+ In nomine domini nostri Iesu Christi. Anno ab incarnatione eius millesimo septuagesimo quinto et tricesimo tertio anno principatus domni nostri Gisulfi gloriosi principis, mense augusto duodecima indictione. Ante me Petrum iudicem Aloara filia quondam Leonis Atrianensis que fuerat uxor quondam Pantaleonis Atrianensis, qui fuerat filius Petri qui dicebatur Assapacca, coniuncta est cum Iohanne Atrianensi filio quondam Mastali qui dictus est Spiczacanzone, et per ipsum Iohannem ostensa est una cartula ... Cum autem ipsa cartula fuit ostensa et lecta, ipsa Aloara clarificavit ut de tota ipsa terra cum silbis que fuerunt ipsorum Leonis et Vive, vir et uxor, pertinuisse sibi et heredibus ipsius Pantaleoni mariti sui de septem portionibus integras duas portiones et dixerunt ut totam ipsam terram cum silbis esse per fines et mensuras iusto passu hominis mensuratas: a parte meridiei finis via et per eam iuxta istam terram mensurati passus tredecim usque medium vallonem per quod fluit aquam que dicitur Aqua Marculi, et a medio ipso vallone vadit in partem orientis iuxta ipsam viam usque ad finem aliorum passus decem et septem, a medio ipso vallone in ipsa parte orientis mensurati per ipsam viam iuxta ipsam terram, et a completis ipsis decem et septem passibus vadit in ipsa parte orientis iuxta ipsam viam usque ad ipsam finem aliorum; ab ipsa parte orientis est finis aliorum qualiter recte ascendit in partem septemtrionis usque viam que dicitur da Calcara in termine qui suptus et secus ipsam viam fictus est; et ab ipso termine trabersante ipsa via et recte ascendente in ipsa parte septemtrionis per terminos usque alterum terminem inmovilem qui suptus et prope ipsa serra est; ab ipsa parte septemtrionis est finis media ipsa serra et per mediam ipsam serram mensurati passus nonaginta sex et ab inde vadit in partem quasi meridiei per medium lumbonem qui est inter hec terra et res pertinentes heredibus quondam Mauronis, et per eum mensurati passus octoginta usque viam que dicitur da Planellum, et revolvit in ipsa parte quasi meridiei secus ipsam viam, et per eam mensurati passus centum quadraginta sex usque lapidem magnum qui est suptus et prope ipsam viam, et ab ipso lapide descendit usque plescum altum qui est prope suprascriptam aquam, et ab ipso plesco descendit usque suprascriptam viam priorem finem. et sicut ipsi Aloare congruum fuit, sua voluntate per convenientiam, per hanc cartulam tradidit ipsi Iohanni, pro ipsam vicem quam ipse Iohannes habuit in ipsis silbis ad taliandum sicut suprascripta cartula continet, de integris ipsis duabus portionibus quam ipsa Aloara sibi et heredibus ipsius Pantaleonis de ipsis septem portionibus de tota suprascripta terra cum silbis per suprascriptas fines et mensuras qualiter suprascriptum est pertinuisse dixit integram tertiam partem, cum omnibus intro ipsam tertiam partem abentibus cunctisque suis pertinentiis et cum vice de ipsis viis. ea ratione ut semper sit in potestate ipsius Iohannis et heredum eius et liceat illum et eius heredes de ea facere quod voluerint, et de tota suprascriptam terra cum silbis per suprascriptas fines et mensuras qualiter prescriptum est dixit ipse Iohannes sibi pertinere per alias suas rationes de ipsis septem portionibus integras duas portiones et mediam. et per convenientiam ipsa Aloara guadiam ipsi Iohanni dedit et fideiussorem ei posuit Mastalum qui dicitur Caccabellum filium quondam Sergii Atrianensis, et per ipsam guadiam obligavit se et suos heredes semper defendere ipsi Iohanni et illius heredibus integrum illud quod ei sicut suprascriptum est tradidit ab omnibus hominibus, et tribuit ei licentiam ut quando ipse Iohannes et sui heredes voluerint, potestatem habeant illud per se defendere qualiter voluerint cum omnibus moniminibus et rationibus quas de eo ostenderint. et, si sicut superius scriptum est ipsa Aloara et suos heredes ipsi Iohanni et eius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Iohanni et eius heredibus triginta auri solidos constantinatos et sicut superius scriptum est adimplere. suprascripta vero fecit ipsa Aloara secundum legem et Romanorum consuetudinem. suprascripto disturbato legitur "Spiczacanzone". Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 10, 122-124, Estratto da ALIM