+ In nomine domini quartodecimo anno principatus domni nostri gisulfi gloriosi principis, mense magius, octaba indictione. Memoratorium factum a nobis petrus et falco qui sumus germani filii quondam iohanni ballense; ante subscriptis testes coniuncti sumus cum mulier nomine biba, filia basili, relicta leonis, filii quondam basili, et ostedimus quattuor scripta: una ex ille continebat: Nos petrus et falco germani fili quondam iohanni ballensi divisimus una pecia de terra cum binea et bacuum de locum uliaria, quod commune abemus cum biba, filia basili, relicta leonis filii basili, quod ab ipsa biba in socia compreensit, ad dividendum cum casa fabrita que in ipsam terram abemus, et fecimus exinde due sortis, unam sortem fecimus esse in parte orientis, aliam in parte occidentis. Ipsa sors da parte occidentis per fines et mensuras: A meridie fine media sepe, et passi undecim, Ab oriente passi quattuor. et rebolbit quasi in parte occidentis per termini quos ibi fiximus, passos biginti quinque et cubitum, usque media reiale da parte meridie, que est in media ipsa casa fabrita; et abinde trabersante per media ipsa casa, et pergente rectum in parte septemtrionis, et abiente usque in bia, que est in ipsa parte septemtrionis, passi sex et cubitum et baraccum. A septemtrione finis ipsa via, passi quinque usque alia bia; A parte occidentis fine ipsa alia bia, passi triginta quattuor. De totum istut fecimus esse primam sortionem cum medietate ipsa casa in ipsa parte occidentis, et cum bice de ipse vie. Ipsam sortem da parte orientis per fines et mensuras: A parte septemtrionis fine ipsa bia intus ipsa res, erga ipsa sepe, mensurati passi decem et octo et gubitum et planta. A parte orientis fine media sepe, passi biginti duo: A meridie et a parte occidentis est finis ipsa prima sortione, sicut ipsi termini fixi sunt, et est per toti ipse partis, usque medium ipsum reiale de ipsa casa fabrita, passos biginti quinque et cubitum, et da ipso reiale trabersante ipsa casa, rectum in parte septemtrionis, et abiente usque ipsam biam da ipsa parte septemtrionis, passi sex et cubitum et baraccum. De totum istut fecimus esse secundam sortem cum medietate ipsa casa fabrita in parte orientis, et cum bice de ipsa bie. Ipse scriptum, quam ipsa biba ostendit, continet. Ego mulier nomine biba filia basilii, relicta leonis filii basilii grecus, divisi una pecia de terra cum binea et bacuum et pomis de locum uliaria, quam in secia comprehensi ad dividendum a petro et falco germani filii quondam iohannis ballense, et feci exinde due sortis; una in parte orientis, et alia in parte occidentis. Ipsam sortem da parte orientis feci per fines et mensuras: Ab oriente fine media sepe, et passi decem et nobem et medium: A septemtrione fine bia et sepe intus ipsa res, iuxta ipsa sepe, passos quadraginta. Ab occidente fine alia sorte, passi tridecim et cubitum et palmum et planta: A meridie fine media sepe, passi quadraginta. de totum istut feci esse prima sorte cum bice de ipsa bia. Ipsa sorte da parte occidentis per fines et mensuras. A septemtrione fine ipsa bia et sepe intus ipsa rebus iusta ipsam sepem, passi septem; et rebolbente in parte meridie fine ipsam sepem, passi duo; et rebolbente in parte occidentis, passi triginta quinque: Ab occidente fine media sepe, passi decem et septem; A meridie fine media sepe, et passi triginta sex: Ab oriente fine ipsa prima sorte, et passi tridecim et cubitum et palmum et planta. De totum istut feci esse secundam sortem cum bice de ipsa bia. Et cum fuerunt lecte ipse scriptionibus de illut quod ipsa biba divisit, sicut supra scriptum est, prius inde compreensimus nos suprascripti germani petrus et falco, ipsa secunda sors et de illut, quod nos divisimus, sicut suprascriptum est, comprehensimus nos suprascripti germani ipsam primum sortem, qualiter superius ambo ipse sortis facte sunt cum omnia intro se abentibus et suis pertinentiis, et cum bice de ipse bie, ad faciendum de eas nos et nostris heredibus quod voluerimus. Et ipsa biba comprehensit de illut quod sicut diximus, nos suprascripti germani divisimus, ipsam secundam sortem et de illut quot ipsa biba divisit. sicut diximus, ipsa biba comprehensit ipsa prima sorte, qualiter superius ambo ipse sortis facte sunt, cum omnia intro se abentibus et suis pertinentiis et cum bice de ipse bie, ad faciendum de eas ipsa biba et eius heredes, quod voluerint. Et per combenientiam ipsa biba secundum legem et romanorum consuetudo guadiam nobis dedit et mediatorem nobis posuit urso germano suo filio suprascripti basilii. Et per ipsam guadiam etc: Sequitur consueta formula, statuta mulcta quinquaginta auri solidorum Constantini. Et in suprascripta divisione, quemammodum superius legitur, illa et eius heredes nobiscum et cum nostris heredibus semper firmiter permanerent. Sic tamen suprascripta mensuras iusto passu ominis mensuratus: quod scripsi ego petrus notarius. + Ego alderissi notarius me subscripsi. + Ego grimoaldus notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM