+ In nomine domini nostri Iesu Christi. An[no ab incarna]tione eius milles[imo septuagesimo] primo et vicesimo nono anno principatus domni nostri Gisulfi gloriosi principis, mense septembri nona [indictione. An]te me Petrum iudicem Iohannes comes palatii filius quondam Truppoaldi comitis palatii et Matrona que est uxor eius filia quondam Constantini castaldei coniuncti sunt cum Cesario filio quondam Dumnelli, et per ipsa[m] Matron[am] ostensa est una cartula divisionis que per Iohannem notarium scripta est de tertiodecimo anno prin[cipatus domni nostri Gisulfi] gloriosi principis, mense iunio septima indictione. Qualiter ante Sicone comite et iudice Antocia filia quondam suprascripti Constantini castaldei, que erat uxor Petri comitis filii quondam Pandenolfi clerici, et suprascripta Matrona sorore sua filia exdicti Constantini, que est uxor suprascripti Iohanni comitis palatii, dum una cum ill[is adessent viri] illarum, coniuncte fuerant ad compreendendas inter se sortes de terris et casis de intra hanc civitatem et de res foris hac civitate, quas comune inter se habebant; et, inter aliud quod ipsa Matrona in sortem compreenserat, sortem a parte meridiei de terra cum vineis et ar[bustis de loco] Materno que erat per fines: a parte occidentis finis media serra; a parte meridiei finis termini et medio vallone; a parte orientis finis media aqua de Lucubia; a parte septemtrionis finis alia sors sicut termini fixi erant et revolvebat in partem septemtrionis erga ipsa alia sors, et revolvebat in ipsa parte occidentis [...] usque media ipsa serra, cum omnibus que intro eam erant cunctisque suis pertinentiis et cum vice de via que intra ipsam sortem ducebat et de aliis viis suis, ad faciendum exinde ipsa Matrona et eius heredes quod volerent. simulque et ipsa Antocia, inter cetera que in sortem compreenserat, compreenserat sortem a [parte ...] de ipsa terra cum vineis et arbustis et silbis de iamdicto loco Materno que erat per fines et mensuras: a parte occidentis finis media serra, inde passus viginti quinque; a parte septemtrionis finis media sepes, intus erga ipsam sepem recte mensurati passus viginti sex usque terminum qui ibi fictum erat, et erat ibi lata ista sors [ibi u]s[que te]rminum recte in ipsa [parte] meridiei usque alium terminum, qui fictum erat inter istam et ipsam aliam sortem, passus viginti duo; et ab ipso term.ino ubi compleverant ipsi viginti sex passus recte descendebat per media sepe usque terminum [qui fi]xerat in hora subtana de via publica passus viginti sex, et erat ibi lata ista sors ab ipso t[ermino qui fixerat in hora] sub[tana de ip]sa via publica usque alium terminum qui fixerat in parte meridiei in hora subtana de [...] passus triginta tres et medium mensurati per ipsa via; et ab ipso ter[mino qui fixerat] in ora s[u]b[ta]na ubi compleverant ipsi viginti sex passus recte descend[ebat ... er]ga ipsam sepem recte mensurati passus quinquaginta, et erat ibi lata ista sors passus vigi[nti usque alium terminum qui fi]xerat in parte meridiei inter istam et ipsam aliam sortem recte mensurati [...]; descendebat in ipsa parte orientis per media sepe et medium vallite[llum ...] intus ipsa res prope ipsos sepe et vallitello recte mensurati, et erat ibi lata ista sors usque alium terminum qui fixerat in ipsa parte meridiei inter istam et ipsam aliam sortem passibus quadraginta [...]; a parte orientis finis medio ipso vallitello qualiter descendebat et coniungebat in [...] erat finis suprascripta secunda sors, qualiter recte ascendebat ab eo loco ubi ipsum vallitellum coniungebat cum ipsa Locubia in ipsa parte occidentis usque terminum qui fixerat inter istam et ipsam aliam sortem [...] et ab ipso termino qui fixerat in ripa de ipso vallone ascendebat recte in [... passus] quadraginta usque alium terminum qui fixerat inter istam et ipsam aliam sortem, et revolbebat in ipsa parte septemtrionis erga ipsam aliam sortem passus viginti usque alium terminum qui fixerat inter istam et ipsam aliam sortem et ab inde revolbebat in ipsa parte occidentis recte erga ipsam aliam sortem usque ipso termino qui fixerat inter ist[am ..., et] ibi erat lata ista sors ipsi quadraginta passus minus palmos duos, et ab ipso termino ascendebat recte in ipsa parte occidentis erga suprascriptam aliam sortem per ipsos terminos qui fixerat inter istam et ipsam aliam sortem usque media ipsa serra, cum omnibus que intro eam erant cunctisque suis pertinentiis et cum vice de ipsa via que intra ipsas sortes [vadi]t et de aliis viis suis ad faciendum de ea ipsa Antocia et eius heredes quod volerent, sicut ipsa cartula continebat que et plura alia continebat, in qua ipse Sico comes et iudex subscriptus est. Cum autem ipsa cartula fuit ostensa, ipse Iohannes una mecum et cum aliis ad ipsam sortem a parte meridiei quam ipsa Matrona uxor eius in sortem compreenserat, sicut suprascripta cartula continebat, perrexit et eam mensurare fecimus; est enim per fines et mensuras iusto passu hominis mensuratas: a parte occidentis est finis media ipsa serra et per eam recte mensurati qualiter termini fixi sunt passus viginti quinque; a parte meridiei est finis sicut termini fixi sunt et recte mensurati passus quinquaginta duo usque terminum qui fictum est in parte orientis in hora subtana de ipsa via, et est ibidem per latitudinem ista