Idem namque apostolicus pontifex, dum in Romana Sancta Ecclesia archidiaconatus adhuc officio fungeretur predictum locum a Gisulfo Salernitano tunc principe, in cuius manu fuerat, postulavit; cellas quoque plurimas, quas usque ad id temporis spacium idem princeps in manu propria detinuerat, ab ipso acquirens eidem sancto loco contulit absolute N cum omnibus habitantibus et habitaturis tam in Cilenti monte eiusque pertinenciis quam in locis Pasciano, Mitiliano, castro Sancti Adiutoris et pertinenciarum eorundem locorum, cum omnibus angariis et perangariis, pensionibus, salutis, tam racione terrarum quam pro quolibet foculari ipsorum locorum, sicut nos ipsi in registro ipsius principis enucleacius vidimus contineri. N1 et eius habitatores per principale rescriptum omnibus fecit angariarum, pensionum et telonei persolucionibus absolutos, ut nil in eo aut ipsi ulterius aut suis liceret successoribus vendicare.

Source Fulltext: Codex Diplomaticus Cavensis, vol. 09, 345-345, Estratto da ALIM