+ In nomine domini tertiodecimo anno principatus domni nostri gisulphi gloriosi principis, mense aprili, septima indictione. Ante me Ioannem iudicem lando infans intra etate filius quondam petri, dum una cum eo essent ursus castaldus et ioannes abunculi ipsius infanti, hac filiis quondam iohannacii castaldi, quos ego venire feci, coniunctus est cum disiio filio quondam petri, qui cognominatus est barbutu, ad faciendum inter se finem de causationibus, quibus ipse infans cum ipso disiio dudum ante me causaverat, ut ipse disiius malo hordine introisset in terra cum casa ipsius infantis, ubi viri habitant intra anc civitatem et in res ipsius infantis foris ac civitate in loco locubia et ipsa casa disturbasset et ex ipsis rebus arbores et vites abscidisset et fructus tulisset et ipsam terram cum casa et ipsas res eidem infanti contrasset. Ipse disiius responderat intra anc civitatem plures terris cum casis haberi et in ipso loco locubia plures res haberi, sed nescire de quali terra cum casa et de qualibus rebus cum eo causaret. Ego autem iudicavi et ipse infans cum ipso disiio guadiare feci, ut mecum et cum notario et cum ipsis parentibus ad ipsam terram cum casa et ad ipsas res pergerent et infans mostraret ipsi disiio de quali terra cum casa et de qualibus rebus ipse infans cum ipso disiio causaverat et per partes plicarent se cum suis rationibus et secundum legem inter se de eo finem faciant. Postmodum vero mecum et cum notario et cum ipsis parentibus ipse infans cum ipso disiio ..... casa infra ipsas res perrexerunt et ipse infans monstravit ipsi disiio illud de quo, sicut suprascriptum est, cum eo causaverat. Nunc vero, ut dictum est, ante me coniuncti sunt ad finem inter se de eo faciendum et per partes ostenderunt singula iudicata de suprascriptis causationibus et ipse infans ostendit cartulas decem et ipse disiius ostendit cartulas quattuordecim et per partes manifestaverunt plures cartulas inter se exinde hostendere. Et legere feci ipsas cartulas quas ipse infans ostendit: prima ex eis sextodecimo anno principatus domni gisulphi, mense ianuarius, septima indictione. Andrea filius maionis per ipsam cartulam donaverat petro, qui roffi vocatur, filii landonis, medietatem omnes res substantias et casis et movilibus suis, que ei a genitrice et genitrice sua habere successerat seu quomodocumque per qualecumque ratione ei pertinebat et quod tando ille tenebat tam casis et rebus intra civitatibus et foras casalibus, vineis, arbusta, olibeta, quercieta, castaneta, campis, silbis, pratis, pasquis et aquis, finis et viis, montibus quam et in planis ubicumque per diversis locis rebus sua fuerit inventus, medietatem illut ei donaverat semper ipse petrus et cui per eum datum paruerit securo nomine eos haberent, exinde facerent, qualiter eis placuerint, scepto personas donate et abrase ancille sue, unde ei sortione non donaverat: reliqua medietate de omnibus rebus et casis stabilibus et movilibus sue reserbaberat potestatem sub eo hordine, ut diebus vite sue sue essent potestatis et suas utilitates ibidem faceret; et si filios aut filias non abuerit, sicut et tandoque tantummodo habebat unam filiam nomine mira, que nupto tradere debebat atenolfo filio landenolfi castaldi, si alias filias vel filios non habuerit, non haberet potestatem de ipsa medietate cuicumque vel ubicumque exinde dare aut alienare per qualemcumque ratione, nisi ipsi petro, vel cui per eum obligatum paruerit, illos dent ad iusto ab eis recipiente pretium sicut iuste fuerit appretiatum; et quo ille vel cui per eum obligatum paruerit, exinde scire fecerint, haberent spatium ad eum emendum usque dies triginta sex; et si infra ipso constituto noluerint illos emere cum iusto pretium, liceat illos ipsos dare cui boluerint. Nam si ante ipso constituto sine illius voluntate cuicumque per qualemcumque rationem exinde dederint, tunc illos que exinde datum aut obligatum paruerit, sicut per vinditionis cartulam, reverteret ad potestate sua vel cui per eum fuerit obligatum, omni tempore firmissime habendum: preter si de ipsa medietate in ecclesiis offerire voluerit, liceret ille in ecclesiis offerire de ipsa terra vacua de ipso loco locubia usque duobus modii tritici seminationis, et de ipse terre vacue de bespanicu usque tribus modia tritici seminationis, et de rebus ipsa de apulia finibus ……… quattuor modia seminationis. Nam alia omnes rebus et casis et serbis et ancillis et movilibus eius per illo hordine haberent, sicut dictum erat, sicut ipsa carta continet, scriptam per petrum notarium, in qua subscripti sunt ipse andreas et pando et lambertus. Secunda de sexto decimo anno principatus domni nostri gisulfi, mense februarius, septima indictione. Petrus qui roffi vocabat, filius landonis, clarificaverat ……. andreas filii maionis medietatem omnibus rebus, substantiis et casis et movilibus suis stavilem et movilem tam de casis et rebus infra civitatibus vel foras casalibus cum finis et viis et cum omnis sua pertinentia in montibus et in planis ubicumque fuerit exinde inventus medietatem funditus …….. exinde faciendum quod ei placuerat tantum septuaverat personas donate et abrase ....…. reserbaverat potestate, ut si alios filios vel filias non habuerit nisi mira que ……. non haberet potestatem exinde dare aut alienare per qualemcumque rationem, nisi ipsi petro vel cui per eum obligatum paruerit illos dare ad iustum pretium et faceret illos scire ……………. triginta sex et si eos emere noluerint infra ipsum constitutum, liceret illud dare cui voluerint. Nam …………. voluntatem eos dederint tunc illos que inde datum paruerit rediret …………. fuerit obligatum sicut per cartulam vindictionis omni tempore firmissime habendum. Et ipse petrus sua voluntate per ipsam cartulam donaverat ipsi mire cuncta ………….. tam casis et rebus et movilibus stavile et movile sicut per ipsa cartula ………. fuerit sic in integrum eos eidem mire donaverat atque obligaverat ………… faciendum que eis placuerit et illa alia medietate haberent illa et eius heredes obligata per illa ratione, sicut ab ipso andrea per ipsam cartulam obligatum fuerat. Et dederat ipsi mire ad defensionem habendum ipsam cartulam quod ipse genitor ......….. andreas ad frudiandum vite sue reserbaverat in ecclesiis offerire boluerit …………, sicut ipsa cartula continet. Scripta per ipsum petrum notarium, in qua subscripti sunt ipsi andreas et pando et lambertus et petrus. Tertia: vicesimo nono anno principatus ipsius domni gisulfi, mense iunius, quarta indictione. Declaro .…. absque filiis filiabus esse tantum unam filiam habebat nomine mira que nupto …... haberet petri iudici, qui roffo vocavatur filii landonis, cuncta et inclita omnis rebus sua medietate, qualiter continebat carta, que inde ei emiserat, et per ipsum petrum totum datum erat ipsi mire filie sue. Ipsa alia medietate obligatam habuerat ipsius petri .