+ In nomine Domini. Septimo hanno imperii domno Michayl quam et domno Constantini gloriosissimi imperatoribus nostris, mense decenber duodecima indictione. Ideoque nos sumus nominati Iohanne Plazaro et Altruda que est uxor mea, qui sumus commorantes intus cibitate Luceria, eo quod intus predicta cibitate Luceria clarefacimus nos hante presentjia domno Iaspido glorioso iudice et haliis vonis hominibus qui hic supter conscripti sunt, quoniam cogitare cepimus ea que Dei sunt et que remedium et salbationem animarum nostrarum qualiter premia bita adipissci mereamur, propter hoc remedium et salbationem animarum nostrarum, vona etenim nostra voluntate tradidimus et offeruimus nos Deo et in sancte hecclesie Sancte Trinitatis et Sancti Filippi et Iacobi apostoli Dei, ubi domno Harnaldo diaconus cum suis cleros regimen tenere esse videtur, omnibus rebus et supstantjiis nostris stabilem vel mobilem quod modo videtur habere et quod in antea cuntis diebus vite nostre certare et conquirere potuerimus ubicumque de nostra causa inquirere et inbenire potueritis in integrum quam et persone nostre in prefate sancte hecclesie offeruimus ad senpiternaliter habendum. ea ratione ut, si Dominus Deus omnipotens nobis de hoc seculo vocare dignatus est et filii nobis remanserit, ut unusquisque recipiamus nostre portjione secundum legem de stabilem vel mobile et ipse nostre portjione Iohanne et Altruda recipiat ipse sancte hecclesie et, si nos sine filii remanserimus, ut totum et integrum remaneat in ipse prefate sancte hecclesie ad senpiternaliter habendum. ea ratione ex quibus hanc offertjionis cartulam obligamus nos et nostros heredes quod si nos bibente aut post nostrum obitum qualiscumque nostros heredes hoc quod nos superius diximus et nos in hecclesie sancte offeruimus, si nos ipsis remobere aut retornare voluerimus et ab omnibus ominibus ab omnique partibus ipsos a parte sancte hecclesie et ad eius rectores non defensaberimus et qualiscumque intentione exinde mittere presunserimus per qualiscumque inbenta ratione, tunc quinquaginta aurei solidos nos et nostris heredibus componere obligamus ipsius sancte hecclesie et ad eius rectores et exinde taciti maneamus perinvitis omni tempore. quapropter nos nominati Iohanne et Altruda pro pecatui nostro supramemoratus Sancte Trinitatis et supradicto sancti apostoli anathematizabit in futuro ut quicumque aliquit de rem ista que Deo et Sancte Trinitatis et sancti apostoli offeruimus stabilem vel mobilem ad usum suum tollere vel adminuare voluerit, sit anathematus vinculos nudatus, perditus et halienatus, in die domini Iesu abeat partem cum Dathan et Habiran et soci eius qui cum corpus et hanime desscenderunt in imferrum et partem habeat cum Iuda traditore domini et magistri sui, maleditus vero fiat a trecenti decem et hocto patris, segregatus vero fiat a corpore et sanguine domini nostri Iesu Christi, extorens et halienatus ab omni ingressu in ecclesiarum, et quicumque adiutor de hoc sancte hecclesie exstiterit videat claritatem Dei cum heletis eius et merear audire cum his qui a dextera positi fuerit: Venite, benedicti patris mei, percipite regnum quod vobis paratum est ab origine mundi, habeat pro se modo ed interbeniente in futuro Dei genitricis Marie et omnes sanctos hangelos et postoli Dei, ut pro eorum merita intercessio sit absolutus ab omni nexu peccati et hanc cartulam offertionis omni tempore firmam et stabilem ermaneat. Quem te Adelferi notarum hanc cartulam offertjionis asscribere te rogabimus qui et interfuisti. Actum in cibitate Lucerie indictione. Feliciter. S. + Ego Iaspido iudex. + Ego Petro teste.

Source Fulltext: Codex Diplomaticus Cavensis, vol. 10, 75-76, Estratto da ALIM