+ In nomine domini nostri Iesu Christi. Anno vero ab incarnatione eius millesimo septuagesimo primo et vicesimo nono anno principatus domni nostri Gisulphi gloriosi principis, mense aprili octaba indictione. Ante me Petrum iudicem Alferada religiosa vestem induta, que non deget in monasterio, filia quondam Ursi, que fuerat uxor cuiusdam Romoaldi, et Iohannes clericus filius ipsorum Alferade et Romoaldi et Maria uxor eius filia Iohannis coniuncti sunt cum Sicenolfo genero et cognato illorum ac filio quondam Amati et ostenderunt unam cartulam scriptam per Iohannem notarium vicesimo secundo anno principatus suprascripti domni principis, mense ianuario secunda indictione. Qualiter ante me Guaimarius comes filius quondam Guaimarii comitis coniunctus fuerat cum ipso Iohanne clerico et cum Romoaldo germano suo et ipse Guaimarius ostenderat unam cartulam ... Cum autem suprascripta cartula fuerat ostensa, dixerat ipse Guaimarius pertinere sibi integram ipsam sortem quam ille et iamdictus Iohannes germanus eius ut suprascriptum est in sortem compreenserant; et sicut eidem Guaimario congruum fuerat, sua voluntate, per ipsam cartulam venundederat ipsis Iohanni clerico et Romoaldo germanis de suprascripta sorte quam ille et iamdictus germanus eius compreenserat, sicut suprascriptum est, integram ipsam quartam sortem quam ipse Muscatus ex ipsa terra cum casa fecerat per suprascriptas fines qualiter suprascripta cartula continebat, videlicet: a parte meridiei finis ipsa tertia sors sicut medium ipsum paries fabricatus discernit, et a parte orientis finis ipsum anditum, et a parte septemtrionis finis ipsa via que ducit ad ipsam ecclesiam Sancti Maximi, et ab ipsa parte occidentis finis aliorum sicut totus ipse paries fabricatus istius sortis discernit, cum omnibus que intra eandem sortem per iamdictas fines erant cunctisque suis pertinentiis et cum vice de ipsis curte et viis et platea et cum integra vice illius de ipso andito et cum iamdictis scala et trabibus et meniano sicut suprascriptum est in ipso et super ipso andito, quantum ipsa quarta sors ut dictum est erga ipsum anditum retinebat. ea ratione ut semper integra ipsa venditio esset in potestate ipsorum Iohannis clerici et Romoaldi et heredum eorum, et illi et illorum heredes licentiam haberent ex ea facere quod vellent, sicut ipsa cartula continet in qua ego meam nomen descripseram. Ostensa vero suprascripta cartula, dixerunt ipsi Alferada et Iohannes clericus et Maria ex eo quod ipse Guaimarius ipsis Iohanni clerico et Romoaldo sicut suprascripta cartula continet venundederat, quartam partem pertinere ipsi Alferade et de reliquis tribus partibus quartam partem pertinere ipsi Marie et tres partes ipsi Iohanni clerico, et volebant illud communiter venundare suprascripto Sicenolfo. et ipsa Alferada, obserbans ea que in Langobardorum regum edicto scripta sunt de muliere que res suas vendere voluerit, non absconse sed in mea presentia duos parentes suos secum habens me rogavit, dicens quod ipsam quartam partem suam vendere vellet et ipsi parentes in ac venditione manus ponent et ipsa se venditricem faciet; sic et ipse Iohannes filius et mondoalt eius ei consentiet ut quod vendiderit stabile sit et Iohannes scriba cum notitia ipsorum parentum et mea scribit; similiter et ipsi vir et uxor obserbaverunt ea que in Romanorum lege de huiusmodi venditione instituta sunt. et ideo, sicut ipsis Alferade et Iohanni clerico et Marie congruum fuit, bona illorum voluntate, per hanc cartulam, dum ipsa Alferada secum habens ipsos parentes suos consentiente ei ipse filius et mundoalt eius, venundederunt ipsi Sicenolfo totum et integrum illud quod ipse Guaimarius suprascriptis germanis venundederat sicut suprascripta cartula continet, cum omnibus que intra illud sunt cunctisque suis pertinentiis et cum vice illorum de ipsis curte et andito et cum iamdictis scala et trabibus et meniano in ipsum et super ipsum anditum quantum ipsa venditio ut dictum est erga ipsum anditum retinet et cum suprascripta cartula et cum vice de ipsis platea et via. ea ratione ut semper sit in potestate ipsius Sicenolfi et heredum eius et liceat illum et eius heredes de eo facere quod voluerint; et propter confirmationem huius venditionis ipsi venditores susceperunt ab ipso Sicenolfo statutum pretium auri solidos sclifatos triginta et sex in omni deliberatione. et per convenientiam ipsi Alferada et Iohannes clericus et Maria guadiam ipsi Sicenolfo dederunt et fideiussorem ei posuerunt Petrum filium quondam Iohannis Vallensis, et per ipsam guadiam ipsi Alferada et Iohannes clericus et Maria obligaverunt se et suos heredes semper defendere ipsi Sicenolfo et illius heredibus integrum illud quod ei sicut suprascriptum est venundederunt ab omnibus hominibus; sic tamen ut, quando ipse Sicenolfus et suos heredes ipsos venditores et illorum heredes defensores de eo habere quesierint, dent eis suprascriptam cartulam iusta ratione salvam habendam diebus sexaginta, et per omnes vices illi et illorum heredes integrum illud ipsi Sicenolfo et illius heredibus sicut suprascriptum est defendant; et post completos ipsos dies per omnes vices illi et illorum heredes cartulam ipsam salvam qualem eis data fuerit ipsi Sicenolfo et eius heredibus reddant, et tribuerunt ipsi Sicenolfo licentiam ut, quando ille et suos heredes voluerint, potestatem habeant illud quod ei ut prelegitur venundederunt per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est ipsi Alferada et Iohannes clericus et Maria et illorum heredes ipsi Sicenolfo et illius heredibus non adimpleverint et suprascripta vel ex eis quicquam remobere aut contradicere presumpserint, per ipsam guadiam obligaverunt se et suos heredes componere ipsi Sicenolfo et illius heredibus centum auri solidos constantinatos et sicut suprascriptum est adimplere. verumtamen ut ipsi venditores et illorum heredes non defendant ipsi Sicenolfo et eius heredibus parietem meridianum suprascripte venditionis nisi ab ipsis hominibus, qui pro illorum parte et dato quascumque causationes ex eo ipsi Sicenolfo et eius heredibus preposuerint. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 260-263, Estratto da ALIM