……. non haberet potestatem cuicumque exinde dare aut alienare, preter ipsius filie sue, vel ad eius heredes ………. filia sua propter cartam ipsam, quam ille emiserat ipsius petri, et ipse petrus illud dederat ipsius mire propter ipsam obligationem, tradiderat ipsi mire filie sue, stante ermenandus clericus filius maionis varbanem suum, cuncta rebus, substantia sua, omnibusque suis faccultatibus, quantum quantoque undecumque, vel quomodocumque ei fuerat et erat, vel fuerat pertinente casis intus anc civitatem ……… primitus terra et casa frabrita, in qua camminata habebat, que coniuncta erat de subtus ad viam, et sicut assendebat in susu usque inclito pariete, qui erat subtus arco subtano, et ibat usque parietem inclitum quod discernebat a fine monasterii sancti benedicti, et descendebat usque ipsa via. Et tradiderat ei inclita terra vacua ibique coniuncta, que coniuncta erat ad ipsa via, sicut ……… illorum que erat erga curte communale, et terram ipsius ermenandi clerici, et ab occidente ibat usque pariete de casa que ibi edificatum erat. Et tradiderat exdicte mire inclita alia casa et terra, in qua residentem erat, que coniuncta erat de caput ad plateam. Et de alia parte in ipsa curte commune; et aliut caput tenebat in veridiarium ecclesia illorum sancte marie, et de alia parte coniuncta …… et subtus ipsa curte commune tradiderat ei terram suam coniuncta cum ipsa curte et cum pariete et alium applictum de terra et casa erga ipsa platea, que est dua applicta. Istud totum infra ipse finis ei tradiderat cum vice de ipsa curte commune et cum vice de ipsa ecclesia sancte marie et sancti petri, et cum vice de viis et pertinentiis suis, et cum vice de vie ipse ecclesie; et tradiderat ei inclita ……… inventus quomodocumque ei fuit et erat, vel fuerat pertinentem ad faciendum exinde illa et eius heredes quod voluerint, preter diebus vite sue liceret ille res suas de foras ipsa medietatem ad frudiandum et illud de casa potestatem haberet vindere, et pretium medietatem dent ipsi mire et medietatem sibi habere, et de ipsa medietate potestatem haberet in ecclesiis offerire quantum ……… subscripti sunt ipsi ermenandus clericus et andreas et aliis. Quarta: de vicesimo nono anno principatus suprascripti domni gisulfi, mense iunius, quarta indictione. Ipsa mira filia andree, una cum ea adesset atenolfus vir eius, manifestaverat ei ermenandus clericus barbaneum suum filii maionis, ut nulla scriptionem aut qualemcumque rationem habuisset, aut haberet de terris .....… tum ipse genitor qui ei tradiderat …… eius quantum similiter ei tradiderat, et per nullis rationibus nec ille, nec suis heredibus, nec quavis homo pro eius partibus cum eis exinde causare aut contendere non potere. Et manifestaverat ut nullam manifestationem neque nullam scriptionem habere a parte ipsius andree genitori suo de quacumque causa, sicut ipsa carta continet: scripta per iohannem notarium ........ clericus et iohannes notarius et aliis. Quinta: ..... anno principatus domni Iohanni et quinto anno domni guaimarii eius filii, mense nobember, septima indictione. ipsa mira relicta ipsius atenolfi et pando filio eius per ipsam cartulam donaverat urso filio iohanni una peciola de terra vaciva, in qua casa habebat iohannes presbiter, per fines et mensuras. Ab oriente fine, sicut media pariete fabrito discernebat, et pedes quattuordecim et summisse …….. de casa stefani capizuto et heredes ursi, et pedes nobem; ab occidente fine platea que ducebat ad monasterium sancti benedicti, et pedes quindecim et summisse; et de capite fine via carraria sua et de sortifices eius et pedes nobem mensuratum ad iusta manum homini, ad faciendum inde ille et eius heredes quod ei placuerit. In tali hordine ut aliquando non haberet potestatem cuicunque illud dare per nullis modis, sicut de illorum potestate esset substractum ... filiisque illorum et heredibus illud vinderent ad iustum pretium, sicut ipsa carta continet, scriptam per iohannem notarium, in qua subscripti sunt teudericus maraghdus et mascinu. Sexta de primo anno principatus domni iohanni et domni guidoni eius filii, mense magius, duodecima indictione. ursi filii iohanni in partionem ad pastenandum vinea et pomis, et cannetum, et salicetum tradiderat ei ipse pando filio atenolfi terram campensem ……….. infra fines et mensuras. A meridie fine via et passi nonaginta duo; ab oriente fine locubia, et passi triginta; et revolvit per ipsa locubia in occidente passi triginta sex, et revolvit per ipsa locubia in septemtrione passi undecim rectum mensurati ab intro sepali de ipsa locubia, et de super fine ipsius pandonis passi triginta duo; Ab oriente fine eius passi triginta octo, de super capite fine via passi decem et octo; ab occidente fine via puplica et sunt passi quadraginta nobem mensurati ad passum, quod signatum fuerat in columna marmorea sancti mathei de archiepiscopio salernitano; ut in completo constituto haberet bonum lavoratum, et operatum, et cultatum; et divideret illud inter se per medietatem ……. exinde compreenderent; et si ipse ursus habuerit vinditura aut datura ipsa eius medietate, non haberet potestatem alteri illud dare, preter eorum illud venderent ad iustum pretium ...... continet scriptam per ursum notarium, et in ea subscripti grimoaldo, teudericus et alii. Septima: de anno tricesimo principatus domni guaimarii et tertio anno domni iohanni eius filii, mense aprilis, prima indictione: qualiter nicola grecus filius iohannis ...... iudicaverat iohanni et petro filii sui et urso filiastro eius, ut in omnibus rebus suis stavile, et in casa sua de intus hanc civitatem et in omnibus rebus stavilibus et casa …… quod pertineba ipsi urso ut ipsi filii et filiastro ….. et equales inde permaneret ad dividendum inter se illud in tertiam partem ipse filiastro eius, et eius heredes haberent de totum tertiam partem, et ipse filii eius et illorum heredes ….. sicut ipsa carta continet, scriptam per mirandum notarium, in qua subscripti sunt iohannes et radoaldus. Octaba: de duodecimo anno principatus suprascripti domni nostri gisulfi, mense magio, sexta indictione ……. comitem et iudicem ipse lando infans filius petri coniunctus fuerat cum iohanne filio lamberti, et cum gemma filia iohannis de mala, et filiastra erat ipsius iohannis, et cum petro germanus ipsius gemme, ad faciendum inter se finem de causationibus, unde ante eum causaverat ut malo hordine introisset in res pertinentes ipsius landonis de loco locubia propinquo ecclesia sancti eustasii, et in terra cum casa de intus hec cives, et fovea ibi fecisset ….. disturbasset, et arbores, et vites de ipsis rebus abscidissent, et sepes rupissent, et ipsis terra cum casa et rebus eidem landoni contrasset: illi dixerant