+ In nomine domini nostri Iesu Christi. Anno ab incarnatione eius millesimo septuagesimo quarto et tricesimo secundo anno principatus domni nostri Gisulfi gloriosi principis, mense iunio undecima indictione. Ante me Petrum iudicem Manso Atrianensis filius quondam Petri Atrianensis qui cognominatus est Sfagilla coniunctus est cum Theophilo monacho sacerdote adque abbate monasterio Beati Nikolay confessoris adque pontificis quod construnctum est foris hanc Salernitanam civitatem in loco ubi Gallucanta et Petralena dicitur. et sicut ipsi Mansoni congruum fuit, sua voluntate, per convenientiam, per hanc cartulam pro salutis sue anime optulit Deo et in suprascripto monasterio integram terram vacuam quam sibi dixit pertinere foris hanc Salernitanam civitatem ulter et prope ipsum monasterium ubi proprio Veteri dicitur, que est per fines: a parte septemtrionis finis via publica que ducit inter hanc et aliam terram quam dudum ipse Manso et Antocia uxor sua coram mea presentia per firmam cartulam vendiderunt Vivo vicecomiti filio quondam Petri; a parte occidentis finis ipsam terram quam ut dictum est ipsi Manso et Antocia eidem vicecomiti vendiderunt qualiter ab ipsa via recte descendit per medium vallonem qui est ulter et prope portam que Rotta dicitur usque mare; de supter parte quod est a meridie finis ipsum mare; a parte orientis est finis aliam terram iamdicto monasterio pertinentem, intra quam etiam ipsum monasterium construnctum est, qualiter medium vallonem discernit usque suprascriptam viam, cum omnibus intro ipsam terram per suprascriptas fines abentibus cunctisque suis pertinentiis et cum vice de ipsa via. ea ratione ut totum et integrum illud quod ipse Manso Deo et in suprascrpo monasterio ut dictum est optulit semper sit in potestate ipsius abbatis et successoribus illius et partibus suprascripti monasterii, et liceat ipsum abbatem et suos successores et pars eiusdem monasterii de eo facere quod voluerint. et per convenientiam ipse Manso, dum ydonei interessent homines, obligavit se et suos heredes semper defendere ipsi abbati et eius successoribus et partibus suprascripti monasterii totum et integrum illud quod ut dictum est Deo et in ipso monasterio optulit ab omnibus hominibus et partibus. et tribuerunt ei licentiam ut quando ipse abbas et suos successores et pars eiusdem monasterii voluerint, potestatem habeant illud per se defendere qualiter voluerint, cum omnibus monuminibus et rationibus quas de eo ostenderint. et si sicut superius scriptum est ipse Manso et suos heredes ipsi abbati et eius successoribus et partibus suprascripti monasterii non adimpleverint et suprascripta vel ex eis quicquam removere aut contradicere presumpserint, per convenientiam obligavit se et suos heredes componere ipsi abbati et eius successoribus et partibus suprascripti monasterii centum auri solidos constantinatos. Et taliter tibi Iohanni notario scribere precepi. S. + Ego qui supra Petrus iudex. S. + Ego Romoaldus notarius me subscripsi. + Ego Ademarius notarius me subscripsi.

Source Fulltext: Codex Diplomaticus Cavensis, vol. 10, 35-36, Estratto da ALIM