+ In nomine domini tricesimo tertio anno principatus domni nostri guaimarii gloriosi principis, et tertiodecimo anno ducatus eius amalfis, et duodecimo anno ducatus eius sirrenti, et decimo anno principatus et ipsorum ducatuum domni gisulfi eximii principis et ducis filii eius, mense iunius, quarta indictione. Memoratorium factum a me iohannes presbiter et monachus et abbas ecclesie sancte sofie, que constructa est intra ac cibitate, et ipsa ecclesia que monasterium est, pertinet paldolfo frater suprascripti domni nostri guaimarii, eo quod ante subscriptos idoneos omines per combenientiam tradidi iohanni castaldo filio quondam grimoaldi et iaquinto filio quondam isari, et urso filio quondam raidolfi terram bacuam, que ipsi monasterio pertinet abere foris anc cibitatem in loco ubi dulicara dicitur, que est per fines et mensuras: a parte meridiei finis flubius ubi calor dicitur et passos ducentos triginta quatuor: a parte occidentis similiter finis ipso fluvio et finis terra sacri salernitani palatii et passos ducentos: a parte septemtrionis finis terra ipsius sacri palatii et passos ducentos decem: a parte orientis similiter finis terra ipsius sacri palatii et finis ipso flubius et passos ducentos sexsaginta; tali ordinem suprascripta terra per iamdictas fines et mensuras iusto passu ominis mensurata ipsis iohanni, et iaquinto, et urso per combenientiam tradidi, etiam et tradidi eis bicem de pascuis que ipsi monasterio in eodem loco pertinet abere, ut in ipsis pascuis animaliis eorum ad passendum mitterent, ut amodo et usque duodecim anni completi tota suprascripta traditione cum ipsam bicem de ipsis pascuis, sicut supra legitur, illis et illorum eredes sue potestatis teneant et dominent, fobeas et omnis illorum utilitatis iusta ratione ibi faciant. Et omnis anno abto tempore arent ipsam terram et arare faciant, sicut meruerit, et seminarent eam quale sementem ibi meruerit, et labori ipsi apto tempore studiarent, sicut meruerint. Et apto temporem illud meterent et procurarent, et adunarent ibique ad area, et faciant scire me et subcessores meos, vel partem suprascripti monasterii, ut ibi dirigamus missum, et illis toti ipsi labori ante eum tritulent, et bictum ipsum bonum concient, sicut meruerit, et iustum terraticum, sicut est consuetudo ipsius loci, ex ipso bicto ibique ad ipsum missum deant reliquum quod exinde remanserit, sibi abeant, faciendum inde quod boluerint. Et ipsum terraticum, quod ad partem predicti monasterii ebenerit, per annum apto tempore salbum illud portent ad cellarium, quod pars predicti monasterii abet ad ecclesiam sancti martiris laurentii de eodem loco, quam ipsi monasterio non pertinet, et salbum illud ibidem ad partem predicti monasterii atsinget: ipsum missum, dum pro ipso bictum recipiendo ibi steterit, illis eum nutriant secundum illorum possibilitate. Et per combenientiam ipsi iohannes, et iaquintus, et ursus guadia michi dederunt et fideiussore michi posuerunt iohannem filium quondam petri; et per ipsam guadiam obligavit se et suos eredes amodo et usque ipso constitutum conpletum adinplerent michi meique successoribus et parti ipsius monasterii omnia, sicut supra legitur; post conpletum ipsum constitutum ipsa traditione bacua remittant ad potestatem predicti monasterii, et illi et illorum eredes licentiam abeant inde tollere omnes ilorum causas. Tantum labori, quod si in ipsa traditione illo anno quando ipso constitutum conpletum fuerit, seminaberint, licentiam abeant illi et illorum eredes illo anno toti ipsi labori recolligere, et ipsum terraticum, ut suprascriptum est, ex eo ad partem predicti monasterii darent, et portent illud ad ipso cellarium, ud dictum est, et sic ipsa traditio remittant ad partem predicti monasterii; et si, sicut superius scriptum est, ipsi iohannes, et iaquintus, et ursus et illorum eredes ad partem predicti monasterii, et michi meique subcessoribus non adinpleberit, et suprascripta vel ex eis quicquit remobere aut contradicere presumserit, per ipsam guadiam obligavit se et suos eredes componere michi meique subcessoribus, et parti ipsius monasterii quinquaginta auri solidos constantinianos. Verumtamen oc memoramus, quoniam suprascripta ecclesia sancti laurentii non pertinet suprascripto monasterio, et illud quod est inter birgulos legit non. Et taliter te iohannem notarium scribere rogabimus. + Ego ademari notarius me subscripsi + Ego petrus notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM