+ In nomine domini quartodecimo anno principatus domni nostri gisulfi gloriosi principis longobardorum gentis, mense iunius, octaba indictione. Nos iohannes filius quondam grimoaldi, et mulier nomine deseia, qui sumus vir et uxor, et alfanus fllius quondam maraldi et sanda vir et uxor, et alfanus filius quondam maraldi, qui dictus est de iaquinto et delecta qui sumus vir et uxor, et sumus toti abitatoris de locum mitiliano; bona nostra et gratuita voluntate, damus et offerimus in benerabili monasterio sito in cava, quod de ipso loco mitiliano dicitur, ubi sanctus pater noster leo abbas preest, integras duas peccias de terris nobis iure patrimonio pertinentes; quarum prima est in loco predicto metiliano ubi lapella dicitur, que est per fines; da parte orientis fine ubi se coniungunt due bie, quasi passi duo: A parte meridie fine bia, et da ipsa bia pergente in parte septemtrionis et coniungente in flubio de ipsa lamella, ubi canale de ipso flubio cecidit, et de ipso canale descendente in parte orientis per medium ipso flubio usque qui se coniungit in ipsa aqua de ipso flubio, et da inde pergente per ipsa bia quasi in parte meridie et coniungente in suprascripta bia da parte meridie priore fine. Alia est in pertinentia sancti Adiutori, ubi li scarzaventri dicitur, qui a parte orientis, occidentis et septemtrionis finis sunt bie publice, et a parte meridie finis sunt semite et terra da ipsu monasteriu de cava da ipsu loco mitiliano. Ea ratione, ut integra suprascripta nostra donatione, sicut supra legitur, semper sit in potestate tua, domine abbas leo predictus et successorum tuorum, et parte de ipso monasterio de la cava ad faciendum omnia, quod volueritis inde. Et propter confirmationem uius donationis iusta legem launegilt suscepimus a te predictus domine abbas pro parte de ipsu monasterio nos omnes suprascripti et suprascripte communiter, singule camisie et auri tari sedecim in omni deliberatione. Et per combenientiam nos suprascripti et suprascripte toti communiter guadiam tibi domno abbati tuisque successoribus dedimus, et mediatores tibi posuimus nos ipsis. Tamen nos suprascripte sanda, et deseia, et delecta mediatores pro parte nostra dedimus cum boluntate de suprascriptis biris nostris iusta longobardorum legem qua vivemus. Et per ipsam guadiam obligamus nos et nostris eredibus semper defendere tibi domno Abbati tuisque successoribus integram suprascriptam nostram donationem et oblationem ab omnibus hominibus et parte. quid si minime illam tibi domno abbati atque tuis successoribus defendere potuerimus, sic inde tibi et parte ipsius monasterii faciamus, sicut in lex longobardorum de dono et susceptum launegilt continet. Et quando tu et tuis successores illut per vos defendere volueritis, potestatem habeatis, qualiter volueritis cum omnibus muniminibus et rationibus, quas de ipsa donatione et oblatione nostra ostenderitis. Et si, sicut superius legitur, nos et nostris eredibus tibi tuisque successoribus non adimpleverimus, et suprascripta vel ex eis quicquam removere, aut contradicere presumpserimus, per ipsam guadiam componere obligavimus nos suprascripti et suprascripte biri et uxores et nostris heredibus tibi predicto domno abbati atque tuis successoribus et parte ipsius sacri cenobii, quinquaginta auri solidos constantinianos, et, sicut superius scriptum est, adimplere. Et quod superius disturbatum legitur atque emendatum, videlicet; bardorum, bardorum. Et taliter scribere rogavimus te petrus notarius. + Signum crucis proprie manus petri atrianensis. + Ego bibo castaldus. + Signum crucis proprie manus iohannis de sellecta. + Signum crucis proprie manus iohannis petri de zito. + Signum crucis proprie manus alchoini de locum sirino.

Source Fulltext: Codex Diplomaticus Cavensis, vol. CDC.007, -, Estratto da ALIM