+ Signum manus Ioannis presbyteri filii Caphyri beatae memoriae. + Signum manus Anastasii fratris eius. + Signum manus Argenti eius filii. + Signum manus Nicetae Vexillarii. + Signum manus Basilii filii Ursini de Comita. + Signum manus Sophiae eius uxoris. + Signum manus Daphnes. + Signum manus Mulae generi presbiteri Danielis. + Signum manus Philippi generi Sergii Vexillarii. + Signum manus Mariae uxoris eius. + Signum manus Domnae filiae Sergii Vexillarii. In nomine Patris, et Filii, et Spiritus Sancti. Quoniam divinis legibus inhaerentes primum quidem ecclesiae constitutionem ab omni molestia et danno immunem praestare debemus, utpote quae res nostras tuetur et conservat, ac divinam miserationem et benevolentiam nobis ubertim conciliat; idcirco necesse est, ut qui puro corde Deo placuerunt, eique sincere serviunt, ab omni periculo vindicentur. Quare nos suprascripti, qui signa sanctae et vivificae crucis exaravimus, offerimus venerabili ecclesiae sanctae Deiparae, et piissimo domino Theophylacto praefecto monasterii dicti de Zosimo, terras, quas habemus in loco, ubi dicitur Marathosa, pro sua quisque portione, pro redemptione et remissione genitorum nostrorum beatae memoriae Ursini, et Sergii, et Nicolai, et Danielis presbyteri, et Ioannis presbyteri, et Apelati, et Costantini, et Columbae, et Sigtae, Mariae, et Basilii, Philippi, Sergii, Apelati, Basilii, Annae, et Helenae, Candidae, et Leonis, et Ioannis, et Nicolai, et pro nobis peccatoribus, ac Ursa. Sunt vero fines eiusdem territorii: ad orientem piissimus monasterii praefectus Theophylactus; ad occidentem ut incipit terminus et desinit in praeruptae parvae Marathosae, ubi crucem in arbore signavimus, et ascendit ad saxa, et pergit ad praerupta magnae Marathosae. Ut ex hac die nullam potestatem habeamus repetendi huiusmodi territorium, nec nos suprascripti, neque filii aut coniuncti nostri aut quisquam alius; sed a praesenti tempore extranei reputemur in huiusmodi praediis: et quicumque petiturus sit haec praedia, quae obtulimus sanctae Dei ecclesiae (sub titulis) SS. Deiparae ac sancti martyris Theodori, ipsam SS. Deiparam et sanctum Theodorum ultores experiatur, sanctosque tercentos octo et decem divinos Patres, separatus sit a sancta Dei communione, et habeat laqueum Iudae proditoris, et lepram Giezi puellae, partemque cum iis, qui clamaverunt: Tolle, tolle, crucifige eum; quemadmodum nos iuravimus per Deum omnipotentem, et per Imperatoris salutem, ac ipsum nostrum sanctum Imperatorem, simulque sanctas et vivificas cruces signavimus, in praesentia fide dignorum testium, qui forte interfuerunt, Scriptuus manu Chrysaphii presbyteri de mandato Chryso ioannis tabularii, anno 6566, indictione XI. + Theodotus filius Senatoris testis. + Nicolaus filius Gemelli testis. + Andreas filius Pothi testis. + Tornices testis. + Leo filius Nicolai notarii testis. + Leo Caunitianae filius testis. + Costantinus de Charzalegambi testis.

Source Fulltext: Codex Diplomaticus Cavensis, vol. CDC.008, -, Estratto da ALIM