plures terra cum casa intus hec cives et rebus haberi in ipso loco; sed nescire unde cum eis causarent, et inter eis iudicaverat, ut cum iudice et notario ad ipsam terram cum casa et res pergerent, et ipse lando monstraret eis unde cum eis causaverat. set antequam ad ipsas terras ……. per partes ostenderunt iilorum munimina de quibus in ipsa carta declarate sunt. Cum autem fuerant lecte, et plurima altercantio interessent, antequam per legem illud finirent, ipse ursus castaldeus dederat ipsorum iohannis, et lamberto, et ipsis gemme et iohanni viro eius viginti et octo auri tarenos; et illis pro parte eorum et de ipso petro germano supradicte gemme remiserant ad ipsum ursum castaldeum, pro parte ipsius landonis et de germani eius cartule que ostenderant, et unum iudicatum scriptum per mirandum notarium, ad faciendum de ipsis cartulis et de ipso iudicato ille et ipse germanus eius et illorum heredes quicquid voluerit, et obligaverant se et suos heredes, ut non aliquando tempore cum ipsis germanis, filii suprascripti petri, nepotes ipsius ursi castaldei, vel cum illorum heredibus de ipsis terra cum casa et rebus que fuerat ursi, quod ei in sortem evenerat, per cartam divisionis, causare aut contendere per qualibet inventa ratione, vel per quolivet modum, et aliut continebat, sicut ipsa cartula continet, scripta per iohannem notarium, in quam ipse sico comes et iudex subscriptus est. Nonam: in nomine domini quartodecimo anno principatus domni nostri iohanni, et octabo anno principatus domni guaimarii eius filii gloriosi principibus, mense februario, decima indictione. Memoratorium factum a me pando filium quondam atenolfi, eo quod ante subscripti testes coniunctus sum ad bonam convenientiam cum urso filio idem ursi, una cum ipse urso adesset teudericus advocatorem suum propter ad dividendum inter nos terra cum vinea et pomis, et cannietum, et salicetum de locum locubia, finibus salernitane, quod iam ante hos hannos ego in partionis ad pastenandum datum habuit suprascripto genitori eius, per fines et mensurie, sicut ipsi brebi de ipsa pastenatione continunt, et constitutum que inde positum habuimus iam transiit, et in eadem terra vinea et pomis, et cannietum, et sallicetum factum et operatum habunt, sicut inde obligati fuerunt. Modo autem uti diximus propterea sunt coniuncti rebus ipsa ad vindendum; et statim, sicut inter nos convenit, ipse ursus una cum ipso suo advocatore diviserunt ipsa rebus, et fecerunt inde due sortionis: unam sortem fecerunt esse in partibus orientis coniuncta ad aqua de ipsam locubia, et alia sorte fecerunt esse in partibus occidentis: unde prius ego nominatus pando comprehensit ipsa sortionem da parte orientis, et ipsius ursi tradidit ipsa sortione da parte ……. A parte orientis finis ipsa sortione quod comprehensit, sicut termini ficti sunt, et inde sunt passi sexaginta duo; de pede fine via, et inde sunt passi viginti octo. A parte occidentis finis via, et inde sunt passi quinquaginta, et abinde revolbente in ipsa via in parte orientis, inde passi viginti duo; totum mensuratum ad passum, quod signatum est in columna marmorea de ecclesia sancti mathei de archipiscopio salernitano; per iamdictas fines et mensure, totum et inclitum cum omnia intro se ...… et cum vice de via sua, illud ipsi tradidit pro sua sortione, faciendum inde quod voluerint, semper defensatum per me et per meos heredes da omnes homines. et ille pro taliter guadiam michi dedit et mediatorem michi posuit grimoaldus filius quondam landenolfi. et per ipsam guadiam obligavit se et suos heredes, ut si aliquando illud daturum aut venditurum habuerit, non aberent potestatem cuique illud dare per nulla ratione, ud de illorum potestate esse substractum ……… illud vindant ad iusto valiente pretium, que iuxte fuerit appretiatum, et faciant nos inde scire pro illud emendum per tertium constitutum usque diebus triginta sex. et si infra ipsa constituta noluerimus illud emere et dare inde nobis iuxto baliente pretium, tunc post ipsa constituta liceat vos illud dare cui volueritis. Nam si ante ipsa constituta cuicumque illud dederitis absque nostra solutione, sic ut de nostra potestate esse substractum, tunc sine ……. potestate. quod si aliquit de quomodo superius legitur, quesierit removere aut contrare, et taliter omnia suprascripta nobis non adimpleberint, et in supradicta divisione firmiter non permanserint, per ipsam guadiam componere obligavit se et suos heredes michi meisque heredibus viginti aurei solidos constantinos, et in suprascripta divisione, sicut dictum est, omni tempore firmiter permanerent; et hunc brebem scripsi ego iaquintus notarius qui interfui. ego petrus. ego qui supra teudericus me subscripsi. Decima: In nomine domini tricesimo quarto anno principatus domni nostri guaimarii, et quinto anno principatus domni guaimarii eius filii gloriosis principibus, mense december, sexta indictione. Memoratorium factum a me petrus filius quondam pandoni, eo quod ante subscriptis idoneis hominibus per bona convenientia tradidi ursi, iohanni et petri, qui sunt uterini fratres hac filii gemme, habitantes in locum locubia rebus mea de ipso loco locuvia, ista pars ipsa locubia, quod ipse genitor meus a iam preteritis annis tradiderat ad pastenandum et lavorandum cuique nicole, qui fuit genitor ipsorum iohanni et petri, et patrinius fuit ipse nicola predicti ursi, et est ipsa pecia, ubi ipse nicola debuit facere arbustum, per has fines et mensuras. a pars meridie fine mee, sicut vinea discernit, quod modo similiter eorum tradidi, sunt inde passi viginti septem: a pars orientis fine mea, sicut sepe discernit, inde passi viginti quattuor; a parte septemtrionis fine via puplica inde passi quattuordecim; a parte occidentis fine ipsius ursi, quod ab ipsum genitor meus ei in sortem evenit per hordine pastenationis, sicut termini inde ficti sunt, et inde sunt passi viginti quinque; et da inde revolvente per fine mea in pars orientis passum unum et summisse. et iterum revolvente per ipsa fine mea de ipsa vinea, quod inferius eorum tradidi, et coniungit in ipsa priore fine, inde passi septem: totum mensuratum ad passum quod signatum est in columna marmorea de ecclesie sancti mathei de archiepiscopii salernitano. et ipsa pecia de terra cum vinea, quod eorum tradidi, est per hec finis. de super fine iamdicte pecie cum arbustis: a parte occidentis fines ipsius ursi, quod per ipsam pastenationem habet a parte ipsius pandoni genitori meo, sicut terminatum est. A parte meridie fine via puplica: A parte orientis fine, sicut decurrit aqua de ipsa locubia, et exiente de ipsa locubia, et ascendente usque in ipsa priore fine. Ambo supradicte pecie per iamdictas fines et mensuras eorum tradidi cum vice de ipse bie, sceptuavi de ipsa pecia ubi est ipsa vinea sortione ipsius ursi filiastrum ipsius nicole de cannietum, quod coniunctum est cum ipsa locubia et cum ipsa via que commune mecum habet. Nam illo aliud, sicut dictum est, inclitum illud eorum tradidi, Tali hordine, ut amodo et semper ad illorum, et de illorum heredibus sint potestatem natos nascentes illud tenendum, et dominandum per subscripto hordine, et fovee et omnes sue utilitatis ibidem facere iusta ratione, et tota ipsa pecia per iamdictas fines, ubi est ipsa vinea, annualiter apto tempore laborarent et studiarent de super et de subter, hoc est scalciarent, adimplerent, propaginarent, potarent, ligarent, impalarent et ararent, sicut locus ipse meruerit, quatinus proficiat et non dispereat, et bona pareat lavorata et cultata, et clusam illam haberent, et de sortione mea de ipso cannietum, quod ibi infra ipse finis habemus ..... per omnis annum in ipsa vinea et pastinu, quod facturi sunt in ipsa alia priore pecia; et salices illorum demus quante illorum ibique sufficiat ad ipse ambe pecie et reserbarent sibi ipsi uterini fratres in ipsa priore pecia tantum vacibum, quantum bene iusta ratione sufficiat illorum ad sedilia, ubi habitare debeant, et ubi faciant ortum, et ubi habeant redita pro animalia sua. Nam ipso aliud pastenarent vinea de vono vitinio, vel si pomis et illud lavorarent et studiarent ..... amodo et usque nobem anni completi vinea facta, et impalata, et cultata bona ibi habeant, sicut de tantos annos locus ipse meruerit: et licentiam habeat ipso arbusto inde destruere et abscidere, pro qua ipsa ..... illud meruerit, et profectionem nullatenus ibi habuit; et da ipsi nobem anni completi in antea .... ipsa vinea ibi facta habuerit, ut diximus, omni tempore sue potestatis tenere, et omnis suae utilitatis ibi facere, iusta ratione; et annualiter apto tempore illud lavorarent de super et de subter, sicut locus ipse meruerit, ut proficiat et non dispereant, et bona pareat lavorata; et de tota ipsa traditione curam et vigilationem haberet, et salbum illud facere iusta rationem. et amodo et semper annualiter apto tempore pro vindemia de ipsa vinea facerent scire me vel meos heredes, ut illuc dirigamus missum nostrum, et pro vindemia de ipso pastino, quod illis pastenaverint, a quo vinum inde exierit, annualiter apto tempore similiter nos scire faciant, ut missum nostrum illuc dirigamus, et illis totum illud vindemiarent, et vinum ipsum ibique ad palmentum procuremus, et poma quas ibi fuerit colligerent; et de omnis vinum et poma, quam inde exierit, tollamus nos medietatem, vel missum nostrum, et ipsi fratres et illorum heredes medietatem per partes faciendum, quod voluerimus. Et dum pro ipsa vindemia illuc steterimus nos vel missum nostrum illis nos nutrire, secundum illorum possivilitate, et palmentateca nobis daret; de ortum autem quod ibi fecerint, quacumque frudium inde exierit, tertiam partem ibique ad missum nostrum inde darent, et due sortis inde sibi haberent, et quod in antea ipsa traditione seminaverint per annum similiter tertiam partem ibique ad missum nostrum inde daret, et due sortis inde sibi haberet. et si de hanc terram salernitanam exierit pro aliubi ad avitandum pro ira seniori, aut pro generatione, inclita ipsa rebus perveniant nostre potestati. et si infra tribus anni in hanc terram ad avitandum redierint, et voluerint illud recolligere in supradicto hordine, potestatem haberent tanto illo anno quod redierit ibidem, si rebus ipsa lavorata invenerint, non querant illo anno de ipso frudio, et stetimus semper illud eorum defensandum per hoc tinore, que isto brebem continet da omnis homines omnique partibus. Et sicut illorum brebem continet similem, de istum quod illorum modo emisimus, et per ipsi priori brebi qui fuerunt facti in nomine de ipsum nicola pater et patrimonio illorum, nulle occasiones aliquando eorum preponamus. Et quale tempore da ipsi nobem anni in antea rebus ipsa tenere et lavorare noluerint, aut non potuerint, inclita rebus ipsa cultata et studiata, sicut supra dictum est, revertat nostre potestati, et illis et suis heredibus liceat inde exire cum omnia illorum causa movilia, et pergant ubi voluerint. Unde in eo hordine per convenientia guadia michi ipsi uterini fratres dederunt, et mediatorem michi posuerunt se ipsis: ut si taliter omnia suprascripta illis et suis heredibus michi meique heredibus non adimpleberint, et aliquid inde contradixerint, per ipsam guadiam componere obligaverunt se ipsi uterini fratres et suis heredibus michi nominato petri, quam et ad meis heredibus, decem auri solidos constantinos, et omnia suprascripta nobis adimpleret. Veruntamen ipsa sortione nostra de ipsa poma illis et illorum heredes per omnis annum, postquam illam collexerit, nobis illam adducere ad domus nostra de hanc cives. quod scripsi ego mirandus notarius qui interfui; quam et hoc recolimus, ut per omnis annum per vindemie conciarent michi meisque heredibus ipsi uterini fratres, vel illorum heredes, una bucta da vinu, que capiat tantum vinum, quantum de supradictis rebus nobis in sortem evenerit per supradicta guadia et obligata pena. et si ego nominatus petrus defunctus fuero et heredes de me non fuerit, et pervenerit ipsa rebus ad extraneam personam, tunc ipsa bucte iam non concietis ad ipsam extraneam personam, quod subiunxi ego supradictus mirandus notarius. Ego ademari me subscripsi. Ego alderisi notario me subscripsi. Deinde feci legere ipsas cartulas que ipse disidius ostendit; prima sexto anno principatus domni iohanni, et primo anno domni guaimarii eius filii, mense magius, secunda indictione. petrus filius petri iudici venundederat giczo filio iohannis pro vice anne uxoris eius applictum de terra cum solario ad hortum magnum. Ab oriente fine ipsius petri, sicut facie de arcora fabrita discernebat, et pedes septem: A septemtrione fine eius, et pedes decem et octo: Ab occidente fine eius et pedes septem et summisse unum et uncie tres: A meridie fine de consortibus eius, sicut facie de pariete fabbrita discernit, et pedes decem et septem et uncie tres, mensurate ad talem pedem, quantum cartula ipsa in capite erat lata, cum omnibus intro se habentibus et suis pertinentiis, et cum vice de andito de ipsa venditione usque platea maiore, ut iusta ratione cum illorum congruitatibus ingredere et regredere poteret, et cum sericidio extra ipsa mensura: a septemptrione in suo cecidente, et a meridie haberet sericidium in ipsa mensuria. et ipsa uxor eius et eius heredes infra ipsa mensuria erga ipso pariete de consortes eius canalem ponere et habere, ut aqua que discurserit de ipsa venditione cecideret in ipso canale, et de ipso canale discurreret in ipsa fine sua ab occidente ad faciendum inde ipsa anna et eius heredes, quod voluerit. et si illud eis defendere non potuerint, de