+ In nomine domini nostri Iesu Christi. Anno vero ab incarnatione eius millesimo septuagesimo primo et vicesimo nono anno principatus domni nostri Gisulphi gloriosi principis, mense augusto octaba indictione. Dum coram presentia domne Gemme principisse filie bone recordationis Laidulfi comitis, que fuerat uxor benigne memorie domni Guaimarii principis et ducis genitoris suprascripti domni nostri Gisulfi, essem ego Sico comes et iudex cum pluribus hominibus, tunc in eandem presentia per ipsius domne principisse iussionem ostense sunt tres cartulas et unum preceptum utili anulo consignatum; ex quibus cartulis una scripta per Romoaldum notarium septimodecimo anno principatus suprascripti domni nostri Gisulfi, mense nobembri duodecima indictione. Qualiter ante Iohannem iudicem Ursus iudex filius quondam Iannacii castaldei et Antocia uxor eius filia quondam Iannacii et Iohannes filius quondam Leonis qui cognominatus est Furus et Aloara uxor illius filia quondam Ursi Atrianensis et Grusa filia quondam Iannacii A[trianensis ... et] uxor Marini fi[lii] quondam Iannacii qui dictus est da lu Portu coniuncti fuerant cum Petro clerico filio quondam Iaquinti, et ipse Antocia et Aloara et Grusa clarificaverant pertinere sibi portionem in una pecia de terra cum canneto et siiba et v[acuo] foris [hac] civitate in loco Veteri ista parte et coniunctam flubii qui Veteri dicitur, super et parvum longe ab ecclesia Sancti Iohannis que in eodem loco constructa est; et tota ipsa pecia erat per fines et mensuras iusto passu hominis mensuratas: [a parte ...] eam per latitudinem passus viginti et septem; a parte occidentis finis ipse flubius et per eum mensurati passus quadraginta nobem, et in medio erat per latitudinem passus viginti et quinque et per longitudinem ab ipso fluvio et usque predictam viam. de suprascripta vero terra cum canneto et silba et vacuo per iamdictas fines et mensuras integram medietatem pertinere dixerant ipsis Aloare et Gruse et de cetera medietate de quinque partibus tres partes pertinere dixerant ipsi Antocie. et sicut ipsis Antocie et Aloare et Gruse congruum fuerat, bona earum voluntate, per ipsam cartulam venundederant ipsi Petro clerico pro parte ipsius domne Gemme principisse integrum illud quod sibi de suprascripta terra per iamdictas fines et mensuras pertinere dixerant sicut supra legitur, cum omnibus que intra illud erant cunctisque eius pertinentiis et cum vice de ipsa via. ea ratione ut semper fieret in potestate ipsius domne principisse et heredum eius et illa et eius heredes licentiam haberent de eo facere quod vellent, sicut ipsa cartula continet in qua ipse Iohannes iudex subscriptus est. Secunda scripta per ipsum Romoaldum notarium septimodecimo anno principatus suprascripti domni nostri Gisulfi, mense februario duodecima indictione. Qualiter in sacro Salernitano palatio, coram presentia ipsius domne Gemme et mea Siconis comitis et udicis, Iannacius adulescens filius Iohannis qui cognominatus est Marcesanus, dum una cum eo ipse pater eius adesset, clarificaverat sibi pertinere a parte cuiusdam Vive matris sue de decem partibus unam partem de tota suprascripta terra per iamdictas fines et mensuras, et Lupenus pupillus filius quondam Gemme sororis ipsius Vive et Mansonis qui dicebatur de Lupineczo, dum una cum eo Ursus tutor illius filius quondam Marini et Tande ipsius Lupeni amite adesset, clarificaverat sibi pertinere de decem partibus aliam unam partem a parte ipsius genitricis sue de tota suprascripta terra per suprascriptas fines et mensuras. et ideo ipse pupillus et iamdictus Iannacius secundum legem venundederant ipsi domne Gemme principisse integras ipsas duas partes quas sibi pertinere ex ipsis decem partibus de tota suprascripta terra clarificaverant sicut suprascriptum est, cum omnibus que intra eas erant cunctisque earum pertinentiis et cum vice de ipsa via. ea ratione ut semper sint in potestate ipsius domne principisse et heredum eius et liceret illam et eius heredes de eo facere quod vellent, sicut ipsa cartula continet in qua ego meum nomen propriis subscripseram digitis. Tertia ... . Cum autem ipse cartule et preceptum fuerunt ostense et lecte, sicut ipsi domne Gemme principisse congruum fuit, bona sua voluntate, pro amore omnipotentis Dei et salutis anime sue, per hanc cartulam optulit Deo et in monasterio Sancte et individue Trinitatis [quod construnctum est] foris hanc a Deo conserbatam Salernitanam civitatem in loco Metiliano, in quo domnus Leo venerabilis abbas preest, totum et integrum illud quod ipse Audoaldus ut suprascriptum est prefato Guaimario filio suo pro illius parte tradiderat, et totam et integram suprascriptam terram cum canneto et silba et vacuo per suprascriptas fines et mensuras, cum omnibus que intra illud et intra ipsam terram sunt cunctisque earum pertinentiis et cum vice de ipsa via et de aliis viis suis et cum suprascripto precepto et iamdictis cartulis. ea ratione ut semper sint in potestate ipsius domni abbatis et successorum eius et partibus suprascripti monasterii et liceat ipsum domnum abbatem et successores eius et partem suprascripti monasterii de eo quod ut suprascriptum est in ipso monasterio optulit facere quod voluerint. et per convenientiam ipsa domna Gemma cum voluntate ipsius domni principis et suprascripti Guaimarii et Landolfi et Guidonis filiorum suorum in quorum mundio est, cum quorum voluntate omnia que in ac cartula scripta et scribenda sunt fecit, obligavit se et suos heredes semper defendere ipsi domno abbati et successoribus illius et partibus suprascripti monasterii totum et integrum illud quod in eadem monasterio sicut suprascriptum est optulit ab omnibus hominibus. sic tamen ut quando ipse domnus abbas et successores suos et pars ipsius monasterii ipsam domnam Gemmam et eius heredes defensores de eo habere quesierint, dent eis suprascriptas cartulas et ipsum preceptum iusta ratione salvas habendas diebus sexaginta, et per omnes vices illa et eius heredes integrum illud quod in ipso monasterio optulit ipsi domno abbati et successoribus illius et partibus suprascripti monasterii ab omnibus hominibus sicut suprascriptum est defendant, et post completos ipsos dies per omnes vices cartulas ipsas et iamdictum preceptum quales eis date fuer[int, illis red]dant; et tribuit ipsa domna Gemma licentiam ut, quando ipse domnus abbas et successores eius et pars ipsius monasterii voluerint, potestatem habeant illud per se defendere qualiter voluerint, cum omnibus muniminibus [et rationibus quas de eo osten]derint. et si sicut superius scriptum est ipsa domna Gemma et suos heredes non adimpleverint et suprascripta vel ex eis quicquam remobere aut contradicere presumpserint, per ipsam convenientiam ipsa domna Gemma [obligavit se] et suos heredes componere ipsi domno abbati et successoribus illius et partibus suprascripti monasterii centum auri solidos constantinatos et sicut superius scriptum est adimplere. verumtamen quoniam ipsa domna Gemma, que omnia suprascripta fecit cum voluntate ipsorum filiorum suorum et cum voluntate Iohannis similiter filii sue et suprascripti domni Guaimarii, sue potestate reserbavit integrum usumfructum ex eo quod ut dictum est in ipso monasterio optulit, ad faciendum ex eo quod voluerit; post vero suum hobitum ipse ususfructus ad suam redeat proprietatem. Et taliter tibi Iohanni notario scribere precepi. S. + Ego qui supra Sico comes et iudex.

Source Fulltext: Codex Diplomaticus Cavensis, vol. 09, 297-301, Estratto da ALIM