+ In nomine domini tricesimo quarto anno principatus domni nostri Guaimari gloriosi principis, et tertiodecimo anno ducatus eius Amalfis et sirrenti, et decimo anno principatus et ipsorum ducatuum domni gisulfi eximii principis et ducis filii eius, mense septembre, quinta Indictione. Ante me Iohannem Iudicem castelmannus comes filius quondam adelferii comitis coniunctus est cum ademario filio quondam petri clerici, et ipse ademarius clarificavit se habere terram cum casa fabricata solarata intra hanc salernitanam civitatem subter platea que ducit subtus ecclesiam sancti maximi, quam dixit esse per fines. A parte meridiei finem terra cum casa ipsius castelmanni: a parte occidentis fine anditum, in quo stillicidium ipsius case fluit, et in quo scala lignea posita est, latitudinis pedum duorum et plante cum pollice: a parte septemtrionis finem terram cum casa ipsius castelmanni: a parte orientis similiter finem terram cum casa ipsius castelmanni. Et ostendit duas cartulas ex ipsa terra cum casa continentes scriptas per iaquintum notarium. Unam tricesimo octabo anno principatus domni guaimarii, et nono anno suprascripti domni guaimarii eius filii, mense december, decima indictione, et in ea subscriptus ragemprandus iudex. Alteram nonodecimo anno principatus suprascripti domni nostri guaimarii gloriosi principis filii ipsius domni guaimarii, mense ianuarius, quinta indictione, et in ea subscriptus amatus iudex. Et sicut ipso ademario congruum fuit, sua voluntate per hanc cartulam vendidit ipsi castelmanno integram suprascriptam terram cum casa per iamdictas fines cum omnibus que intra eam sunt, cunctisque eius pertinentiis et cum ipsa scala et iamdicto stillicidio, et cum vice de ipso andito, et cum suprascriptis cartulis; ea ratione, ut semper sit in potestate ipsius castelmanni et heredum eius, et liceat illum et eius heredes de eo facere quod voluerint. Et propter confirmationem huius venditionis ipse ademarius suscepit ab ipso castelmanno statutum pretium auri solidos quinquaginta duo in omni deliveratione. Et per convenientiam ipse ademarius guadia ipsi castelmanno dedit, et fideiussorem ei posuit alferium presbiterum filium quondam iohannis. Et per ipsam guadiam obligavit se et suos heredes semper defendere ipsi castelmanno et illius heredibus integram suprascriptam venditionem ab omnibus hominibus ea ratione, ut quando ipse castelmannus et eius heredes ipsum ademarium et eius heredes defensores de ea habere quesierint, per omnes vices dent eis suprascriptas cartulas salbas habendas per omnes vices diebus sexaginta. Et per omnes vices ipse ademarius et eius heredes suprascriptam venditionem ipsi castelmanno et illius heredibus, sicut suprascriptum est, defendant. Et post completos ipsos dies per omnes vices cartulas ipsas, qualis eis date fuerint, illis retdant. Et ipse ademarius tribuit iamdicto castelmanno licentiam, ut quando ille et eius heredes voluerint, potestatem habeant suprascriptam venditionem per se defendere, qualiter voluerint, cum omnibus muniminibus et rationibus, quas de ea ostenderint. Et si, sicut superius scriptum est, ipse ademarius et eius heredes ipsi castelmanno et illius heredibus non adimpleverint, et suprascripta, vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi castelmanno et illius heredibus centum auri solidos constantinianos, et sicut superius scriptum est, adimplere. Et taliter te ademarium notarium scribere precepi. + Ego qui supra iohannes Iudex.

Source Fulltext: Codex Diplomaticus Cavensis, vol. CDC.007, -, Estratto da ALIM