colludio eis iurarent et traderent eis ibique alia tanta et consimilem rem cum suis edificiis, qualis diebus esse paruerit. et si aliquando tempore ipsa venditione vinditura habuerit ipsi petro et illius heredibus, illud vinderent iusto valiente pretium, sicut ipsa carta continet scriptam per petrum notarium, in qua subscripti sunt ipse petrus et iaquintus notarius. Secunda: decimo anno principatus domni iohanni, et quinto anno domni guaimarii eius filii, mense magius, sexta indictione. ipse petrus filius petri iudici in causationes fuerat cum maraldo clerico et vestarario ipsius domni principis de ipsum aplictum de terra cum casa ad hortum magnum, quod ille venundederat ipsi anne uxori giczi, sicut suprascripta cartula continet; et dicebat ipse maraldus, ut ipsa anna donasset ei ipsum aplictum, qualiter ei datum fuerat per ipsius petri solutionem; et ipse maraldus ostenderat due cartule: una erat suprascripta carta, altera qualiter ipsa anna per ipsius petri solutionem donaverat ipsi maraldo ipsa terra per ipse fines et mensurie cum vice de via sua, et cum sericidio, et omnia, qualiter ab ipso petro ei datum fuerat, ipse maraldus et suis heredibus, seu cui vel ubi per illis datum paruerit, illud habendum et faciendum quod voluerint. et ipse petrus manifestaverat, ut cartulas ipsas veraces esse, et sicut inter eos placuerat, tradiderat ipse petrus ipsi maraldo ipsa terra per ipse fine et mensurie cum vice de ipsa via, et cum ipsa sericidia, et qualiter continebat ambo ipse carte; sic inclitum illud ipsi maraldo tradiderat securiter semper ille et eius heredes et cui vel ubi per eos datum paruerit, et illorum heredes eos habendum, et omnia exinde faciendum quod voluerit, sicut ipsa carta continet scriptam per petrum notarium: in ea subscripti lando, petrus comes, romoaldus notarius. Tertia: decimo anno principatus domni iohanni, et quarto anno domni guaimari eius filii, mense februarius, sesta indictione. ipsa anna relicta giczi clarefecerat ei pertinere ipsum applictum de terra cum casa ad hortum magnum per datum suprascripti petri filii petri iudicis per finem et mensuras cum vice de via sua da ipsa vinditione usque platea, et cum ipsa sericidia quemammodum suprascripta carta continet. et ipsa anna per ipsam cartam per absolutionem ipsius petri filii petri iudicis, et illo astante donaverat suprascripto maraldo clerico et vestarario totum et inclitum quantum dixerat ei per ipsum petrum datum fuerat, securiter ille et eius heredes, seu cui vel ubi per eos datum paruerit et eius heredes illud habendum et faciendum quod voluerint, sicut ipsa carta continet scripta per romoaldum notarium, in qua subscripti sunt iaquintus et romoaldus notarius et amatus. Quarta: duodecimo anno principatus domni iohanni, et sesto anno domni guaimarii eius filii, mense nobember, octaba indictione. maraldus clericus filius falconis presbiteri coniunctus fuerat cum marum, que fuerat uxor suprascripti petri filii petri iudici propter pariete, quod ille fabricaverat in terra ipsius marum intus hanc civitatem ad hortum magnum in quam arcora fabrita fuerat, que erat erga casis ipsius maraldi, quem ipsa marum cum ipso viro suo ei confirmaverant, et ipsa marum tradiderat ei de ipsa terra sua in omni loco summisse tres, et per longitudo pedes nobem et summisse: ut in ipsa terra fabricare parietem in altum quantum fuerat ipsa casa ipsius maraldi; et si plus voluerit fabricare, potestatem haberet in altum quantum voluerint. et in ipso pariete nullam foramen facere, unde una pars ad alteram aspicere poteret. et omni tempore ille, et cui per eos datum paruerit et illorum heredes haberent medium ipsum parietem ab occidente faciendum quod voluerint. et ipsa marum et eius heredes haberent medietatem ab oriente; ut omni tempore parietem ipsum salvum fieret iusta rationem, sicut ipsa carta continet scripta per romoaldum notarium, in ea subscripti adenolfus, teudericus, aghenardus notarius. Quinta: decimo anno principatus domni Iohanni, et quinto anno domni guaimarii eius filii, mense iunius, sexta indictione. ipse petrus filius petri iudicis et marum uxor eius clarefecerat ipse petrus, quoniam per firmam cartulam venumdederat ipse anne relicta giczi ipsum applictum de terra cum casa, quemammodum suprascripta carta continet; et ipsa anna donaverat illud suprascripto maraldo clerico et vestarario, qualiter ei datum fuerat. et ipse petrus per suprascriptam cartam confirmaverat illud ipsi maraldo clerico et mensurant pro sericidio suprano tota ipsa venditione da facie de pariete de ipsi consortes eius, que erat a meridie da ipso pariete in septemtrionem usque finem ipsorum erga arcora illorum, que erant in oriente pedes octo et summisse unum, et mensurant illud ab occidente da ipso pariete de ipsi consortes eorum in septemtrione pedes nobem et uncie tres; et per longitudo a septemtrione pedes decem et octo: securiter illud haberet ipse maraldus et cui per eum datum paruerit et illorum heredes, cum vice de ipso andito ad faciendum quod voluerit. et de illud quod posuerat a septemtrionis fine illorum donaverat ipsi maraldo per fines et mensuras: Ab oriente fine facie de ipsa arcora illorum fabrita pedem unum: A meridie fine ipsius maraldi pedes decem et octo: Ab occidente fine illorum, que inferius ei donaverat, pedem unum: A septemtrione fine andito et pedes decem et octo. et donaverat ipsi maraldo de ipsa terra illorum, ab occidente per fines et mensuras: A meridie fine facie de pariete ipso de ipsi consortes illorum pedes sex: Ab oriente finis ipsius maraldi, quod ei confirmaverat, pedes decem et uncie tres: A septemtrione fine ipso andito pedes sex: Ab occidente fine eorum et de consortibus illorum commune pedes decem et uncie tres, cum omnia intro se habentibus, et suis pertinentiis et cum vice de ipso andito de quantum retinebat ipsa donatio, et usque platea; ut iusta rationem cum omnibus illorum congruitatis inde ingredere et regredere poterent, et cum sericidio extra ipsa mensuria a septentrione, ut cecideret in ipsum anditum; et a meridie potestatem haberent in ipsa mensuria erga pariete de ipsi consortes illorum canalem ponere et habere, ut aqua que discurserit cecideret in ipso canale; et ipsa aqua de ipso canale discurreret in ipsa terra illorum commune, que erat ab occidente, ad faciendum inde ille et eius heredes et cui vel ubi per eos datum paruerit et illorum heredes quod voluerint, sicut ipsa carta continet, scripta per petrum notarium, in qua subscripti sunt friderisi, alfanus et pando. Sexta: duodecimo anno principatus domni iohanni, et septimo anno domni guaimarii eius filii, mense iunius, octaba indictione. ipse maraldus clericus et vestararius coniunctus fuerat cum ipsa marum que fuerat uxor ipsius petri filii petri iudici et lando erat uxor