+ In nomine domini, septimodecimo anno principatus domni nostri gisulfi gloriosus princeps, mense nobembri, duodecima indictione. Memoratorium factum a me iohanne filio quondam (deest nomen) qui fuit abbate de ecclesie sancte marie de intus anc Salernitanam civitatem in bertice montis, que est ipsa ecclesia pertinente de heredes quondam falconi ballensi et dauferii, filius quondam (deest nomen) eo quod ante idoneos homines per iussionem ipsius petri clerici et de aliis ipsi domni ipsius ecclesie tradidimus petri castaldo, filio quondam iohanni ..... filia (deest nomen) inclita clusuria de terra cum binea et castanieta et arbustis, pertinente ipsius ecclesie in locum pastorano ubi ad castania panda dicitur, et est per finis et mensurie iusto passu hominis mensurati. a parte septemtrionis finis via et passi biginti tres, et rebolbente in ipsa parte septemtrionis et passi decem, et rebolbente in oriente et passi duo, et rebolbente in meridie et passi triginta duo, et rebolbente in oriente et passi septuaginta octo usque in aqua, que dicitur fregdola; et a parte orientis finis ipsa aqua, que dicitur fregdola et passi sexaginta sex: et a parte orientis et passi septuaginta unum, a parte occidentis et passi triginta quadtuor, et revolbente in occidente et passi sidecim, et rebolbente in priore fine et passi sexaginta octo. ec vero ipsa clusuria de terra cum binea et castanietum et arbustis per suprascriptas finis et mensurias inclitum illut ipsi petro tradidimus, seu et tradidimus ipsi petro quantum in ipso loco castania per omne annum in ipsa ecclesia est pertinente, tali hordine ud amodo et semper natos nascentes ad sua et de suis heredibus sint potestate illut tenendum et lavorandum et pastenandum foveas et omnis illorum utilitate iusta ratione ividem faciant, et tegurium ividem illis faciant et abeant, et ad residendum homines ividem mittant et unde meruerit per annum illis ille cludant et clusum et salbum illut abeant, et amodo et omni tempore ubi meruerit infra suprascripta vinea pastenemus binea de vono bitineo et illis illut surgant. et ubi meruerit in suprascripto arbusto pastenent per omne annum arbores et vites de vono bitineo, et illut surgant, et surtum et salvum per omne annum illut abeant; et de super et de subter per omne annum bonum illut lavoremus et vites traamus, et cultemus illud bonum per omne annum ut semper in melius proficiant et non dispereant; et amodo et omni tempore per omne annum, quando meruerit tota ipsa vinea bona lavorent, putent et ligent et propaginent, et scolsient et adimpleant et zappent bona, sicut meruerit, et inpalent illa vona, sicut meruerit, et amodo et omni tempore pro tempore de vindemie ille et eius heredes faciant nos scire ud ividem pergamus, aut dirigamus missum nostrum, et illis apto tempore tota suprascripta tradictione vindemient et omnis vinum et poma exinde ivique ad palmentum inter nos dividamus per medietatem, sive nos sive successores nostros et partibus predicte ecclesie; sive missum nostrum prius exinde tollat inclitam medietatem et illis reliqua medietas, castaneis que ividem sunt vel fuerint quando meruerit illis ille colligant et seckent et medietate secke nobis deant et medietatem illis sivi abeant; poma que ividem sunt vel fuerint per annum illis salbe abeant, et ante missos nostros sive ante nos intus ipsa traditione illut dividamus, nos tollamus prius medietatem, et illis reliqua medietas, et ubi meruerit, infra ipsa vinea pastenent illis cannietum et illut illis ivi abeant; et in tota suprascripta tradictione, ubi meruerit, pastinent saliceto et tote.... modo ividem sunt vel fuerint tote per omne annum illorum sit potestate; tantum ligent inde illis ipsa vinea; et palmentaticum nobis et ad successoribus nostris et partibus predicte ecclesie deant illis secundum consuetudinem de ipso locum; et quicquit in tota suprascripta traditione seminaverint solummodo in ipsa vinea deant inde illis nobis terraticum secundum consuetudinem de ipso locum. Et ipsum missum nostrum dum ividem steterit pro ipsa nostra sortione recipiendum, illis eum nutriant secundum illorum fuerit possivilitatem; et quale tempore illis suprascripta traditione tenere et lavorare noluerint, aut non potuerint inclita suprascripta traditione lavorata bonum et surtum remittant illis ad nostra et de nostris subcessoribus, seu ad pars predicte ecclesie potestate faciendum quod boluerint; et illis licead inde exire cum omnis illorum causa mobilia; et ire cum illum ubi voluerint, et guadiam nobis dedi et mediatorem nobis posui ademarius filius quondam radecisi. et per ipsa guadia obligavit se et suos heredes, quod si taliter ut suprascriptum est per supradicto hordine nobis non adimpleverit, et aliquit inde contradixerit, per combenientia per ipsa guadia componere obligavit se et suos heredes nobis et ad successoribus nostris, et ad pars predicte ecclesie quinquaginta auri solidos constantinos. quod scripsi ego petrus notarius. alter quod est disturbatum in ipsa birgula dicitur: presbiter; et illud quod est scriptum inter ipsi virguli dicit castanea pania. quod subiunsit ego qui supra petrus notarius. + Ego ademarius me subscripsi. + Ego petrus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM