+ In nomine domini eterni Dei et salbatoris nostri Iesu Christi. Anno ab incarnatione eius millesimo septuagesimo octabo et tertio anno temporibus domni Robberti gloriosissimi duci, mensis martius secunda indictione. Ego Maracdus filius quondam Iohanne Cassici clarifico me abere per meum roboreum scriptum medietatem de socia Mauri filii Iohanne clerici in Persecito; et coniuntus sum cum domno Abalsamus abbas Sancti Magni et per combenientia venumdabo ipsa res qualiter ipsa mea cartula continet etiam et ipsa cartula eisque continentibus tibi tradidi consentientem michi ipsa Aurilemma uxor mea, ut qualiter ipsa cartula continet tu domno abbas et pars ipsum monasterio faciat de eo quod bolueritis. tantum liceat me et meis heredibus in predicto Persecito per vice de ista res erba pabere et esca colligere et arbores iusta ratione incidere, pars vero ipsum monasterium et rectores eius de ipsa res faciatis que bolueritis cum omnia infra se abentibus et vice de viis; et ego Maracdus pro firma stabilitate recepi a te predicto abbas auri tari viginti quattuor in omni deliveratione sicut inter nos stetit. et ego Maracdus per combenientia predicta uxor mea coram vonorum hominum subsuscriptorum testium gudiam tibi predicto abbas dedi et fideiussorem tibi posui Armannus filius quondam Iohannis, et per ipsam gudiam obligo me et meis heredes semper defensare scripta nostra venumdatione in eo hordine, ut detis nobis pars ipsum monasterio et rectores eius ipsa cartula ut cum ea illud defensemus usque in triginta et sex dies et postea retdamus ad pars ipsum monasterium predicta cartula salba et, quando ipsa ecclesia et eius rectores volueritis de eo esse defensores, licentiam habeatis cum omni monimine quas de eo abere potueritis. et si sicut suprascripta vel ex eis quicquam remobere vel contradicere voluerimus per nos vel per nostra apposita persona, per ipsam gudiam obligo me et meis eredibus componere tibi domno Abalsamus abbas et ad pars ipsum monasterium et rectores eius cum ipsa nostra apposita persona componere et cui suprascriptum ipsum pro vice de ipsum monasterium in manus paruerit viginti solidi auri costantini et que supra legitur firmiter permaneat. et ubi dicit "esca colligere" in superscripto virgulo, ita est. Quod scribsi ego Landus presbiter et notarius et interfui. S. + Ego Rainaldus presbiter. + Ego Maraldo.

Source Fulltext: Codex Diplomaticus Cavensis, vol. 10, 273-274, Estratto da ALIM