petri filii leonis propter terra et casa de intus hac civitate ad hortum magnum, quod ipse maraldus residebat; unde ille cum ipsis marum et vir eius in causationes fuerant, ut illi ipsa terra et casa et andita de ipsa casa ei contrasset; et ipse maraldus sex scriptionibus ostenderat, de quibus in ipsa carta declaratum erat. Cum autem lecte fuerant, dicebat ipse maraldus: ut ipsa marum et iamdictus vir eius contrasset ei terra, et casa et andita que ipse scriptionibus continebat. Ipsi vir et uxor dixerant, ut ipsa terra et casa et ipsa andita que ipse scriptionibus continebat non ei contrasset, nec de ipse scriptionibus aliquid contradixisset. etiam et manifestaverant, ut omnia quantum ipse scriptionibus continebat veracem esse et nulla inde contradicere poterent, sicut ipsa carta continet, scripta per aghenardum notarium, in qua subscriptus est adenolfus. Septima: tertiodecimo anno principatus domni iohanni, et septimo anno domni guaimarii eius filii, mense december, nona indictione. suprascripta mira filia andree, que fuerat uxor atenolfi castaldi, et pando filii eorum clarificaverat ipsa mira ei pertineret per successionem ab ipso andrea et per sua ratione terra cum parietibus fabritis, et terram vacuam cum curticella ibique coniuncta intus hanc civitatem ad hortum magnum. et ipse pando per sua ratione ibi sortionem habere debebat, et ipsi mira et pando venundederant ipsi maraldo clerico et vestarario ipsa terra cum parietibus fabritis et terra vacua et curticella de intus hanc civitatem ad hortum magnum per fines et mensuras: a meridie fine medio pariete fabrito, qui discernebat a casa landemarii clerici, pedes viginti octo; ab oriente fine strectola erant a meridie ipso pariete pedes decem et summisse et uncie tres, et revolvebat in oriente pedes tres et summisse et uncie quattuor, et revolvebat in septemtrione pedes duo et summisse et uncie tres, a septemtrione fine ipsius maraldi, et fine terra quam ei venundederant et pedes triginta et summisse et planta. ab occidente usque medium ipsum parietem pedes quattuordecim minus uncie tres. et venundederat ipsi maraldo ipsa terra vacua coniuncta cum illud, quod superius ei venundederat, per fines et mensuras. a meridie fine illud quod ei venumdederat, et pedes sex: ab occidente fine facie de pariete fabrito et exiebat in andito commune, pedes decem et summisse; a septemtrione fine ipso andito commune et pedes sex: ab oriente fine ipsius maraldi, et pedes decem et uncie tres, mensuratum ad talem pedem, quantum ipsa cartula in capite erat lata, cum omnibus intro se habentibus et suis pertinentiis et cum vice de ipso andito, ad faciendum inde ille et eius heredes, et cui per eos datum paruerit, et eius heredes, et cui carta ipsa in manu paruerit, quod voluerit. et dederat eis due scriptionis pertinentes de ipsa venditione, sicut ipsa carta continet, scriptam per petrum notarium, in qua subscripti sunt madelfreda et disiiu, landoarii et adenolfus. Octaba; quintodecimo anno principatus domni guaimarii, mense september, secunda indictione. dumnellus presbiter et abbas ecclesie sancte marie pertinente supradicto principi et iohanni fratri eius declaraverat quoniam per firmam cartulam ipse petrus filius petri iudicis confirmaverat arechisio filio petri omnes res suas staviles, ubique inde dederit inventus tum intra hanc civitatem, quam et foris locis bespanicu et iufuni, et locubia, et pandola, et forinu et per fines et pertinentia ipsorum locorum, et per aliis locis ubique exinde dederit inventus per totum principatum salerni, cum omnibus muniminibus ex ipsis rebus pertinentibus, ad faciendum inde ille et cui per eum datum paruerit quod voluerint, et ipse arechisius donaverat illud sicelgaite principisse, et ipsa sicelgaita illud confirmaverat in prefate ecclesie sancte marie ad faciendum inde pars ipsius ecclesie quod voluerit, et ipse dumnellus presbiter et abbas per convenientiam tradiderat ipsi petro medietatem iamdicte rebus de ipsis loco bespanicum, iufuni, locubia, pandola, furinu, et per fines et pertinentia suprascriptorum locorum, et per aliis locis ubique exinde inventus dederit foris hac civitate per totum principatum salerni de rebus ipsa pertinentibus ipsius petri filii petri iudicis ipsi petro filii iaquinti sculdais tradiderant cum omnibus intro se habentibus et suis pertinentiis, et cum vice de via sua, et cum muniminibus inde continentibus, ad faciendum inde ille et eius heredes quod voluerit, sicut ipsa carta continet scriptam per romoaldum notarium, in qua subscripti sunt adenolfus et ipse dumnellus presbiter et abbas et aliis. Nonam: quintodecimo anno principatus domni guaimarii, mense september, secunda indictione. declaraverat ipse dumnellus presbiter et abbas ipsius ecclesie sancte marie, quoniam per domnam sicelgaitam principissam confirmatum erat in ipsa ecclesia, res que fuerat ipsius petri filii petri iudicis, et per eum datam fuerat suprascripto arechisii. et ipse arechisius illud dederat ipsius principisse; unde ipse abbas cartam offertionis et aliud scriptionis. ipsa carta offertionis continebat, qualiter ipsa domna princeps clarificaverat, ut ipse petrus filii petri iudicis tradidisset ipsi arechisio omnes res suas staviles ubique dederit inventus, tum intus hanc salernitanam civitatem, quam et foris locis qui dicitur vespanicu, et iufuni, locubia, pandula, et forinu, et per fines et pertinentia ipsius locis ubique dederit inventus cum munimine ex eis pertinentibus, exceptuaverat res suas quod habebat in benevento et in capua, et ipse arechisius illud donaverat ipsi principisse, qualiter ei per ipsum petrum datum fuerat. et ipse abbas per convenientia tradiderat ipsi petro filio iaquinti sculdais inclitum quantum ad pars iamdicte ecclesie fuit et erat, seu fuerit pertinente de ipsis terris, et casis, et presa, et curte, et andita intus hanc civitatem, que fuerat ipsius petri filii petri iudici, que ad pars iamdicte ecclesie pertinebat, vel undecumque ad iamdicta ecclesia fuerat et erat pertinente, vel esse debuerat, cum omnibus infra se habentibus et suis pertinentiis, et cum vice de bia sua, ad faciendum inde ille et eius heredes quod voluerint, sicut ipsa carta continet, scripta per petrum notarium, in qua subscripti sunt truppoalt stolsaiz et comes, et adenolfus et ipse dumnellus presbiter et abbas et aliis. Decima: sexto decimo anno principatus domni nostri guaimari filii domni guaimarii, mense ianuarius, secunda indictione. coniunctus fuerat ipse petrus filius iaquinti sculdais cum suprascripto petro filio pandonis, et per ipsum filium iaquinti ostensum erat unum scriptum, et inter cetera que continebat, continebat ut perrexisset super terra cum casa que ipse filius pandonis monstraverat per fines. ab occidente fine platea: a meridie fine