Cartula ... qualiter ante Petrum iudicem Ursus cognomento Cafarellus filius quondam Sergii castaldei et Pulxena uxor sua filia quondam Alferii coniuncti fuerant cum suprascripto Leone clerico et vicecomite filio quondam Zaffiri qui fuerat notarius Consine civitatis et cum ipso Adelario filio quondam Romoaldi, et per ipsum Leonem ostensa fuerat una cartula de vicesimo septimo anno principatus domni Gisulfi principis, mense aprili sexta indictione ... Et cum ostensa fuerat et lecta ipsi vir et uxor, Ursus et Pulxena, sicut eis congruum fuerat, bona eorum voluntate, per convenientiam, per ipsam cartulam manifestaverant et ipsi Leoni clerico et vicecomiti pertinere dixerunt integram ipsam terram cum vinea et insiteto de suprascripto loco Transboneia ubi proprie Scannapecu dicitur, per ipsas fines et mensuras, que et qualiter eam ipsi Adelarius et Gemma ipsi Iohanni pro partes suprascrppoi Leonis venundederant, quemadmodum suprascripta cartula continebat, cum omnibus que intra eam erant cunctisque suis pertinentiis et cum vice de ipsa via. ea ratione ut semper fieret in potestate ipsius Leonis et heredum eius et liceret illum et eius heredes de ea facere quod vellent absque contrarietate ipsorum Ursi et Pulxene et heredum illorum, sicut ipsa cartula continet que scripta est per Iohannem notarium in anno suprascripte dominice incarnationis millesimo septuagesimo quinto, et tricesimo tertio anno principatus domni Gisulfi principis, mense iunio duodecima indictione, et in ea ipse Petrus iudex subscriptus est.

Source Fulltext: Codex Diplomaticus Cavensis, vol. 10, 118-119, Estratto da ALIM