+ In nomine domini nostri Iesu Christi. Anno ab incarnatione eius millesimo septuagesimo tertio et tricesimo primo anno principatus domni nostri Gisulfi gloriosi principis, mense martio decima indictione. Dum coram presentia domni Petri venerabili abbatis monasterio Beati martiris Biti, quod construnctum est foris et iuxta murum huius Salernitane civitatis ac propinquo litore maris, essem ego Petrus iudex, Iohannes monachus eiusdem monasterii, qui cognominatus est Ioncatella filius quondam Constantini, coniunctus est cum Constantino filio suo et per partes confessi sunt ut de omnes res staviles, quas psi Iohanni quomodocumque habere pertinuit intra hanc civitatem et foris, integras duas partes ipsi Constantino per suas rationes pertineret. et sicut ipsi Constantino congruum fuit, sua voluntate, per convenientiam tradidit ipsi Iohanni genitori suo integram terram cum vinea que est foris hanc Salernitanam civitatem in loco Beteri, que et qualiter ei ab ipso genitore suo et a Marino suo germano in sorte evenit, cum vice de via sua, et integram tertiam partem de tota portione que ipsi genitori suo habere pertinuit de ecclesiam, que construncta est intra hanc civitatem inter muro et muricino ad honorem sancte Marie, que etiam da Mare dicitur, et de alteram ecclesiam que construncta est foris hanc civitatem in loco Pasciano ad honorem domini et salbatoris nostri Iesu Christi. ea ratione ut, amodo et dum ipse Iohannes vixerit, integram suprascriptam traditionem qualiter suprascriptum est teneat et dominet, foveas et omnes suas utilitates ibidem faciat qualiter voluerit iusta ratione, et totam ipsam vineam omni anno amodo et dum vivus fuerit ut dictum est apto tempore de super et de supter [laborent] et cultent et studient bonum ut in melius proficiat et non depereat, et totam eam per circoitum unde meruerit claudat et clausam et salbam illam habeant qualiter meruerit, et ipsam portionem de suprascriptis ecclesiis, quam ipsi genitori suo ut dictum est tradidit, hordinet cui et qualiter ipse Iohannes voluerit iusta ratione, et omne vinum et pomis et tributum et quicquit ex eadem terra cum vinea tollere et habere potuerit, et omne offertas et botationes et censum quod ex eadem portione de suprascriptis ecclesiis tollere et habere potuerit, ipse Iohannes amodo et dum vivus fuerit totum illud sibi habeat faciendum quod voluerit. A et per convenientiam ipse Constantinus guadiam ipsi Iohanni genitori suo dedit et fideiussorem ei posuit Constantinum cognomento Ioncata filium quondam Leonis Atrianensis, et per ipsam guadiam obligavit se et suos heredes defendere ipsi Iohanni genitori suo integrum illud quod ei sicut suprascriptum est tradidit, amodo et dum vixerit, ab omnibus hominibus quibus per ipsum Constantinum et eius heredes illud vel ex eo datum vel obligatum seu manifestatum aut aliquo modo alienatum paruerit et qui pro sua et heredum suorum parte et dato quascumque causationes de ea ipsi suo genitori preposuerit. ad hovitum vero eiusdem Iohannis integram suprascriptam traditionem qualiter suprascriptum est iusta ratione salba rebertar ad potestatem suprascripti Constantini et heredum eius ad faciendum de ea quod voluerint, et homines eiusdem Iohannis licentiam habeant exinde abstraere omnes res suas et ducere eas quo voluerint. A1 et per convenientiam ipse Iohannes guadiam ipsi Constantino dedit et fideiussorem ei posuit Constantinum cognomento Ioncata filium quondam Leonis Atrianensis, et per ipsam guadiam obligavit se et suos heredes ut, si sicut superius scriptum est non adimpleverint et suprascripta vel ex eis quicquam removere aut contradicere presumpserint, componere ipsi Constantino et eius heredibus quinquaginta auri solidos constantinatos et sicut superius scriptum est adimplere. verumtamen hoc memorari facio quoniam ipse Constantinus remisit ad potestatem suprascripti genitori sui integras res quas ipsi genitori suo habere pertinuit in loco ubi Forma dicitur pertinentie Nucerie, ut potestatem habeat ipse Iohannes ipsam rem cum omnibus suis pertinentiis et cum vice de via sua offerire in monasterio Sancte et individue Trinitatis, quod construnctum est foris hac civitate in loco Mitiliano, in qua domnus Leo venerabilis abbas preest. A et, si sicut superius scriptum est ipse Constantinus et suos heredes ipsi Iohanni suo genitori non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Iohanni suo genitori quinquaginta auri solidos constantinatos et sicut superius scriptum est adimplere. A1 et de omnibus rebus movilibus ipsi Iohanni quomodocumque pertinentibus ipse Constantinus licentiam ipsi genitori suo prebuit, faciendum ex eis quod voluerit, absque contrarietate suprascripti Constantini et heredum eius. hec omnia autem suprascripta fecit ipse Iohannes per licentiam suprascripti domni Petri reverentissimi abbatis, et ipse Constantinus omnia suprascripta fecit secundum legem et Romanorum consuetudinem A et ipse Constantinus per convenientiam tribuit ipsi Iohanni genitori suo licentiam ut potestatem habeat ipse Iohannes de omnes res moviles quas ei quomodocumque habere pertinet facere quod voluerit, absque contrarietate suprascripti Constantini et heredum eius per suprascripta guadia et obligata pena. quod autem superius inter virgulos scriptum est in uno loco legitur ad honorem sancte Marie, et in alio dicitur; et quod disturbatum est legitur integrum illud. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 361-365, Estratto da ALIM