anditum: ab oriente fine ecclesie sancte marie: a septemtrione fine magelgardi. et monstraverat ipsum anditum adiunctum ad ipsam terram cum casa a meridie, et dicebat ipse filius pandonis, ut ipsa terra cum casa cum vice de ipso andito et curte ei esse pertinente per ipsa munimina, quod hostenderat ipse petrus, et itta uxor eius dixerant eorum pertinere, et per expleta possessione illud possedissent, et ipsam terram cum casa ipsi petrus et itta possidebant. ideo inter eis iudicatum fuerat, ut ipse filius pandonis pararet sancta dei evangelia, et ipsi vir et uxor per sacramentum ad ipsa evangelia secundum legem iurarent, ut que illi et ipsi petrus et marum genitor et genitrice ipsius itte que ipse dumnellus presbiter et abbas … abbia ipsius itte per expletos triginta annos, qualiter ipsa terra cum casa monstrata fuerat, cum vice de ipsa curte et ipso andito da meridie, possedissent et dominassent, et legibus eis pertineret, et parati erant cum sacramentalibus suis secundum legem sacramentum ipsum persolvere. set antequam illud persolberent, venerant inde inter se ad convenientiam, et ipse filius pandonis per susceptum launegilt donaverat eis ipsum sacramentum; et ipse filius pandonis manifestaverat ipsi filio iaquinti ad ipsa itta de tota ipsa terra cum casa per supradicta fine et de ipsa vice de ipso andito, et de ipsa curte, quod ipse filius pandonis monstraverat, ut nec ipse filius pandonis, nec eius heredes, nec ullus homo pro eius parte cum ipso filio iaquinti, nec cum ipsa itta, nec cum illorum heredibus exinde causare non poterent, neque per testes, neque per munimen, neque per nulla ratione, sicut ipsa carta continet, scripta per mirandum notarium, in quam subscripti sunt grimoalt comes et ademarii iudices, Undecima; septimodecimo anno principatus domni guaimarii, mense octuber, quarta indictione. iohannes vestararius ipsius domni principis clarefecerat, ut venumdedisset ei maraldus episcopus sancte sedis sirrentine terra cum casa fabrita solarata cum scala fabrite et serricidiis intus hanc civitatem ad hortum magnum, prope ecclesiam sancte marie, sicut ei carta continebat; et venumdederat ei ipse episcopus inclita res suam de propiciano, ubi tauranico dicebatur, et per alia cartula venumdederat ei ipse episcopus pecie de rebus quod habebat in ipso loco propiciano, et venumdederat ei monimen continente de ipsis terra cum casa et rebus, Unde ipse vestararius ostenderat scriptionibus et monimen exinde pertinentem, ex quibus in ea declaratum erat, et cum fuerant lecte, ipse iohannes vestararius per ipsam cartam venumdederat ipsi petro filio iaquinti sculdais inclita ipsa terra cum casa cum scale fabrite sue et cum serricidio suo, et qualiter conciata et edificata erat, et cum vice de via et andita sua, et venumdederat ei tota supradicta rebus a foras hac civitate de predicto loco propiciano, ubi tauranico dicitur, cum inclito molino et cum casa, que in ipsa rebus edificata erat, de quantum ei fuerat et erat pertinente, intus hanc civitatem predicta terra et casa, et de quanta rebus in predicto propiciano, ubi tauranico dicitur, quod ambo ipse scriptionibus erat continentem, quod ipse episcopus ei emiserat, inclitum illud ei venumdederat cum omnibus infra ipsis rebus habentibus et suis pertinentibus, et cum vice de vie sue, et venumdederat ei tota ipsa munimina que ibi declarata erant cum omnia quantum continebat, ad faciendum exinde ille et eius heredes quod voluerint, sicut ipsa carta continet, scripta per petrum notarium, in qua subscripti sunt landenolfus, alfanus, truppoalt stolsaiz et comes. Duodecima: in nomine domini tricesimo secundo anno principatus domni nostri guaimarii, et tertio anno principatus domni guaimarii eius filii gloriosis principibus, mense octuber, quarta indictione. Memoratorium factum a me petrus filius quondam iaquinti sculdais, eo quod ante presentia ragemprandus iudex, pro vice mulieri nomine itta uxori mea filia quondam petri, per convenientiam tradidi ursi filio quondam (deest nomen) terram meam cum casa lignicia solarata ad hortum magnum, quod pertinet ipsius mulieri, coniuncta ad plateam domnicam, que est intra hec finis et mensure: A pars occidentis fine ipsa platea, inde sunt pedes tredecim: A pars meridie inde sunt pedes octo: A pars orientis inde sunt pedes tredecim et planta una: A pars septemtrionis fine anditum nostrum, inde sunt pedes septem; suprascripta mensuria iusto pede manu hominis mensurata. suprascripta terra cum casa per suprascripta fine et mensuria ei tradidit, eo hordine, ut amodo et usque sex anni completi ille et eius heredes ibi residere et abitare, et omnes illorum utilitatis iusta ratione ibidem facere, et ad residendum illam dare usque ipso constituto cui voluerit. et semper quando meruerit iusta ratione ipsa traditio cooperire et conciare faciamus et ego et meos heredes usque ipsi sex anni completi defensemus ipsius ursi et ad eius heredes integram ipsa terra cum casa per suprascripte finis et mensurie, cum vice de ipsa platea et de ipso anditum ab omnes homines omnique partibus, et non illud eorum ante ipsi sex anni queramus tollere aut contrare. et per convenientiam ante ipsum prefatum iudex guadiam michi ipse ursus dedit, et fideiussorem michi posuit seipsum per partes placentes, et per ipsam guadiam obligavit se et suos heredes, ut omne anno, amodo et usque ipsi sex anni completi, dare michi meique heredibus, pro vice de supradicta uxori mee, per omne annum de mense octuber, tres auri tari boni de moneta pesanti, que illis diebus per hanc cives andaverit: a completi ipsi sex anni integra ipsa terra cum casa clusa bona cooperta, sicut meruerit, ad me et de meis heredibus remittat potestatem, faciendum inde quod voluerimus; et liceat ipso urso et eius heredes et homines qui ibi misiti habuerit, inde exire cum omnis illorum causa movilia, et pergeret cum illud ubi voluerit, et si, sicut superius scriptum est, ipse ursu et suos heredes michi et ad meis heredibus non adimpleberint, et illud vel exinde removere aut contradicere presumpserit, per ipsam guadiam obligat se et suos heredes componere michi et ad meis heredibus triginta auri solidos constantinos, et omnia suprascripta adimpleret. quod scripsi ego ademari notario. ego qui supra ragemprandus iudex. Tertiadecima: in nomine domini vicesimo tertio anno principatus salerni domni nostri guaimarii, et tertio anno principatus eius capue, et secundo anno ducatus eius amalfi et surrentu gloriosi principibus, mense september, nona indictione. Memoratorium factum a nobis disidius et dauferi germani filii quondam petri barbuti, eo quod ante presentia ademarii comitis et iudici per convenientia ad tenendum et residendum tradidimus mulieri nomine rogata relicta quondam mansoni et filii quondam (deest nomen) terra