+ In nomine domini nostri Iesu Christi. Anno ab incarnatione eius millesimo septuagesimo quarto et tricesimo secundo anno principatus domni nostri Gisulfi gloriosi principis, mense septembri duodecima indictione. Ante me Petrum iudicem Petrus filius quondam Iohannis qui cognominatus est Gualpa coniunctus est cum Iohanne monacho monasterii Beate et individue Trinitatis, quod conditum est foris hanc Salernitanam civitatem in loco Mitiliano, in quo domnus Leo venerabilis abbas preest. et sicut ipsi Petro congruum fuit, sua voluntate per convenientiam, per hanc cartulam pro salutis sue anime optulit Deo et in suprascripto monasterio, in quo monachus fieri et esse desiderat, integram terram cum casa lignea quam sibi pertinere dixit intra hanc predictam civitatem suptus plateam que ducit supter et iuxta valneum pertinente ecclesie Sancti Gramatii et totam terram cum vinea quam se clarificavit habere foris hac civitate in loco Iobi, cum omnibus intro ipsam terram cum casa et iamdicta terra cum vinea abentibus cunctisque suis pertinentiis et cum vice de plateis et anditis et viis suis et cum omnibus moniminibus ex ipsa terra cum casa et de iamdicta terra cum vinea continentibus. ea ratione ut totum et integrum illud quod ipse Petrus Deo et in suprascripto monasterio optulit semper sit in potestate suprascripti domni abbatis et successorum eius et partium suprascripti monasterii, et liceat ipsum domnum abbatem et suos successores et partes suprascripti monasterii de eo facere quod voluerint. et per convenientiam ipse Petrus guadiam ipsi Iohanni monacho pro parte suprascripti monasterii dedit et fideiussorem ei pro ipsius monasterii parte posuit Petrum filium quondam Ademarii Vallensis, et per ipsam guadiam obligavit se et suos heredes semper defendere ipsi domno abbati et illius successoribus et partibus suprascripti monasterii integrum illud quod ut dictum est Deo et in suprascripto monasterio optulit ab omnibus hominibus et partibus, et ipse Petrus filius suprascripti Iohannis tribuit licentiam ut, quando ipse domnus abbas et suos successores et partes suprascripti monasterii voluerint, potestatem habeant illud per se defendere qualiter voluerint, cum omnibus moniminibus et rationibus quas de eo ostenderint. et si, sicut superius scriptum est, ipse Petrus filius Iohannis et suos heredes non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi domno abbati et illius successoribus et partibus suprascripti monasterii quinquaginta auri solidos constantinatos et sicut superius scriptum est adimplere. hec suprascripta fecit ipse Iohannes monachus per licentiam suprascripti domni abbatis. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 10, 56-57, Estratto da ALIM