Cartula ... scripta per Iohannem notarium in anno vicesimo octabo principatus domni Gisulfi principis, mense augusto septima indictione. Qualiter ante Petrum iudicem ipse Adelarius coniunctus fuerat cum Petro filio quondam Sergii, qui cognominatus est Datoru. et sicut ipsi Adelario congruum fuerat, sua voluntate, per ipsam cartulam venumdederat ipsi Petro integram suprascriptam terram, que tunc erat cum silba et vacuo, de suprascripto loco per ipsas fines et mensuras qualiter suprascriptum est, cum omnibus que intra eam erant cunctisque suis pertinentiis et cum vice de ipsis viis, ut semper fieret in potestate ipsius Petri et heredum eius, et liceret illum et eius heredes de ea facere quod vellent, sicut ipsa cartula continet, in qua ipse Petrus iudex subscriptus est.

Source Fulltext: Codex Diplomaticus Cavensis, vol. 09, 231-232, Estratto da ALIM