terra recte in parte septemtrionis usque alium terminum qui fictum est in hora subtana de ipsa via inter istam et ipsam aliam sortem; a parte septemtrionis passus viginti tres et medium per ipsam viam mensurati, et ab ipso termino ubi completi sunt ipsi quinquaginta duo passus descendit per terminos in partem orientis passus quinquaginta, et est ibidem per latitudinem ista terra recte in parte septemtrionis usque illum locum, ubi ab ipsa via in parte orientis secus ipsam sortem a parte septemtrionis mensurati sunt recte passus quadraginta, passibus viginti octo et medium, et ab eo loco ubi completi sunt ipsi quinquaginta passus descendit in ipsam partem orientis per terminos passus septuaginta octo, et est ibidem per latitudinem ista terra recte in parte septemtrionis passus quadraginta, et coniungit in illum locum ubi ab ipsi priori quadraginta passus secus ipsam sortem a parte septemtrionis completi sunt mensurando passus quinquaginta quinque; et ab eo loco quo completi sunt ipsi septuaginta octo passus vadit in ipsa parte orientis secus finem aliorum usque media ipsa aqua de ipsa Locubia; ab ipsa parte orientis est finis media ipsa aqua de ipsa Locubia; ab ipsa parte septemtrionis [est finis] suprascripta sors a parte septemtrionis, quam ipsa Antocia compreenserat sicut suprascripta cartula continet, et revolvit in partem septemtrionis secus ipsam sortem ipsius Antocie sicut terminatum est et revolvit in partem occidentis secus ipsam sortem suprascripte Antocie sicut termini fixi sunt, qualiter ascendit usque mediam suprascriptam serram. reversi vero de illuc, ipsa Matrona [volebat] ipsam sortem a parte meridiei quam illa compreenserat, sicut suprascripta cartula continet, per suprascriptas fines et mensuras, qualiter prescriptum est, consentiente ei ipso viro et mundoalt suo venumdare. et obserbans ea que in La[ngobardo]rum [regum edicto] scripta sunt de muliere que res suas consentiente viro suo venumdare voluerit, fecerunt illud notitiam du[o]bus proximis ipsius Matrone parentibus; et in mea et ipsorum parentum presentia ipsa Matrona violentia aliqua se pati non reclamavit, nisi bona sua voluntate ipsam sortem a parte meridiei quam illa comprehenserat, [sic]ut suprascripta cartula continet, per iamdictas fines et mensuras vendere velle se dixit, ut ab hoc die omni tempore hoc quod vendiderit st[abile debeat] permanere et ego in hac cartula manus ponam, quam Iohannes scribsit cum notitia ipsorum par[entum et mea ...]. hoc ita peracto ipsa Matrona, sicut ei congruum fuit, sua voluntate, per c[onvenientiam], per hanc cartulam, con[sentiente ipso] Iohanne viro et mundoalt suo, venumdedit ipsi Cesario integram i[psam sortem suam quam] illa compreenserat, sicut suprascripta cartula continet, per suprascriptas fines et mensuras qualiter prescriptum est et totum et integrum aliud quantum eidem Matrone in eodem loco Materno coniunctum cum suprascripta venditione habere pertinuit et pertinet, cum omnibus intra ipsam venditionem abentibus cunctisque suis pertinentiis preter ipsam viam publicam que ut suprascriptum est [...] venditionem ducit, de qua etiam vicem eidem Cesario venumdedit et cum vice de aliis viis suis. ea ratione ut integra suprascripta venditio qualiter prescriptum est semper sit in potestate ipsius Cesarii et heredum eius et liceat illum et eius heredes de ea facere quod voluerint. et propter confirmationem huius venditionis ipsa Matrona, consentiente ei ipso Iohanne viro et mundoalt suo, suscepit ab eodem Cesario statutum pretium auri solidos ex moneta Amalfitanorum centum triginta et quattuor in omni deliveratione. et per convenientiam ipsi vir et uxor, Iohannes et Matrona, tamen ipsa Matrona cum consensu et voluntate suprascripti viri et mundoalt sui, cum cuius etiam consensu et voluntate ipsa Matrona ea omnia que in hac cartula scripta et scribenda sunt fecit, guadiam eidem Cesario dederunt et fideiussorem ei posuerunt Ademarium comitem generum eorum filium quondam Landolfi comitis; et per ipsam guadiam obligavit se ipsa Matrona et suos heredes semper defendere ipsi Cesario et illius heredibus integrum illud quod ei venumdedit ut dictum est ab omnibus hominibus, et tribuit ei licentiam ut, quando ipse Cesarius et sui heredes voluerint, potestatem habeant illud per se defendere qualiter voluerint, cum omnibus muniminibus et rationibus quas de eo ostenderint. et si sicut superius scriptum est ipsa Matrona et suos heredes eidem Cesario et illius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Cesario et illius heredibus centum auri solidos constantinatos et sicut superius scriptum est adimplere. et ipse Iohannes per convenientiam et per ipsam guadiam obligavit se et suos heredes, si suprascripta vel ex eis quicquam removere aut contradicere presumpserint, componere eidem Cesario et illius heredibus centum auri solidos constantinatos et taciti ex hoc adversus ipsum Cesarium et eius heredes semper permaneant et tacere ex eo faciant omnes homines qui pro eorum parte et dato quascumque causationes de eo ipsi Cesario et illius heredibus preposuerint. Et duas cartulas unius tenoris, hanc quam ipse Cesarius et alteram ipsa Matrona retinet, tibi Iohanni notario scribere precepi. Ego qui super Petrus iudex.

Source Fulltext: Codex Diplomaticus Cavensis, vol. 09, 302-308, Estratto da ALIM