+ In nomine domini nostri Iesu Christi. Anno ab incarnationis eius millesimo septuagesimo primo et vicesimo nono anno principatus domni nostri Gisulfi glorioso princeps, mense iulius octaba indictione. Ante me Petrus iudex Tudinus filius quondam Landoni castaldei coniunctus est cum Ademarius filius quondam Ademari et cum mulier nomine Iaquinta relicta quondam Petri et cum Mari filio quondam Mari probter una pecia de terra cum arbusto bitatum que est in finibus Nucerie ubi Mortola dicitur, quod preterito tempore predictus Lando castaldeus at lavorandum datum abuit ipsius Ademari et Iaquinta et Miranda filia sua, que modo est uxore suprascripti Mari, unde plurime causationibus illis inter se abuerunt. modo autem in mea presentia ostenderunt de ipsa rebus una cartula que continet: Duodecimo anno principatus suprascripti domni nostri Gisulfi glorioso princeps, mense aprelis sexta indictione. Ademarius filius quondam Ademari et mulier nomine Iaquinta, que fuit uxore quondam Petri, et Miranda filia suprascripti Petri per combenientiam tradiderat illorum predicto Lando castaldeo filio quondam Amori una pecia de terra sua cum arbusto bitatum quod abet in finibus Nucerie ubi Mortola dicitur, que est per ec finis et mensuras iusto passu ominis mensuratas: a parte sebtemtrionis fine bia passus nonaginta nobem; a parte orientis fine alia bia passus quadraginta octo; a parte meridiei que modo est fine rebus Mirandi notarii filii Doferi passus triginta unum; revolbi in partibus meridiei per fine ipsius Mirandi notarii, inde passus sexaginta quadtuor, revolbi in partibus occidentis per fine bia pubplica passus quadraginta duo, et revolbit per ipsa nominata bia passus in partibus meridiei biginti sex, revolbit in partibus occidentis passus quinquaginta, et revolbit in partibus sebtemtrionis passus biginti octo, et revolbit in partibus orientis passus sex, et revolbit in partibus sebtemtrionis passus quinquaginta duo, revolbi in partibus occidentis passus decem et octo, et revolbit in partibus sebtemtrionis usque in ipsa bia priora fine passus sebtuaginta. predicta pecia de terra per iamdictas finis et mensuras ipsi Lando ipsius Ademari et Iaquinta et Miranda integram illam tradiderat at lavorandum, ut semper per bindemie daret ipsi Landoni et eredum illius de ipso binum quod inde exierit inclitam medietatem, et de omnes alia frugia quod inde exierit daret inde ei ad area inclitam tertiam partem. et aliut continebat in ipsa cartula scripta per Mirandus notarius et roborata per Petrus protonotarius et Doferius. Et cum fuit lecta ipsa cartula, ipsi Tudinus querebat ipsa frugia inde tollere sicut ipsa cartula continet; ipsi Ademari et Iaquinta et Mari dixerunt ut ipsa frugia per dixpositum ipsius Landoni ipsa Iaquinta inclitum illut abere, faciendum quod voluerit. ego qui super iudex interrogabi ipsa Iaquinta si illam inde aberet cartulam aut testimonia indicaret inde nobis, et illa dixit una cum predicto Mari mundoaldo suo ut cartulam quam illam inde abuit perditam illam abere et non poteret illam abere ut ostendere poteret. et sicut inter illis combenit et per partes complacuit, ipse Tudinus parabit sancta Dei eubangelia et ipsa Iaquinta et predictus Mari ibi iuraberunt et dixerunt ut ipsa frugia diebus bite ipsius Iaquinte ipse Lando ei reliquisset et ipsa cartula quam illam inde abuit perditam illam dicebam aberet; et probter quod ipsa rebus minime illis lavoratam abet sicut ipsa cartula continet, que super declarata est, volunttarie illorum per combenientiam ipsi Ademari et Iaquinta et Mari pro parte de ipsa nominata Miranda ipsa rebus cum ipsa cartula remiserunt ipsius Tudini faciendum ille et suos eredes quicquit voluerit. et per combenientiam ipsi Ademari et Iaquinta presentem ipse Mari genero et mundoaldo suo, qui et ipse Mari pro parte de ipsa nominata uxore sua guadiam ipsius Tudino dederunt et fidemiuxorem ei posuerunt se ipsis suprascripti Ademari et Mari et per ipsam guadiam obligaberunt se et illorum eredibus ut, si dainceps in antea de tota suprascripta rebus cum ipsi Tudinus et cum illius eredes et cui ec cartula in manum paruerit causares aut contradicere aliquit eorum de suprascriptis omnibus presumserint sibe per testes aut per scriptionem vel per qualibet modum, per ipsam guadiam obligaberunt se ipsi Ademarius et Iaquinta et Mari et eredum illorum componere ipsius Tudino et eredum illius et cui ec cartula in manum paruerit centum auri solidos constantinatos et semper taciti et bacui illis et eredum illorum inde manere, et tacere faciant omnibus ominibus et partibus qui pro illarum partibus et de illorum eredibus qui ipsius Tudinus et illius eredes inde emiserint aut preposuerint quodcumque causationes per iamdicta guadia et pena obligata. Et taliter anc cartulam te Petrus protonotarius scribere precepi qui interfuistis. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 291-294, Estratto da ALIM