+ In nomine domini nostri Iesu Christi. Anno ab incarnatione eius millesimo septuagesimo quinto et tricesimo tertio anno principatus domni nostri Gisulfi gloriosi principis, mense octuber tertiadecima indictione. Nos Petrus clericus filius quondam Amati et Gaita, vir et uxor, coram idoneis hominibus coniunti sumus cum Amato clerico, ipse Amatus pro parte ecclesie Sancti confessoris Nicolai, que constructa est subtus et prope castellum vetus Caputaquis hubi proprie Casavetere dicitur, et ipsa ecclesia cum omnibus rebus stavilibus et movilibus ipsi ecclesie pertinentibus pertinet domno Gregorio filio quondam domni Paldulfi filii domni Guaimarii principis et, sicut nobis congruum fuit, nostra voluntate, per anc cartulam, mercedis causa hoptulimus in prefata ecclesia unum gencum, ea ratione ut semper sit in potestate partium suprascripte ecclesie, et partes ipsius ecclesie licentiam habeant de eo facere quod voluerint. necnon hobtulimus in prefata ecclesia integras omnes res stabiles nobis quocumque modo pertinentes sunt et fuerint intra cibitatem nobam Caputaquis et foris per cunctas fines et vocabula et pertinentias Caputaquenses, cum omnibus earum pertinentiis et cum muniminibus ex ipsis rebus continentibus. ea ratione ut proprietas omnium ipsarum rerum semper sit in potestate partium suprascripte ecclesie, et partes ipsius ecclesie licentiam habeant de ea facere quod voluerint; usumfructum vero earum abeamus nos suprascripti Petrus et Gaita, vir et uxor, et liberi nostri masculi de legitimo coniugio. et nos et liberi masculi legitimi qui ex nobis sunt et fuerint res ipsas teneamus et utamur atque fruamur ut iustum fuerit, et de ipso usufructu faciamus quod voluerimus, et nos et ipsi liberi nostri semper sub dominio et defensione partium suprascripte ecclesie maneamus quemammodum secundum consuetudinem istius terre liberi homines sub aliorum dominio et defensione manere et esse videntur. et omni anno in festibitate sancti Nicolai demus ad partes suprascripte ecclesie censum tarenos bonos quattuor de moneta qualiter illis diebus per anc terram iherit; defunctis vero nobis ambobus et ipsis liberis nostris, ita ut nullus ex eis masculus de legitimo coniugio supersit, tunc ipse ususfructus extinguatur et at suam proprietatem redeat. set et si nos vel ipsi liberi nostri ex ac terra exierimus in aliis partibus ad abitandum, tunc similiter ipse ususfructus extinguatur et ad suam proprietatem redeat; tantum si intra octo annos reversi fuerimus, ita ut sicut dictum est sub dominio et defensione partium suprascripte ecclesie maneamus, rursus ipsarum rerum ususfructus ad nostram potestatem in suprascripta ratione revertatur et annualiter nos et ipsi liberi nostri iamdictos tarenos demus sicut suprascriptum est. et per convenientiam nos iamdicti vir et uxor, tamen ego Gaita secundum legem et consuetudinem Romanorum, guadiam suprascripto Amato pro parte ipsius ecclesie dedimus et fideiussorem pro ipsius ecclesie partibus ei posuimus Ursus qui dicitur de Amatum filium quondam Iohannis, et per ipsam guadiam obligavimus nos et nostros liberos et heredes semper defendere partibus suprascripte ecclesie in iamdicta ratione integrum illud quod in eadem ecclesia sicut suprascriptum est optulimus ab omnibus hominibus, et tribuimus licentiam ut, quotiens partes ipsius ecclesie voluerint, potestatem habeant illud per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est nos et liberi et eredes nostri in partibus suprascripte ecclesie non adimpleberimus et suprascriptas vel ex eis quicquam removere aut contradicere presumpserimus, per convenientiam, per ipsam guadiam obligavimus nos et nostros liberos et eredes componer partibus suprascripte ecclesie quinquaginta auri solidos constantinatos. ego supranominata Gaita omnia per memetipsa egi secundum legem et consuetudinem Romanorum. inter duos virgulos legitur: "sunt et fuerint". Et taliter te Maraldum clericum et notarium scrivere rogabimus qui interfuisti. S. + Ego Petrus diaconus. + Ego Lotherius.

Source Fulltext: Codex Diplomaticus Cavensis, vol. 10, 133-134, Estratto da ALIM