Cartula scripta per Romoaldum notarium anno dominice incarnationis millesimo septuagesimo octabo, temporibus domni Robberti ducis, mense decembri secunda indictione. Qualiter ante Siconem comitem et iudicem Audoaldus comes filius quondam Adelferii comitis per ipsam cartulam venundederat ipsi Riso suprascriptam terram cum casa per fines et mensuras iusto pede manus hominis mensuratas: a parte meridiei finis platea que ducit iuxta ipsam ecclesiam et pedes decem et octo et medius; a parte occidentis finis terra aliorum in qua stillicidium ipsius case fluit et pedes viginti et medius et uncie quattuor; a parte septemtrionis finis anditum sicut medius paries fabricatus discernit, et intra ipsam casam recte mensurati per facie ipsius parietis pedes decem et nobem et medius usque viam que ascendit ad ecclesiam Sancti Maximi; a parte orientis finis ipsa via et pedes duodecim, et revolvit in partem occidentis iuxta finem aliorum dimidium pedem et planta, et revolvit in partem meridiei per medium ipsum parietem et mensurati intra ipsam casam recte per facie ipsius parietis pedes alii duodecim usque ipsam plateam priorem finem, cum omnibus que intra ipsam terram cum casa per iamdictas fines et mensuras erant et suis pertinentiis et cum vice de ipsis platea et andito et via et de curte comuni, que cum suprascriptis andito et platea coniuncta est, et qualiter ipsa casa conciata et edificata estat. ea ratione ut semper esset in potestate ipsius Risi et heredum eius, et liceret illum et eius heredes de eo facere quod vellent, sicut ipsa cartula continet in qua ipse Sico iudex subscriptus est.

Source Fulltext: Codex Diplomaticus Cavensis, vol. 10, 261-262, Estratto da ALIM