Cartula scripta per Iohanne notarium. In nomine domini nostri Iesu Christi. Anno ab incarnatione eius millesimo septuagesimo septimo et tricesimo quinto anno principatus domni Gisulfi, mense maio quartadecima indictione. Ipse Ursus Atrianensis qui dictus Grossu filius quondam Leonis venumdederat suprascripti Iaquinti integram partem a parte orientis de terra cum vinea et pomis et de alia pecia de terra in ipso locum Transboneia ubi Maianu dicitur, quod ipsi Leo genitor predicti Ursi in sorte compreenserat a Lupino germano suo et a Iohanne filio suo et ipsam sortem quam ipse Urso ipsi Iaquinto venumdederat, que est a parte orientis, erat per fines et mensuras: de capite finis terra cum castanieto eorum comunem, quam ipse Urso ipsi Iaquinto venumdederat sicut via discernebat et erant per ipsa via passus viginti quattuor minus gubitis duobus; a parte orientis finis illorum, inde passus triginta quattuor; de pede finis illorum, inde passus viginti et inter ipsas sortes passus triginta tres, ad faciendum inde ipse Iaquintus sicut ipsa cartula continet quod voluerint, in qua ipse Sico comes et iudex subscriptus est.

Source Fulltext: Codex Diplomaticus Cavensis, vol. 10, 164-164, Estratto da ALIM