+ In nomine domini tricesimo tertio anno principatus Guaimarii gloriosi principis, et duodecimo anno ducatus eius amalfis et sirrenti, et nono anno principatus et ipsorum ducatuum domni gisulfi eximii principis et ducis filii eius, mense martio, quarta indictione. Ego adelferius diaconus archipresbiter et abbas ecclesie sancti maximi, que constructa est intra hanc civitatem in plaiu de monte, qui sum unum de domini ipsius ecclesie ante idoneos homines per convenientiam tradidi aloare filie quondam maraldi pro parte ipsius ecclesie terram cum casa lignicia, in qua aliquanti parieti habet; et est a super ipsa ecclesia per fines et mensuras iusto pede manus hominis mensuratum ex omni parte fine ad alia terra ipsius ecclesie. A parte meridiei pedes triginta sex; ab occidente sunt pedes viginti duo: a parte septemtrionis est finis anditum ipsius ecclesiae, sunt inde pedes alii triginta sex: a parte orientis sunt pedes decem et octo. Tali ordine illud ei per convenientiam tradidi, ut amodo et usque viginti nobem anni completi, tota ipsa tradictione illa et eius heredes sue potestati tenerent et dominarent, foveas et omnes suas utilitates iusta ratione ibi facerent; et si voluerint, ibidem residerent, et alii ad residendum et ad avitandum deant usque ipsum constitutum, qualiter voluerint; et quicquit pro seditura vel datione tollere et habere potuerint usque ipsum constitutum, sivi habeant, et illa et eius heredes da completum amodo et usque unum annum da inde in antea per omnem annum usque ipsum constitutum deant michi, vel ad successores meos, seu ad partem predicte ecclesie censum pro ipsa traditione in calendis iunii tarenos duos bonos; et per omnem annum infra ipsum constitutum, quando voluerint, potestatem habeant ipsam traditionem, ubi meruerit, conciare, cooperire usque ipsum constitutum faciant cum scindolis et alia lignamina, qualiter voluerint. Ad completum ipsum constitutum, si ego vel successores meos; seu pars predicte ecclesie lignamina ipsa de iamdicta traditione emere voluerimus, illa et eius eredes in ipsa traditione dimittant, et demus inde eis iusto pretium, quantum iuste fuerit appretiata; et si illam hemere noluerimus, potestatem habeant illa et eius heredes excutere de ipsa traditione tota ipsa lignamina, et omnia illorum causa movilia, et portare ubi voluerint, sine contrarietate mea vel de meos successores, seu de parte predicte ecclesie, et faciant exinde quod voluerint, similiter et si aliis illa vel ex ipsa ad residendum et ad avitandum dederint, potestatem habeant inde exire cum omnibus illorum causis. Et per convenientiam ipsa aloara guadia michi dedit et fideiussorem michi posuit pulcarum diaconum filium stephani; et per ipsam guadiam obligavit se et suos heredes adimplere michi et ad successores meos et ad partem predicte ecclesie amodo et usque in ipsum constitutum omnia, sicut supra legitur. Et si, sicut superius scriptum est, ipsa aloara et eius heredes, michi et ad meos successores et ad partem predicte ecclesie non adimpleverint, et suprascripta, vel ex eis quicqua removere aut contradicere presumpserint, per ipsam guadiam obligavit se et suos heredes componere michi, vel ad successores meos, seu ad partem predicte ecclesie quinquaginta auri solidos constantinianos. Veruntamen ut in ipsum constitutum ipsa terra vacua cum ipsis parietibus redeat ad potestatem de partibus predicte ecclesie, si ipsa lignamina pars predicte ecclesie, sicut supra scriptum est, emere noluerint, et in ipsum constitutum licentiam habeat ipsa aloara et eius heredes et homines, quos ad residendum vel ad abitandum illa vel ex ipsa dederint, inde exire cum omnibus illorum causis, et ire ubi voluerint; de suprascriptis vero lignaminis ipsa aloara et eius heredes sic inde permaneant cum partibus iamdicte ecclesie, sicut supra legitur. Et quoniam ipsa aloara fuerat uxor iohanni presbiteri, dicebat se vivere ad legem romanam, ideo hec suprascripta fecit secundum legem et romanorum consuetudinem per iamdicta guadia et obligationis penam. Et taliter scripsi ego ademarius notarius. Veruntamen ubi est disturbatum dicit iohanni, quod subiunxi ego dictus ademarius notarius. + Ego alderissi notarius me subscribsi. + Ego iohannes notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM