+ In nomine domini nostri Iesu Christi. Anno ab incarnatione eius millesimo septuagesimo quinto et tricesimo tertio anno principatus domni nostri Gisulfi gloriosi principis, mense octobri tertiadecma indictione. Ante me Petrum iudicem Ursus cognomento Capharellus filius quondam Sergii castaldei et Pulsena uxor sua filia quondam Alferii coniuncti sunt cum Adelario filio quondam Romoaldi, et ipsi vir et uxor Ursus et Pulsena clarifcaverunt se habere terram cum insirteto et zenzalito, que est foris hanc Salernitanam civitatem in loco Transboneia ubi Clusam dicitur, que est per fines et mensuras iusto passu hominis mensuratas: a parte occidentis finis via que ducit ad Vitemenia et per eam ... istam terram mensurati passus triginta quattuor; a parte meridiei finis rebus ipsius Adelarii qualiter ei in sortem evenit a Mascino clerico germano suo et passus quadraginta unum; a parte orientis similiter finis rebus ipsius Adelarii qualiter ei in sortem evenit ab ipso Mascino germano suo et passus triginta unum; a parte septemtrionis finis rebus ipsius Mascini qualiter ei ab ipso Adelario in sortem evenit et passus quinquaginta usque suprascriptam viam priorem finem. et sicut ipsis vir et uxor Urso et Pulsene congruum fuit, bona eorum voluntate per convenientiam, per hanc videlicet cartulam commutationis hordine tradiderunt ipsi Adelario integram suprascriptam terram, quam se ut dictum est clarificaverunt habere per ipsas fines et mensuras qualiter suprascriptum est cum omnibus que intro eam sunt cunctisque suis pertinentiis et cum vice de ipsa via. ea ratione ut semper sit in potestate ipsius Adelarii et heredum eius et liceat illum et eius heredes de ea facere quod voluerint, et propter confirmationem huius commutationis ipsi vir et uxor, Ursus et Pulsena, susceperunt ab ipso Adelario per aliam cartulam quam aput se firmatam retinent integram terram cum insirteto et viscilieto, quam ipse Adelarius clarificavit sibi pertinere foris hac civitate in iamdicto loco Transboneia, que est per fines et mensuras suprascripto iusto passu hominis mensuratas: a parte orientis est finis ipsa via et passus viginti duo; a parte meridiei finis aliorum et passus octoginta quinque; a parte occidentis finis rebus ipsorum Ursi et Pulsene et passus viginti; a parte septemtrionis finis alia rebus ipsorum Ursi et Pulsene, de qua ipse Adelarius eis manifestavit, et passus septuaginta duo qualiter descendit et coniungit cum ipsa via priore fine, cum omnibus que intro eam sunt cunctisque suis pertinentiis et cum vice de ipsa via in omni deliberatione, sicut inter eos convenit. et per convenientiam ipsi vir et uxor, Ursus et Pulsena, tamen ipsa Pulsena cum voluntate suprascripti viri sui, cum qua omnia que in hac cartula scripta et scribenda sunt fecit, guadiam ipsi Adelario dederu filium quondam Petri clerici et medici, et per ipsam guadiam obligaverunt se et suos heredes semper defendere ipsi Adelario et eius heredibus integrum illud quod ei ut suprascriptum est commutationis hordine tradiderunt ab omnibus hominibus, et ipsi vir et uxor tribuerunt ei licentiam ut quando ipse Adelarius et sui heredes voluerint, potestatem habeant illud per se defendere qualiter voluerint, cum omnibus moniminibus et rationibus quas de eo ostenderint. et si sicut superius scriptum est ipsi Ursus et Pulsena et eorum heredes ipsi Adelario eiusque heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligaverunt se et suos heredes componere ipsi Adelario eiusque heredibus quinquaginta auri solidos constantinatos et sicut superius scriptum est adimplere. suprascripta vero fecit ipsa Pulsena cum voluntate suprascripti viri et mundoalt sui. suprascripto disturvato legitur in uno loco "zenzalito", in alio "commutationis" . Et taliter tibi lohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 10, 135-137, Estratto da ALIM