In anno qualiter dominice incarnationis millesimo septuagesimo octabo, temporibus domni Roberti gloriosi ducis, mense decembri secunda indictione. Ante Siconem iudicem Manso Atrianensis filius quondam Ursi castaldei et iudicis coniunctus fuerat cum Urso abunculo eorum, et sicut ipsi Mansoni congruum fuerat, sua voluntate per convenientiam, per ipsam cartulam tradiderat ipsi Urso integram unam peciam de terra sua, quam sibi dixerat pertinere foris hac civitate in finibus Lucanie ubi Trisinum dicitur, intra quam sunt terre cum vineis et cannetis et salicetis et quercietis et silvis et vacuis, et totam ipsam peciam dixerant esse per fines: de una parte finis res quas ipse Manso vendiderat domno Maraldo veneravili episcopo Sancte Pestane sedis, qualiter recte descendit per fontes et per aquarium eiusdem fontis usque ad finem aliorum; de supter parte finis aliorum quod modo ipsi monasterio pertinet; de alia parte finis res pertinentes Constantini cognati ipsius Ursi; de super parte finis aliorum, quod modo similiter eidem monasterio pertinet, qualiter vadit et coniungit cum ipsis rebus quas ipse Manso ipsi episcopo ut dictum est vendiderat, cum omnibus que intro eam erant cunctisque eius pertinentiis et cum vice de viis suis. ea ratione ut integra ipsa traditio semper esset in potestate ipsius Ursi et heredum eius, et ille et eius heredes licentiam haberent de ea facere quod vellent, sicut ipsa cartula continet scripta per Iohannem notarium, in qua ipse Sico subscriptus est.

Source Fulltext: Codex Diplomaticus Cavensis, vol. 10, 262-263, Estratto da ALIM