cum casa nostra lignicia solarata, quod nos habuimus intus hanc salernitanam civitatem ad hortum magnum, qui est per has fines et mensuras. A parte occidentis fine platea, sunt inde pedes tridecim: A parte meridie inde habet pedes octo: A parte orientis habet inde pedes alii tredecim et planta: A parte septemtrionis fine anditum nostrum, et inde sunt pedes septem, totum ad iusto pede manu homini mensuratum, hec autem suprascripta terra cum casa per suprascripta fines et mensurie ipsius rogate ad residendum tradidimus ea ratione, ut amodo et usque tres anni completi, ipsa rogata in ipsa casa residere et habitare, fovee et omnis sue utilitatis iusta ratione ibi facere, et per omne annum, amodo et usque ipsi tribus anni completi, ipsa rogata et eius heredes dare nobis nostrisque heredibus censum pro ipsa casa tres auri tari boni, faciendum nos de ipsi tari, quod voluerimus: et nos ipsa casa conciemus bona, sicut meruerit. et ipsa rogata per convenientia guadia nobis dedit et fidemiussorem nobis posuit seipsam, et per ipsam guadiam obligavit se et suos heredes, ut ad ipso constitutum completum tota ipsa terra cum casa, qualiter supra legitur, nobis remittere, faciendum exinde omnia quod voluerimus. et liceant illa et suos heredes inde exire cum omni sua causa mobilia, et ire cum illud ubi voluerit, sine contrarietate nostra. quod si taliter omnia suprascripta ipsa rogata et suis heredibus nobis nostrisque heredibus non adimpleberint, et aliquid exinde contradixerit, per ipsam guadiam et convenientiam componere obligavit se et suos heredes nobis nostrisque heredibus viginti auri solidos constantinos, et suprascripta nobis adimplere. quod scripsi ego trupoaldus notarius, ego qui supra ademari iudex. Quartadecima: in nomine domini duodecimo anno principatus domni nostri gisulfi gloriosi principis, mense martio, sesta indictione. Memoratorium factum a nobis disiio et dauferii germani filii quondam petri barbuti coram subscribendis testibus, per convenientia ad tenendum et residendum tradidimus maria cacaczola filia quondam stefani inclita terra nostra cum casa lignicia solarata intus hanc salernitanam civitatem in horto magno, que est per fines et mensuras, iusto pede manus hominis mensuratas: a parte occidentis est finis platea, inde pedes tredecim. A parte meridie habet pedes octo: Ab oriente habet pedes tridecim et planta: A parte septemptrionis fine anditum, inde pedes septem. Hec autem suprascripta terra cum casa per suprascriptas fines et mensuras, nos suprascripti germani ipsius marie illam tradidimus ea ratione, ut amodo et usque tres anni completi illa et eius heredes ibi residere et habitare, fovee et omnes illorum utilitates iusta ratione ibi facere, et per omne annum de suprascripto mense in kalendis, amodo et usque completi ipsi tres anni, deant illis nobis nostrisque heredibus tres auri tarenos bonos, faciendum nos de ipsis tarenis quod voluerimus. et per convenientia ipsa maria guadia nobis dedit, et fidemiussorem nobis seipsam posuit; et per ipsam guadiam obligavit se et suos heredes, amodo et suprascriptum constitutum completum, in ipsa terra cum casa residere et habitare, sicut suprascriptum est: et nos suprascripti germani suprascriptam casam cooperiamus et conciemus eorum, sicut meruerit iusta ratione: et defensemus illam eorum ab omnibus hominibus. Ad completi ipsi tres anni, tota suprascripta terra cum casa clusa et cooperta remittant illis ad nostram potestatem, faciendum nos exinde quod voluerimus. et liceat illis inde exire cum omnia illorum causa, et ire ubi voluerint, absque nostra et de nostris heredibus contrarietate. Et si, sicut superius scriptum est, ipsa maria et suos heredes nobis non adimpleberint, et suprascripta vel ex eis quicquam removere aut contradicere presumpserint, per ipsam guadiam et convenientiam obligavit se et suos heredes componere nobis nostrisque heredibus viginti auri solidos constantinos, et sicut superius scriptum est, nobis adimplere omnia suprascripta fecit ipsa maria cum voluntate de mundoalt suum; et taliter scripsi ego iohannes notarius. ego petrus notarius me subscripsi. Cum autem suprascripte carte fuerunt ostense, dixit ipse disiius, ut ipsa terra cum casa, que est intra hanc civitatem, que ante me monstrata fuit, et ipse res foris hac civitate, que ante me monstrate fuerunt sibi et dauferio germano suo pertinere per suprascriptas cartulas quas ostendit. Ipse infans dicebat sibi, et iohanni, et pandoni, et petro iamdictam terram cum casa et ipsas res pertinere per suprascriptas cartulas, quas ipse lando infans ostendit. Et ipse infans dixit, ut ipse tres cartule quas ipse disiius ostendit, que superius per ordinem declarate sunt, quarum una scripta est per ipsum ademarium notarium, altera per ipsum truppoaldum notarium, alteram per ipsum iohannem notarium, false essent. Ipse disius dixit illas veraces esse et secundum legem illas adverare posse. Et dixit ipse disiius, ut suprascripte due cartule, que superius per ordinem declarate sunt, quas ipse infans ostendit, quarum una scripta est per ipsum iaquintum notarium, altera per ipsum mirandum notarium, false essent: Ipse infans respondit illas veraces esse, et secundum legem illas adverare posse. Ego autem dum taliter illos inter se causantes audivi coram ipsis abunculis ipsius infantis, iudicavi et ipsum infantem cum iamdicto disiio guadiare feci, ut per partes pararent inter se sancta dei evangelia, et prius ipse disiius secundum legem per sacramentum ad ipsa evangelia suprascriptas tres cartulas, quas ipse disiius ostendit, que superius per ordine declarate sunt, adverent. Et ubi taliter inter illas adveraverit ipse disiius et iamdictus dauferius germanus eius, et illorum heredes semper securiter habeant ipsam terram cum casa, quam ipse cartule continent secundum textum de ipsis cartulis, et faciant ex eis quod voluerint absque contrarietate ipsius infantis et heredum eius. Et ibique presentaliter ipse infans secundum legem per sacramentum ad ipsa evangelia suprascriptas amba cartulas, quas ipse infans ostendit, que superius per ordinem declarate sunt, adveret: et ubi taliter ipsas cartulas adveraverit, ipse lando infans et iamdictus iohannes et pando et petrus germani eius, et illorum heredes semper securiter habeant ipsas res, quas ipse cartule continent, secundum textum de ipsis cartulis, et faciant ex eis quod voluerint, absque contrarietate ipsius disigi et heredum eius. Et per partes inter se fideiussorem posuerunt pandonem clericum filium quondam landolfi comitis. superius inter virgulos scriptum est de propiciano. et taliter pro parte ipsius disigi te ademarium notarium scribere precepi. + Ego qui supra iohannes iudex.

Source Fulltext: Codex Diplomaticus Cavensis, vol. CDC.007, -, Estratto da ALIM