbum faciant ipso vinum intro reditum quo ibidem abitaberint usque dum ipse Vivus et suos heredes illud inde tulerint absque de generatione et igne. et totum ipsum zenzalitum et insitetum a quo fructum fecerint in antea omni anno usque ipsos annos completos vigilent et custodiant et salbum faciant et colligant sicut meruerit et integram medietatem de omnibus ipsis insitis et zenzalis quibus per annum exinde collexent bone secce ipsi Vivo et eius heredibus vel ipsi misso dent, alteram medietatem ex eis sibi habeant per partes faciendum quod voluerint; et dum per annum illuc ipse Vivus et suos heredes vel ipse missus steterint pro ipsos terraticum et vinum et poma et insites recipiendum, ipse Petrus et suos heredes eos nutriant secundum illorum fuerit possivilitatem; et a quo ut dictum est vinum exinde exierit omni anno per vindemie palmentaticum eis dent sicut consuetudo est, et amodo et usque completos ipsos annos ipse Petrus et suos heredes faciant et adimpleant omnia sicut suprascriptum est; completis vero ipsis decem annis amodo ut dictum est numerandis, ipse Petrus et suos heredes habeant in tota ipsa traditione [vi]nea bona surta et bonum arbustum et bonum zenzalitum et robolitum et granaccitum et poma et in eo loco quo suprascriptum est silba totum bonum plantatum, surtum et operatum et studiatum et per circoitum unde meruerit clausum sicut de tantos annos locus ipse meruerit. et tunc coniungant se cum ipso Vivo et eius heredibus, et ipse Petrus et suos heredes totum ipsam traditionem dividant iusta ratione in duas sortes cum vice de ipsis viis et de aliis viis suis; et prius ipse Vivus et suos heredes compreendant ex ipsis sortibus unam qualem voluerint cum omnibus que intro eam sunt omnibusque suis pertinentiis et cum vice de ipsis viis et de aliis viis suis et faciant ex ea quod voluerint; sors vero que remanserit ipse Vivus et suos heredes cum omnibus intro eam abentibus omnibusque suis pertinentiis et cum vice de ipsis viis et de aliis viis suis ipsi Petro et eius heredibus tradant ad faciendum ex ea sicut hic supter descrivendum est omnia que voluerint, et ipsi Vivus et Petrus et eorum heredes firment se ex eisdem sortibus per partes cum guadia et idoneis fideiussoribus et per firmi brebi divisionis a publico notario istius civitatis scriptis cum penis obligationis, sicut lex et consuetudo istius est civitatis, in quibus etiam iudex vel idonei subscrivantur homines. et ipsam sortem, quam ipse Vivus et suos heredes suprascripto Petro et eius heredibus ut dictum est tradiderint, semper ipse Vivus et suos heredes integram eam qualiter prescriptum est ipsi Petro et illius heredibus defendant ab omnibus hominibus, et cum voluerint ab ipsis annis in antea ipse Petrus et suos heredes potestatem habeant illam per se defendere qualiter voluerint cum omnibus monuminibus et rationibus quas de ea ostenderint. tantum aliquando tempore ipse Petrus et suos heredes non abeant potestatem ipsam sortem quam ei ut dictum est tradituri sunt vel ex ea absque solutione ipsius Vivi et heredum eius vendere aut vicariare seu obligare vel thingare vel aliquomodo alienare, preter, si eam vel ex ea vendere aut alienare voluerint, ipsi Vivo et eius heredibus illam vel ex ea vendant pretio quo per doctos homines iuste appretiata fuerint; et ipse Petrus et suos heredes faciant scire ipsum Vivum et eius heredes pro illam vel ex ea emendam per tertium constitutum usque dies triginta sex, et si intra ipsa constituta ipse Vivus et suos heredes illam vel ex ea emere noluerint et darent eis exinde iustum valens pretium sicut suprascriptum est, tunc post ipsa constituta licentiam habeant ipse Petrus et suos heredes illam vel ex ea dare cui voluerint. nam si infra ipsa constituta ipse Petrus et suos heredes vel ante ipsa constituta ipsam sortem quam ei ut dictum est tradituri sunt vel ex ea absque solutione ipsius Vivi et heredum eius vendiderint vel alio quocumque modo alienaverint sic ut de eorum potestate pareat esse subtractum, tunc absque pretio rebertar ad potestatem ipsius Vivi et heredum eius ad faciendum ex eo quod voluerint. et per convenientiam ipse Petrus guadiam ipsi Vivo dedit et fideiussorem ei posuit Iohannem qui dicitur Sirrentinum habitator ipsius loci filium quondam ******** et per ipsam guadiam obligavit se et suos heredes, si sicut superius scriptum est ipsi Vivo et eius heredibus non adimpleverint et suprascripta vel ex eis quicquam removere aut contradicere presumpserint, componere ipsi Vivo et illius heredibus quinquaginta auri solidos constantinatos, et sicut superius scriptum est adimplere. quod autem superius disturvatum est legitur gurium, et quod inter virgulos scriptum est legitur vendiderint. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 92-96, Estratto da ALIM