Cartula scripta per Iohannem notarium qualiter in anno vicesimo septimo principatus domni Gisulfi, mense decembri septima indictione, ante Petrum iudicem Rogata filia quondam Siconis, que uxor fuerat suprascripti Deusdedi filii Vivi et Vivus filius ipsorum Deus(de)di et Rogate coniuncti fuerant cum suprascripto Petro genero et cognato eorum filio suprascripti Iaquinti presbiteri et ipsi mater et filius, Rogata et Vivus, sicut eis congruum fuerat, per convenientiam, per ipsam cartulam tradiderant ipsi Petro genero et cognato eorum pro parte suprascripte Constantine filie ipsorum Deusdedi et Rogate sororem prescripti Vivi, que eidem Petro disponsata erat, totam et integram terram cum zenzalito, quam eis habere pertinebat foris hanc predictam civitatem in loco Transboneia ubi proprio a lu Bulutabblu dicitur. et dixerant totam ipsam terram esse per fines et mensuras iusto passu hominis mensuratas: a parte meridiei recte mensurati passus quinquaginta unum; a parte orientis passibus quinquaginta tribus; a parte septemtrionis passus sexaginta; a parte occidentis finis via passibus viginti et tribus, cum omnibus que intra eam erant omnibusque suis pertinentiis et cum vice de ipsa via. ea ratione ut semper esset in potestate ipsius Constantine et heredum eius et illa et illius heredes licentiam haberent de eo facere quod vellent, sicut ipsa cartula continet, in qua ipse Petrus iudex subscriptus est.

Source Fulltext: Codex Diplomaticus Cavensis, vol. 09, 205-206, Estratto da ALIM